ದಿಯೆಸಿಜಿಚೆ ಪವಿತ್ರ್ ಪುಸ್ತಕ್ ಆಯೋಗಾಚೆ ಕಾರ್ಯದರ್ಶಿ ಮಾ|ದೊ|ಬಾ| ವಿನ್ಸೆಂಟ್ ಸಿಕ್ವೇರಾ ರೆತಿರೆಚೆ ಮುಖೆಲ್ ಪ್ರಸಂಗ್‌ದಾರ್ ಜಾವ್ನ್ " ಆಮಿ ಖುರ್ಸಾಯಿಲ್ಲ್ಯಾ ಕ್ರೀಸ್ತಾಕ್  ಪರ್ಗಟ್ತಾಂವ್ "  ಮ್ಹಳ್ಳ್ಯಾ ಧ್ಯೇಯಖಾಲ್ ರೆತಿರ್ ಚಲವ್ನ್ ವೆಲಿ.

    ಪಯ್ಲ್ಯಾ ದಿಸಾ " ಖುರ್ಸಾವಯ್ಲೊ ಜೆಜು ಆಮ್ಚ್ಯಾ ಕಷ್ಟಾಂಕ್ ಸ್ಪಂದನ್ ಕರ್ತಾ, ತ್ಯಾಚ್ ಮಾಪಾನ್ ಆಮಿಂಯೀ ಹೆರಾಂಚಾ ಕಷ್ಟಾಂಕ್ ಸ್ಪಂದನ್ ಕರುಂಕ್ ಜಾಯ್ " ಮ್ಹಳ್ಳೊ ನಿಯಾಳ್ ಕೆಲೊ. 

     ದುಸ್ರ್ಯಾ ದಿಸಾ " ಖುರ್ಸಾರ್ ಥಾವ್ನ್ ಜೆಜು ಆಮ್ಕಾಂ ಮೋಗ್ ದಿತಾ, ಭೊಗ್ಸಾಣೆಂ ದಿತಾ, ಜೀವ್ ದಿತಾ, ಬರಿಂ ಕರ್ತಾ. ದೆಕುನ್ ಆಮಿಂ ಆಮ್ಚ್ಯಾ ಹರ್ಯೆಕಾ ಕಷ್ಟಾಂತ್ ದೆವಾಚೆರ್ ಭಾವಾರ್ಥ್ ದವರುಂಕ್ ಜಾಯ್ " ಮ್ಹಳ್ಳೊ ನಿಯಾಳ್ ಕೆಲೊ.

    ತಿಸ್ರ್ಯಾ ದಿಸಾ " ಆಮ್ಚ್ಯೆ ಕಷ್ಟ್ ಸೊಮ್ಯಾಚ್ಯಾ ಕಷ್ಟಾಂತ್ ಮೆಳ್ತಾತ್ ಆನಿ ಸೊಮ್ಯಾಚೆ ಕಷ್ಟ್ ಆಮ್ಚ್ಯಾ ಕಷ್ಟಾಂತ್ ಮೆಳ್ತಾತ್ ದೆಕುನ್ ಕಷ್ಟಾಂಕ್ ನಿರಾಶಿ ಜಾಯ್ನಾಸ್ತಾಂ ಭಾವಾರ್ಥ್ಯಾನ್ ಫುಡೆಂ ವಚುಂಕ್ ಜಾಯ್ "  ಮ್ಹಳ್ಳೊ ನಿಯಾಳ್ ದಿಲೊ. 

        ಅಶೆಂ ತೀನೀ ದಿಸಾ ಸರ್ವ್ ಫಿರ್ಗಜ್‌ಗಾರಾಂನಿ ಸೊಮ್ಯಾಚಾ ಪಾಶಾವಾಂಚೊ ನಿಯಾಳ್ ಕರ್ನ್, ಪವಿತ್ರ್ ಮಿಸಾಚೆಂ ಬಲಿದಾನ್ ಭೆಟವ್ನ್ ಆನಿ ಪವಿತ್ರ್ ಸಾಕ್ರಾಮೆಂತಾಚೆ ಆರಾಧಾನ್ ಕರ್ನ್, ಅತ್ಮಿಕ್ ಬರೆಪಣ್ ಜೊಡುಂಕ್ ಹಿ ರೆತಿರ್ ಆಧಾರ್ ಜಾಲಿ

Photo Gallery:  👉🏻Day 01 : https://drive.google.com/drive/folders/149Xh_047NPLgGWJc4OoAMqXfJtpxDVnQ?usp=sharing

 Day 02 :  https://drive.google.com/drive/folders/1KbAmgzIg4CXQ7UanDFsz3OdRyWBsk5Qb?usp=sharinghttps://drive.google.com/drive/folders/1KbAmgzIg4CXQ7UanDFsz3OdRyWBsk5Qb?usp=sharing

Day 03 :  https://drive.google.com/drive/folders/1prLot6jxjUEM-LVd0vu2n2zKk3RIUn_C?usp=sharing