ಸಕಾಳಿಂ 9:15  ವರಾಂಚೆರ್ ಶತಮಾನೋತ್ಸವ್  ಸ್ಮಾರಕ್ ಸಮುದಾಯ್ ಭವನ್ ಹಾಂಗಾಸರ್ ಜಮ್ಲೆಲ್ಯಾ  ಸರ್ವಾಂಕ್  ದೇವ್ ಸ್ತುತಿ ಆಯೋಗ್ ಪಂಗ್ಡಾಚಿ ಸಂಚಾಲಕಿ ಶಾಲೆಟ್ ಪಾಯ್ಸ್  ಹಾಣಿಂ ಸ್ವಾಗತ್ ಕೆಲೆಂ. ಉಪ್ರಾಂತ್ ಮಂಗ್ಳುರ್ ದಿಯೆಸಿಜಿಚೆ ಪವಿತ್ರ್ ಪುಸ್ತಾಕ್ ಆಯೋಗಾಚೆ ಕಾರ್ಯದರ್ಶಿ ಮಾ |ದೊ| ಬಾ ವಿನ್ಸೆಂಟ್ ಸಿಕ್ವೇರಾ, ವಿಟ್ಲ ಫಿರ್ಗಜೆಚ್ಯೆ ವಿಗಾರ್ ಮಾ | ಬಾ | ಐವನ್ ಮೈಕಲ್ ರೊಡ್ರಿಗಸ್ , ಗೊವ್ಳಿಕ್ ಪರಿಷದೆಚೊ ಉಪಾಧ್ಯಕ್ಷ್ ಮಾನೆಸ್ತ್ ವಿಜಯ್ ಪಾಯ್ಸ್ , ಕಾರ್ಯದರ್ಶಿ ಮಾನೆಸ್ತಿಣ್ ಶ್ವೇತಾ ಪಾಯ್ಸ್, ಎಕ್ವೀಸ್ ಆಯೋಗಾಚೊ ಸಂಚಾಲಕ್ ಮಾನೆಸ್ತ್ ರೋಬರ್ಟ್ ಮಸ್ಕರೇನಸ್, ದೇವ್ ಸ್ತುತಿ ಆಯೋಗ್ ಪಂಗ್ಡಾಚಿ ಸಂಚಾಲಕಿ ಶಾಲೆಟ್ ಪಾಯ್ಸ್ ಹಾಣಿಂ ಸರ್ವಾಂನಿ ಪವಿತ್ರ್ ಪುಸ್ತಕಾಕ್ ಫುಲಾಂ ಅರ್ಪುನ್ ಮಾನ್ ಕರ್ನ್ ಸರಳ್ ರೀತಿನ್ ಉದ್ಘಾಟನ್ ಕಾರ್ಯೆಂ ಚಲವ್ನ್ ವೆಲೆಂ. 

       ಉಪ್ರಾಂತ್ 9:30 ಥಾವ್ನ್ 10:00 ವರಾಂ ಪರ್ಯಾಂತ್ ನಿರ್ಗಮನ್ ಗ್ರಂಥ್ ಆನಿ ಸಾಂ ಪಾವ್ಲಾನ್ ರೊಮಾಗಾರಾಂಕ್ ಬರಯಿಲ್ಲೆಂ ಪತ್ರ್ ಹ್ಯಾ ವಿಶಯೆಚೆರ್ ಬರ್ಪಿನಿಶಿಂ ಕ್ವಿಜ್ (written Quiz) ಆನಿ 10:00 ಥಾವ್ನ್ 12:00 ವರಾಂ ಪರ್ಯಾಂತ್ ತೊಂಡ್ಪಾಶಿ ಕ್ವಿಜ್ (Oral Quiz)  ಸಗ್ಳೊ ಬೈಬಲ್ ಜೆರಾಲ್ ಥರಾನ್ ಮಾ| ದೊ| ಬಾಪ್ ವಿನ್ಸೆಂಟ್ ಸಿಕ್ವೇರಾ ಹಾಣಿಂ ಚಲವ್ನ್ ವೆಲೆಂ. 

          ಫಿರ್ಗಜೆಚ್ಯಾ ತೆರಾ ವಾಡ್ಯಾ ಥಾವ್ನ್ ಧಾ ಜಣಾಂಚೆ ತೆರಾ ಪಂಗಡ್ ಹಾಜರ್ ಆಸೊನ್ ಸರ್ವಾಂನಿ ಹ್ಯಾ ಕ್ವಿಜಾಂತ್ ಕ್ರೀಯಾಳ್ ರೀತಿನ್ ವಾಂಟೊ ಘೆತ್ಲೊ. 

      ಉಪ್ರಾಂತ್ ಕ್ವಿಜಕ್ ಸಹಕಾರ್ ದಿಲ್ಲ್ಯಾ ಸರ್ವಾಂಚೊ ವಿಗಾರ್ ಬಾಪಾನಿಂ ಮನಪೂರ್ವಕಿ ಉಪ್ಕಾರ್ ಬಾವುಡ್ಲೊ.

Photo Gallery:  👉🏻https://drive.google.com/drive/folders/1UjIbgfzxhr4VK7D3fStln-V0ccHdBJpk?usp=sharing