Vittla September 29 2024 : ದುಖಿ ಸಾಯ್ಭಿಣ್ ಫಿರ್ಗಜ್ ವಿಟ್ಲ

ಅಂತರಾಷ್ಟ್ರೀಯ್ ಬಾಡಿ ಬಿಲ್ಡಿಂಗ್ ಸ್ಪರ್ದ್ಯಾಂತ್ ಬಾಂಗ್ರಾಳಿಂ ಪದಕ್ ಅಪ್ಣಾಯಿಲ್ಲ್ಯಾ ಮಾನೆಸ್ತ್ ಸುನಿಲ್ ಪಾಯ್ಸಾಕ್ ಫಿರ್ಗಜೆ ತರ್ಪೆನ್ ಬೊ| ಮಾ| ಐವನ್ ಮೈಕಲ್ ರೊಡ್ರೀಗಸ್ ಬಾಪಾಂಚ್ಯಾ ಮುಖೆಲ್ಪಣಾರ್  ಉಲ್ಲಾಸ್ ಪಾಟಯ್ಲೆಂ.

ದಿನಾಂಕ್ 29/09/2024 ವೆರ್ ಸಕಾಳಿಂ ಪಯ್ಲ್ಯಾ ಮಿಸಾಚ್ಯಾ ಅಕ್ರೇಕ್ ಹೆಂ ಕಾರ್ಯೆಂ ಚಲವ್ನ್ ವೆಲೆಂ. ಬೊ|ಮಾ|ಐವನ್ ಮೈಕಲ್ ರೊಡ್ರೀಗಸ್ ಬಾಪಾಂ ಸಾಂಗಾತಾ ಸಯ್ರೆ ಯಾಜಕ್ ಮಾ|ಬಾ| ಜೆರಾಲ್ಡ್ ವೇಗಸ್, ಉಪಾಧ್ಯಕ್ಷ್ ವಿಜಯ್ ಪಾಯ್ಸ್, ಕಾರ್ಯದರ್ಶಿ ತೋಮಸ್ ಮಸ್ಕರೇನಸ್, ಆಯೊಗ್ ಸಂಯೋಜಕ್ ಲೂವಿಸ್ ಮಸ್ಕರೇನಸ್ ಹಾಜರ್ ಆಸೊನ್, ಫುಲಾಂಚೊ ತುರೊ ದೀವ್ನ್ ಉಲ್ಲಾಸ್ ಪಾಟಯ್ಲೆಂ.

ಕೊಲ್ಕೊತ್ತಾಂತ್ ಚಲ್‌ಲ್ಲ್ಯಾ ಅಂತರಾಷ್ಟ್ರೀಯ ಬಾಡಿ ಬಿಲ್ಡಿಂಗ್ ಸ್ಪರ್ದ್ಯಾಂತ್ ಸೀನಿಯರ್ ಆನಿ ಜೂನಿಯರ್ ಮಾಸ್ಟರ್ಸ್ ವಿಭಾಗಾಂತ್ ದೋನ್ ಬಾಂಗ್ರಾಳಿಂ ಪದಕಾಂ ಆನಿ ಒವರೋಲ್ ಚಾಂಪಿಯನ್‌ಶಿಪಾಂತ್ ರುಪ್ಯಾಳೆಂ ಪದಕ್ ಅಪ್ಣಾಯ್ಲಾಂ.

ಮಾನೆಸ್ತ್  ಸುನಿಲ್ ಪಾಯ್ಸ್  ಸಾಂ ತೆರೆಜ್ ವಾಡ್ಯಾಚ್ಯಾ ದೆವಾದೀನ್ ತೋಮಸ್ ಪಾಯ್ಸ್ ಅನಿ ಸಂತಾನ್ ಪಾಯ್ಸ್ ಹಾಂಚೊ ಪೂತ್.

ಮಾನೆಸ್ತ್ ಸುನಿಲ್ ಪಾಯ್ಸ್  ವಿಟ್ಲಾಂತ್ ರಸ್ಕಿನ್ನಾ ಕಾಂಪ್ಲೆಕ್ಸಾಂತ್ ಪಿಟ್ನೆಸ್ ಮಲ್ಟಿ ಜಿಮ್ಮ್ ನಾಂವಾರ್ ಜಿಮ್ಮ್ ಸೆಂಟರ್ ಚಲವ್ನ್ ಬಾಡಿ ಫಿಟ್ನೆಸ್ ಅನಿ ಬಾಡಿ ಬಿಲ್ಡಿಂಗಾ ವಿಶ್ಯಾಂತ್ ತರ್ಭೆತಿ ದಿತೆ ಆಸಾ. ಬಾಂಗ್ರಾಳಿಂ ತಶೆಂಚ್ ಸಿಲ್ವರ್ ಪದಕಾಂ ಅಪ್ಣಾಯಿಲ್ಲ್ಯಾ ಸುನಿಲಾಕ್ ಸರ್ವ್  ಫಿರ್ಗಜ್ ಕುಟ್ಮಾ ತರ್ಪೆನ್ ವಿಗಾರಾಥಾವ್ನ್  ಆಭಿನಂದನ್ ಪಾಟಯ್ಲೆಂ.