‎        ಸಕಾಳಿಂ 7:00 ವರಾಂಚಾ ಪವಿತ್ರ್ ಮಿಸಾಚ್ಯಾ ಬಲಿದಾನಾಚ್ಯಾ ಸುರ್ವೆರ್  ಭಾವಾರ್ಥಾಚ್ಯೆ ಶಿಕೊವ್ಣೆನ್ , ಭರ್ವಶ್ಯಾನ್ ಭರುನ್ ಮ್ಹಳ್ಳ್ಯಾ ಧ್ಯೇಯಖಾಲ್  ವಿಗಾರ್ ಬೊ |ಮಾ|ಬಾ| ಐವನ್ ಮೈಕಲ್ ರೊಡ್ರಿಗಸ್ , ಸಾಂ ರೀತಾ ಆಂಗ್ಲ್ ಮಾಧ್ಯಮಾಚೊ ಮುಖೆಲ್ ಮೇಸ್ತ್ರಿ  ಮಾ|ಬಾ| ಅಮಿತ್ ರೊಡ್ರಿಗಸ್, ಭುರ್ಗಿಂ, ವ್ಹಡಿಲಾಂ, ಶಿಕ್ಷಕಾಂ ಉಪಾಧ್ಯಕ್ಷ್ ಆನಿ ಕಾರ್ಯದರ್ಶಿ ಸರ್ವ್ ಸಾಂಗಾತಾ ಮೆಳೊನ್ ಕ್ರಿಸ್ತೀ ಶಿಕ್ಷಣ್ ಉದ್ಘಾಟನ್ ಕಾರ್ಯೆಂ ಚಲವ್ನ್ ವೆಲೆಂ. 

ಪವಿತ್ರ್ ಮಿಸಾಚ್ಯಾ ಬಲಿದಾನಾಚೆ ಪ್ರಧಾನ್ ಯಾಜಾಕ್ ಜಾವ್ನ್ ಮಾ|ಬಾ| ಅಮಿತ್ ರೊಡ್ರಿಗಸ್ ಹಾಣಿಂ "ಆಮ್ಚ್ಯಾ ಜಿಣಿಯೆ ಚಾಲಿಚೆರ್ ಸರ್ಗಿಂಚೆ ರಾಜ್ ಅಟಾಪುನ್ ಆಸಾ" ಮ್ಹಳ್ಳೊ ಸಂದೇಶ್ ದಿಲೊ. 

 ಬಾ| ಐವನ್ ಹಾಣಿಂ ಭುರ್ಗ್ಯಾಂನಿ ಕ್ರಿಸ್ತೀ ಭಾವಾಡ್ತಾಂತ್ ವಾಡೊನ್ ಬೊರಿಂ ಫಳಾಂ ದಿಂವ್ಚೆ ತಸಲೆಂ ಜಾಂವ್ಕ್ ಜಾಯ್ ಮ್ಹಳ್ಳೊ ಸಂದೇಶ್ ದೀವ್ನ್ ಸರ್ವಾಂಕ್ ಬೊರೆಂ ಮಾಗ್ಲೆಂ. 

ಹ್ಯಾ ಮಿಸಾಚೆರ್ ಭುರ್ಗ್ಯಾಂನಿ, ಶಿಕ್ಷಕಾನಿಂ, ವ್ಹಡಿಲಾನಿಂ, ಗೊವ್ಳಿಕ್ ಪರಿಷದೆಚ್ಯಾ ಸಾಂದ್ಯಾನಿ ತಶೆಂಚ್ ದೇವ್ ಸ್ತುತಿ ಆಯೋಗ್ ಪಂಗ್ಡಾಚ್ಯಾ ಸಾಂದ್ಯಾನಿ ಸಾಂಗಾತಾ ಮೆಳೊನ್ ದೇವ್ ಸ್ತುತಿ ಚಲವ್ನ್ ವೆಲಿ ಆನಿ ಉಪ್ಕಾರಿ ಮ್ಹನಾನ್ ಕಾಣಿಕೊ ಭೆಟವ್ನ್ ಭಕ್ತೀನ್ ಪವಿತ್ರ್ ಮಿಸಾಚ್ಯಾ ಬಲಿದಾನಾಂತ್  ವಾಂಟೊ ಘೆತ್ಲೊ.  

 ಅಶೆಂ ಸರ್ವಾಂಚ್ಯಾ ಸಹಕಾರಾನ್ ಕ್ರಿಸ್ತೀ ಶಿಕ್ಷಣ್ ವರಸ್ ಉದ್ಘಾಟನ್ ಕಾರ್ಯೆಂ ಭೋವ್ ಅರ್ಥಾಭರಿತ್ ರೀತಿನ್ ಮಾಂಡುನ್ ಹಾಡ್ಲೆಂ.

Photo Gallery's:  👉🏻 https://drive.google.com/drive/folders/1KuerfYUXNtPC5A4UhyK1Qyf7ymtnIMcL?usp=sharing