ಸಕಾಳಿಂ 9:30  ವರಾಂಚೆರ್ ಶತಮಾನೋತ್ಸವ್  ಸ್ಮಾರಕ್ ಸಮುದಾಯ್ ಭವನ್ ಹಾಂಗಾಸರ್ ಜಮ್ಲೆಲ್ಯಾ  ಸರ್ವಾಂಕ್  ದೇವ್ ಸ್ತುತಿ ಆಯೋಗ್ ಪಂಗ್ಡಾಚಿ ಸಂಚಾಲಕಿ  ಸಿಸ್ಟರ್ ಜಾನೆಟ್ ಹಾಣಿಂ ಸ್ವಾಗತ್ ಕೆಲೆಂ. 

ವಿಟ್ಲ ಫಿರ್ಗಜ್ ವಿಗಾರ್ ಬೋ | ಮಾ | ಐವನ್ ಮೈಕಲ್ ರೊಡ್ರಿಗಸ್ ಬಾಪಾಂನಿ ಪವಿತ್ರ್ ಪುಸ್ತಕ್ ಮನಾಚ್ಯಾ ಜಾಗ್ಯಾರ್ ದವರುನ್ ಫುಲಾಂ ಅರ್ಪಿಲಿಂ ಉಪ್ರಾಂತ್ ಮಂಗ್ಳುರ್ ದಿಯೆಸಿಜೆಚೆ ಪವಿತ್ರ್  ಪುಸ್ತಕ್ ಆಯೋಗಾಚೆ ಕಾರ್ಯದರ್ಶಿ ಮಾ |ದೊ| ಬಾ ವಿನ್ಸೆಂಟ್ ಸಿಕ್ವೇರಾ,  ಗೊವ್ಳಿಕ್ ಪರಿಷದೆಚೊ ಉಪಾಧ್ಯಕ್ಷ್ ಮಾನೆಸ್ತ್ ವಲೇರಿಯನ್ ವೇಗಸ್ , ಕಾರ್ಯದರ್ಶಿ ಮಾನೆಸ್ತಿಣ್ ಶಾಲೆಟ್ ಪಾಯ್ಸ್ ,22 ಆಯೋಗಾಚಿ ಸಂಯೋಜಕಿ ಮಾನೆಸ್ತಿಣ್ ಜೆಸಿಂತಾ ಫೆರ್ನಾಂಡೀಸ್ , ದೇವ್ ಸ್ತುತಿ ಆಯೋಗಾಚಿ ಸಂಚಾಲಕಿ ಸಿಸ್ಟರ್ ಜಾನೆಟ್ , ಪವಿತ್ರ್ ಪುಸ್ತಕ್ ಆಯೋಗಾಚಿ ಸಂಚಾಲಕಿ ಮಾನೆಸ್ತಿಣ್ ಶಾಂತಿ ಶಾಲಿನಿ ಪಾಯ್ಸ್ ಹಾಣಿಂ ಸರ್ವಾಂನಿ ಪವಿತ್ರ್ ಪುಸ್ತಕಾಕ್ ಫುಲಾಂ ಅರ್ಪುನ್ ಮಾನ್ ಕರ್ನ್ ಸರಳ್ ರೀತಿನ್ ಉದ್ಘಾಟನ್ ಕಾರ್ಯೆಂ ಚಲವ್ನ್ ವೆಲೆಂ. 

     ಉಪ್ರಾಂತ್ 9:30 ಥಾವ್ನ್ 10:00 ವರಾಂ ಪರ್ಯಾಂತ್  ಇಸಾಯಿಯಾ ಪ್ರವಾದಿ , ಸಾಂ ಜುವಾಂವ್ಚೊ ವಾಂಜೆಲ್, ಸಾಂ ಜಾಕೊಬಾಚೆಂ ಪತ್ರ್, ಸಾಂ ಪಾವ್ಲಾನ್ ಗಾಲಾತ್‌ಗಾರಾಂಕ್  ಬರಯಿಲ್ಲೆಂ ಪತ್ರ್ ಹ್ಯಾ ವಿಶಯೆಚೆರ್ ಬರ್ಪಿನಿಶಿಂ ಕ್ವಿಜ್  ಆನಿ 10:00 ಥಾವ್ನ್ 12:00 ವರಾಂ ಪರ್ಯಾಂತ್ ತೊಂಡ್ಪಾಶಿ ಕ್ವಿಜ್ ಸಗ್ಳೊ ಬೈಬಲ್ ಜೆರಾಲ್ ಥರಾನ್ ಮಾ| ದೊ| ಬಾಪ್ ವಿನ್ಸೆಂಟ್ ಸಿಕ್ವೇರಾ ಹಾಣಿಂ ಚಲವ್ನ್ ವೆಲೆಂ. 

     ಫಿರ್ಗಜೆಚ್ಯಾ ತೆರಾ ವಾಡ್ಯಾ ಥಾವ್ನ್ ಧಾ ಜಣಾಂಚೆ ತೆರಾ ಪಂಗಡ್ ಹಾಜರ್ ಆಸೊನ್ ಸರ್ವಾಂನಿ ಹ್ಯಾ ಕ್ವಿಜಾಂತ್ ಕ್ರೀಯಾಳ್ ರೀತಿನ್ ವಾಂಟೊ ಘೆತ್ಲೊ. ಕ್ವಿಜಾಂತ್  ವಾಂಟೊ ಘೆತ್‌ಲ್ಲ್ಯಾ ತೆರಾ ವಾಡ್ಯಾಂಕ್ ಪುಸ್ತಕಾ ಇನಾಮ್ ಜಾವ್ನ್  ದಿಲಿ. ಆನಿ ಸ್ಪರ್ಧಿಕಾನಿ ದಾಕಯಿಲ್ಲ್ಯಾ ಮಿನತೆಕ್  ಆನಿ ಹುಮೆದಿಕ್ ವಿಗಾರ್ ಬಾಪಾಂನಿ ಶಾಭಾಸ್ಕಿ ಉಚಾರ್ಲಿ.

     ಕ್ವಿಜಾಕ್  ಸಹಕಾರ್ ದಿಲ್ಲ್ಯಾ ಸರ್ವಾಂಚೊ ಪವಿತ್ರ್ ಪುಸ್ತಕ್ ಆಯೋಗಾಚಿ ಸಂಚಾಲಕಿ ಶಾಂತಿ ಶಾಲಿನಿ ಪಾಯ್ಸ್ , ಹಿಣೆಂ ಮನಪೂರ್ವಕಿ ಉಪ್ಕಾರ್ ಬಾವುಡ್ಲೊ.

 Photo Gallery's:  👉🏻 https://photos.app.goo.gl/ry2s2nGP7b6FjRvW9