ಸುರ್ವೆರ್ ಪವಿತ್ರ್ ಮಿಸಾಚಾ ಬಲಿದಾನಾ ಸವೆಂ ಫಿರ್ಗಜ್ ವಿಗಾರ್ ಬೊ|ಮಾ|ಬಾ| ಐವನ್ ಮೈಕಲ್ ರೊಡ್ರಿಗಸ್ ಹಾಣಿಂ "ಜೆಜುಚ್ ಜಾವ್ನಾಸಾ ಆಮ್ಚೆ ಖಾತಿರ್ ವಳ್ವೊಳ್ಚೊ ಸೆವಕ್ ಮ್ಹಳ್ಳೊ ಇಸಾಯಿಯಾ ಪ್ರವಾದಿಚೊ ಪ್ರವಾದ್ ನವ್ಯಾ ಸೊಲ್ಲ್ಯಾಂತ್ ನೀಜ್ ಜಾಲಾ. ಆನಿ ಅಮಿಂ ಜುದಾಸಾ ಬರಿ ಆಶಾ ಅಬ್ಲೆಸಾಕ್ ಲಾಗೊನ್ ವಿಶ್ವಾಸ್ ಘಾತ್ ಕರಿನಾಸ್ತಾನಾ, ಮರಿಯೆ ಬರಿ ದೆವಾಚಾ ಖುಶೆ ಯೋಜನಾಕ್ ಖಾಲ್ತಿಮಾನ್ ಘಾಲ್ನ್ ಪ್ರಾಮಾಣಿಕ್‌ಪಣಿಂ ಜೆಜುಚೊ ಮೋಗ್ ಕರ್ಚೆ ತಸಲಿಂ ಜಾಯ್ಜೆ" ಮ್ಹಳ್ಳೊ ಸಂದೇಶ್ ಪವಿತ್ರ್ ಪುಸ್ತಾಕಾಂಚಾ ಉತ್ರಾಂ ವಯ್ರ್ ದಿಲೊ.

        30-03-2026 ಸೊಮಾರಾ ಸಕಾಳಿಂ 10:00 ವರಾಂ ಥಾವ್ನ್ ರಾತಿಂ 10:00 ಪರ್ಯಾಂತ್ 12 ವಾಡ್ಯಾಚಾ ವಾಡ್ಯಾಗಾರಾನಿಂ ವ್ಹಡ್ ಭಕ್ತಿಪಣಿಂ ಎಕೇಕ್ ವ್ಹರ್ ಸಾಕ್ರಾಮೆಂತಾಚೆಂ ಆರಾಧನ್ ಚಲೊವ್ನ್ ವೆಲೆಂ. ರಾತಿಂ 10:00 ಥಾವ್ನ್ ಸಕಾಳಿಂ 6:00 ಪರ್ಯಾಂತ್ ಫಿರ್ಗಜೆಚ್ಯಾ ಸಬಾರಾನಿಂ ಅಖ್ಖಿ ರಾತ್ ಸೊಮಿಯಾ ಸಾಂಗಾತಾ ರಾವೊವ್ನ್ ವೈಯುಕ್ತಿಕ್ ಅರಾಧನಾಂತ್ ಭಾಗ್ ಘೆತ್ಲೊ.

     31-03-2026 ಸಕಾಳಿಂ 6:00 ಥಾವ್ನ್ 8:00 ಪರ್ಯಾಂತ್  ಕೊವೆಂತಾಚಿ ಧರ್ಮಭಯ್ಣಿ, ತಶೆಂಚ್‌ ಉರುಲ್ಲ್ಯಾ ಎಕಾ ವಾಡ್ಯಾಚಾನಿಂ ಯೇವ್ನ್ ಆರಾಧನ್ ಚಲೊವ್ನ್ ವೆಲೆಂ.

     ಸಕಾಳಿಂ 8:00 ಥಾವ್ನ್ 9:00 ಪರ್ಯಾಂತ್ ವಿಗಾರ್ ಬಾಪಾನಿಂ ವ್ಹಡಾ ಭಕ್ತಿಪಣಾನ್ ಭೋವ್ ಅಪೂರ್ಬಾಯೆನ್ ಸೊಮಿಯಾ ಸಂಗಿಂ  ಖರ್ಚುಂಚೊ ವೇಳ್ ಅಮ್ಚ್ಯಾ ಜಿವಿತಾಂತ್ ಕಿತ್ಲ್ಯಾ ಮಹತ್ವಚೊ ಮ್ಹಳ್ಯಾ ವಿಶ್ಯಾಂತ್ ಶಿಕೊವ್ಣ್ ದಿಲಿ. ತಶೆಂಚ್ ಪವಿತ್ರ್ ಸಭಾ ಮ್ಹಳ್ಳ್ಯಾ ರೂಕಾಪಂದಾ ಸಂದಾಚ್ ಅಮಿ ಎಕ್ಟೊಟೊನ್ ರಾವೊಂಕ್ ಜಾಯ್ ಮ್ಹಣ್ ಸಂದೇಶ್ ದಿಲೊ ಆನಿ ಅರ್ಗಾಂ, ವಿನೊವ್ಣ್ಯಾ ಮಾಗ್ಣ್ಯಾ ಮುಕಾಂತ್ರ್  ಅಮ್ಕಾಂ ಮಾಗೊಂಕ್ ಕುಮೊಕ್ ಕೆಲೆಂ. ಸಂಭ್ರಮಿಕ್ ಆಶೀರ್ವಾದಾ ಸವೆಂ ಎಕಾ ವರಾಚೆಂ ಸಾಕ್ರಾಮೆಂತಾಚೆ ಆರಾಧನ್ ವಿಗಾರ್ ಬಾಪಾನಿಂ ಚಲೊವ್ನ್ ವೆಲೆಂ.

     ನಿಮಾಣೆಂ 9:00 ವರಾಂಚಾ ಮಿಸಾಚಾ ಬಲಿದಾನಾ ಸವೆಂ 24 ವೊರಾಂಚೆ ಸಾಕ್ರಾಮೆಂತಾಚೆ ಆರಾಧನ್ ಸಂಪಯ್ಲೆಂ.