ದಿನಾಂಕ್ 07-06-2026 ವೆರ್ ಸಕಾಳಿಂ 07:೦೦ ವರಾಂಚಾ ಮಿಸಾಚಾ ಸುರ್ವೆರ್ ಪ್ರವೇಶ್ ಪುರ್ಶಾಂವಾರ್ ಯಾಜಕ್, ಕ್ರೀಸ್ತಿ ಶಿಕ್ಷಣ್ ಶಿಕ್ಷಕಾಂ, ಭುರ್ಗಿಂ ತಶೆಂಚ್ ವ್ಹಡಿಲಾಂ ಸಾಂಗಾತಾ  ಅಲ್ತಾರಿ ಮುಖಾರ್ ಉಬೆಂ ಆಸೊನ್, ಪ್ರೇರಕಾನ್ ಭಾವಾಡ್ತಿ ಶಿಕ್ಷಣ್ ಉಗ್ತಾವಣಾಚಿ ರೀತ್ ಪರ್ಗಟ್ ಕೆಲ್ಲ್ಯಾ ಬರಿ, ಯಾಜಕ್ ಬಾಪಾಂಚಾ ಮಾರ್ಗದರ್ಶನಾಂತ್ ಅರ್ಥಾಭರಿತ್ ರೀತಿನ್ ಭಾವಾಡ್ತಿ ಶಿಕ್ಷಣ್ ವರಸ್ ಉಗ್ತಾವಣ್ ಕೆಲೆಂ . 

      ಮಿಸಾಚೆರ್ ಪ್ರಧಾನ್ ಯಾಜಕ್ ಜಾವ್ನ್ ವಿಗಾರ್ ಮಾ|ಬಾ| ಮೈಕಲ್ ಲೋಬೊ ಹಾಣಿಂ ವ್ಹಡಿಲಾಂನಿ  ಭುರ್ಗ್ಯಾಂಕ್ ಮೋಗ್ ಮ್ಹಳ್ಳಿ ಬುತಿ ದೀವ್ನ್ ಆಮ್ಚ್ಯಾ ಕುಟ್ಮಾನಿಂ ತಶೆಂಚ್ ಜೆಜು ಥಂಯ್ ಎಕ್ವಾಟಾನ್ ರಾವೊಂಕ್ ಶಿಕಯ್ಜೆ ಮ್ಹಳ್ಳೊ ಪವಿತ್ರ್ ಪುಸ್ತಕ್ ಆಧಾರಿತ್ ಸಂದೇಶ್ ದಿಲೊ. ಬಾ| ಅಮಿತ್ ರೊಡ್ರಿಗಸ್ ಹಾಣಿಂ ಮಿಸಾಚೆರ್ ಸಹ-ಭೆಟವ್ಣಿ ಕೆಲಿ. ಮಿಸಾರ್ ಶಿಕ್ಷಕಾನಿಂ, ಭುರ್ಗ್ಯಾನಿಂ ತಶೆಂಚ್ ಭುರ್ಗ್ಯಾಂಚಾ ವ್ಹಡಿಲಾನಿಂ ಕ್ರೀಸ್ತೀ ಶಿಕ್ಷಣ್ ವಾವ್ರಾಂತ್ ಭಾಗಿದಾರ್ ಜಾತೆಲ್ಯಾಂವ್ ಮ್ಹಣ್ ಬಾಸ್ ದಿಲಿ ಆನಿ ಸಾಂಗಾತಾ ಮೆಳೊನ್ ದೇವ್ ಸ್ತುತಿ ಚಲವ್ನ್, ಕಾಣಿಕೊ ಭೆಟವ್ನ್ ಭಕ್ತಿಪಣಾನ್ ಮಿಸಾಚಾ ಬಲಿದಾನಾಂತ್ ಭಾಗ್ ಘೆತ್ಲೊ. 

      ಮಿಸಾಚಾ ಅಖ್ರೇಕ್ ಸರ್ವ್ ಭುರ್ಗ್ಯಾಂಕ್ ಭಾವಾಡ್ತಿ ಶಿಕ್ಷಣಾಕ್ ಪ್ರೋತ್ಸಾಹ್ ದಿಂವ್ಚಾ ಖಾತಿರ್ ದಾನಿಂಚಾ ಸಹಕಾರಾನ್ ಸರ್ವ್ ಕ್ರೀಸ್ತಿ ಶಿಕ್ಷಣ್ ಜೊಡ್ಚ್ಯಾ ಭುರ್ಗ್ಯಾಂಕ್ ಪವಿತ್ರ್ ಪುಸ್ತಕ್, ಬ್ಯಾಗ್, ಬೂಕ್, ಪೆನ್ನ್, ಪೆನ್ಸಿಲ್ ದೀವ್ನ್ ಬರೆಂ ಮಾಗ್ಲೆಂ.

     ಫಿರ್ಗಜ್ ವಿಗಾರ್ ಮಾ|ಬಾ| ಮೈಕಲ್ ಲೋಬೊ, ಸಾಂ ರೀತಾ ಇಸ್ಕೊಲಾಚೆ ಪ್ರಾಂಶುಪಾಲ್ ಬಾ|ಅಮಿತ್ ರೊಡ್ರಿಗಸ್, ಫಿರ್ಗಜ್ ಗೊವ್ಳಿಕ್ ಪರಿಷದೆಚೊ ಉಪಾಧ್ಯಕ್ಷ್ ಮಾನೆಸ್ತ್ ವಲೇರಿಯನ್ ವೇಗಸ್, ಕಾರ್ಯದರ್ಶಿ ಶಾಲೆಟ್ ಪಾಯ್ಸ್, ಅಯೋಗ್ ಸಂಯೋಜಕಿ ಜೆಸಿಂತಾ ಫೆರ್ನಾಂಡಿಸ್, ದಾನಿ ಜಾವ್ನಾಸ್ಲೆ ಮಾನೆಸ್ತ್ ವೆಲೆಂಟೈನ್ ಪಿಂಟೊ, ಲೀಡಿಯಾ ಸೀಕ್ವೆರಾ, ಗ್ರೇಸಿ ಮಸ್ಕರೇನಸ್, ನಿಕಿತ್ ಮಸ್ಕರೇನಸ್ ತಶೆಂಚ್ ಕ್ರಿಸ್ತೀ ಶಿಕ್ಷಣ್ ಸಂಯೋಜಕಿ ಶ್ವೇತಾ ಪಾಯ್ಸ್ ಹಾಜರ್ ಆಸಲ್ಲಿಂ.

     ನಿಮಾಣ್ಯಾ ಗೀತಾ ಸವೆಂ ವ್ಹಡ್ ಭಕ್ತಿನ್ ಸರ್ವ್ ಶಿಕ್ಷಕಾಂಚಾ, ವ್ಹಡಿಲಾಂಚಾ, ಭುರ್ಗ್ಯಾಂಚಾ ಆನಿ ಫಿರ್ಗಜ್ ಲೊಕಾಚಾ ಸಹಕಾರಾನ್ ಭಾವಾಡ್ತಿ ಶಿಕ್ಷಣ್ ಉಗ್ತಾವಣ್ ದೀಸ್ ಅರ್ಥಾಭರಿತ್ ರೀತಿನ್ ಸಂಭ್ರಮ್ಲೊ.

Photo Gallery's:  👉🏻 https://drive.google.com/drive/folders/1Yn8qLDvVpZzbI_68zPkioJiawcsAOkTd?usp=sharing