ಸುರ್ವೆರ್ ಪವಿತ್ರ್ ಪುಸ್ತಕಾಕ್ ಮಾನ್ ಕರ್ನ್ ತರ್ಬೆತಿ ಕಾರ್ಯೆಂ ಆರಂಭ್ ಕೆಲೆಂ.

     ಶ್ರೀ ವಲೆಂಟೈನ್ ಪಿಂಟೊ ಹಾಣಿಂ ಸಂಪನ್ಮೂಲ್ ವ್ಯಕ್ತಿ ಜಾವ್ನ್ ಆಯಿಲ್ಲ್ಯಾ ಮಂಗ್ಳುರ್ ದಿಯೆಸೆಜಿಚ್ಯಾ ಮುಳಾವಿ ಕ್ರೀಸ್ತೀ ಸಮುದಾಯ್ ಆಯೋಗಾಚಿ ಕಾರ್ಯದರ್ಶಿ ಶ್ರೀಮತಿ ಆಶಾ ಸೊಫಿಯಾ ಮೊಂತೇರೊ ಹಾಂಚಿ ಸರ್ವಾಂಕ್ ಪರಿಚಯ್ ಕರ್ನ್ ದೀವ್ನ್ ತಿಕಾ ಮೊಗಾನ್ ಸ್ವಾಗತ್ ಮಾಗ್ಲೊ. 

     ಉಪ್ರಾಂತ್ ಶ್ರೀಮತಿ ಆಶಾ ಸೊಫಿಯಾ ಮೊಂತೇರೊ ಹಾಣಿಂ  ಭುರ್ಗ್ಯಾಂನಿ ಆನಿ ಯುವಜಣಾಂನಿ ಮುಳಾವೊ ಕ್ರೀಸ್ತೀ ಸಮುದಾಯಾಂತ್ ಕಸೊ ಭಾಗ್ ಘೆಂವ್ಚೊ, ಮಾಗ್ಣಿಂ ಕಶಿಂ ಶಿಕೊಂವ್ಚಿ ಮ್ಹಣ್ ಸಾತ್ ಮೆಟಾಂಚೆ ವಿದಾನ್ ದಾಕ್ಲೆ ದೀವ್ನ್  ಸವಿಸ್ತಾರ್ ರೀತಿನ್ ಭುರ್ಗ್ಯಾಂಕ್ ಮಾಹೆತ್ ದಿಲಿ.

     ಹ್ಯಾ ತರ್ಭೆತಿ ಕಾರ್ಯಾಚೆ ಅಧ್ಯಕ್ಷ್ ಫಿರ್ಗಜ್ ವಿಗಾರ್ ಮಾ| ಬಾ| ಮೈಕಲ್ ಲೋಬೊ ಹಾಣಿಂ ಆಮಿಂ ಆಮ್ಚೊ ಭಾವಾರ್ಥ್  ಜಿವೊ ದವರುಂಕ್ ಜಾಯ್ ಆನಿ ವಾಡ್ಯಾಂತ್ ಆಮಿಂ  ಸಕ್ರಿಯ್ ರೀತಿನ್ ಭಾಗ್ ಘೆಂವ್ಕ್ ಜಾಯ್  ಮ್ಹಳ್ಳೊ ಸಂದೇಶ್ ದಿಲೊ.

      ಬಾ | ಆಮಿತ್ ರೊಡ್ರಿಗಸ್, ಫಿರ್ಗಜ್ ಉಪಾಧ್ಯಕ್ಷ್ ಮಾನೆಸ್ತ್ ವಲೇರಿಯನ್ ವೇಗಸ್, ಕಾರ್ಯದರ್ಶಿ ಶ್ರೀಮತಿ ಶಾಲೆಟ್ ಪಾಯ್ಸ್, ಮುಳಾವೊ ಕ್ರಿಸ್ತೀ ಸಮುದಾಯ್ ಸಂಚಾಲಕ್ ಮಾನೆಸ್ತ್ ವಲೆoಟೈನ್ ಪಿಂಟೊ, ಎಕ್ತಾರ್ ಆಯೋಗಾಚಿ ಸಯೋಜಕಿ ಶ್ರೀಮತಿ ಲೆತೀಶಾ ಲೋಬೊ, ಕಾರ್ಯದರ್ಶಿ ಸಿ| ಲಿಡಿಯಾ ಮಿರಾಂದಾ, ಎಕ್ತಾರ್ ಆಯೋಗಾಚೆ ಸರ್ವ್ ಸಂಚಾಲಕ್ ಆನಿ ಸಾಂದೆ, ಕೇಂದ್ರಿಕ್ ಸಮಿತಿಚೆ ಸಾಂದೆ,ಭುರ್ಗಿಂ ಆನಿ ವ್ಹಡಿಲಾಂ ತರ್ಭೆತ್ ಕಾರ್ಯಾಕ್ ಹಾಜರ್ ಆಸ್‌ಲ್ಲಿಂ. 

      127 ಭುಗ್ಯಾಂನಿ ಹ್ಯಾ ತರ್ಬೆತ್ ಕಾರ್ಯಾಂತ್ ಭಾಗ್ ಘೆವ್ನ್  ಜಾಣ್ವಾಯ್ ಆಪ್ಣಾವ್ನ್ ಭುರ್ಗ್ಯಾಂನಿ ಆನಿ ವ್ಹಡಿಲಾನಿಂ ಕಶೆಂ ಮುಳಾವೊ ಕ್ರೀಸ್ತೀ ಸಮುದಾಯೆಂತ್ ಸಕ್ರೀಯ್ ರೀತಿನ್ ಭಾಗ್ ಘೆವ್ಯೆತ್ ಮ್ಹಳ್ಳಿಂ ಬೊಗ್ಣಾಂ ಉಚಾರ್ಲಿಂ. 

      ಶ್ರೀಮತಿ ಲೆತೀಶಾ ಲೊಬೊನ್ ಸರ್ವಾಂಕ್ ಸ್ವಾಗತ್ ಕೆಲೆಂ. ಸಿ. ಲಿಡಿಯಾ ಮಿರಾಂದಾ ಹಾಣಿಂ ಸಹಕಾರ್ ದಿಲ್ಲ್ಯಾ ಸರ್ವಾಂಚೊ ಉಪ್ಕಾರ್ ಬಾವುಡ್ಲೊ. ಜೊವಿಲಾ ರೊಡ್ರಿಗಸ್ ಆನಿ ಆ್ಯಲನ್ ಮಸ್ಕರೇನಸ್ ಹಾಣಿಂ ಕಾರ್ಯೆಂ ಚಲವ್ನ್ ವೆಲೆಂ.

    ಅಶೆಂ ಸರ್ವಾಂಚಾ ಸಹಕಾರಾನ್ ಮುಳವೊ ಕ್ರೀಸ್ತೀ ಸಮುದಾಯ್ ತರ್ಬೆತ್ ಕಾರ್ಯೆಂ ಯಶಸ್ವಿ ಥರಾನ್ ಸಂಪಯ್ಲೆಂ.

Photo Gallery :  👉🏻 https://photos.app.goo.gl/4r4C7unPhWZdFtG49