ಪ್ರಧಾನ್ ಯಾಜಕ್ ಜಾವ್ನ್ ಮಂಗ್ಳುರ್ ದಿಯೆಸಿಜಿಚೆ ಖಜಾನ್ದಾರ್ ಬೊ|ಮಾ| ಜಗದೀಶ್ ಪಿಂಟೊ ಬಾಪ್ ಹಾಜರ್ ಅಸ್‌ಲ್ಲೆ. ಫಿರ್ಗಜ್ ವಿಗಾರ್ ಬೊ|ಮಾ|ಬಾ| ಐವನ್ ಮೈಕಲ್ ರೊಡ್ರಿಗಸ್, ಫಿರ್ಗಜಿಚೆ ವಸ್ತೆಯಾಜಕ್ ಮಾ|ಬಾ| ಅಮಿತ್ ರೊಡ್ರೀಗಸ್ ಹಾಣಿಂ ಸಹ ಭೆಟೊವ್ಣಿ ಕೆಲಿ.

     ಮಿಸಾ ಉಪ್ರಾಂತ್ ಭುರ್ಗ್ಯಾಂನಿ ಭಾವಾಡ್ತಿ ಶಿಕ್ಷಣಾಂತ್ ಶಿಕ್‌ಲ್ಲಿಂ ಲಿಸಾಂವಾ ವೆದಿರ್ ಪ್ರದರ್ಶಿತ್ ಕೆಲಿಂ. ಮಾನೆಸ್ತಿಣ್ ಸೀಮಾ ಸಲ್ದಾನಾ ಹಿಣೆಂ ಸರ್ವ್ ವ್ಹಡಿಲಾಂ ತರ್ಫೆನ್ ತಾಂಚಿ ಭೊಗ್ಣಾಂ ಉಚಾರ್ಲಿo,

      ಮುಕೆಲ್ ಸಯ್ರೆ ಬಾಪ್ ಜಗದೀಶ್ ಪಿಂಟೊ ಹಾಣಿಂ "ಭುರ್ಗ್ಯಾಂಕ್ ಬಾವಾಡ್ತಾಂತ್ ವಾಡೊಂವ್ಚಿ ವ್ಹಡಿಲಾಂಚಿ ಜವಾಬ್ದಾರಿ" ಮ್ಹಳ್ಳೊ ಸಂದೇಶ್ ದಿಲೊ. ಅಧ್ಯಕ್ಷ್ ವಿಗಾರ್ ಬಾಪಾನಿಂ ಕಾರ್ಯಾಕ್ ಶಾಬಾಸ್ಕಿ ಉಚಾರ್ಲಿ ಆನಿ ಸೆವಾ, ಸಹಾಕಾರ್ ದಿಲ್ಲ್ಯಾಂಚೊ ಉಪ್ಕಾರ್ ಬಾವುಡ್ಲೊ.

     ಕಾರ್ಯಾಚ್ಯಾ ವೆದಿರ್ ಫಿರ್ಗಜ್ ಗೊವ್ಳಿಕ್ ಪರಿಷದೆಚೊ ಉಪಾಧ್ಯಕ್ಷ್ ಮಾನೆಸ್ತ್ ವಲೇರಿಯನ್ ವೇಗಸ್, ಕಾರ್ಯದರ್ಶಿ ಮಾನೆಸ್ತಿಣ್ ಸೆಲೆಸ್ತಿನ್ ಪಿಂಟೊ, 22 ಅಯೋಗಾಂಚಿ ಸಂಯೋಜಕಿ  ಮಾನೆಸ್ತಿಣ್ ಜೆಸಿಂತಾ ಫೆರ್ನಾಂಡಿಸ್‌, ದೇವಸ್ತುತಿ ಅಯೋಗ್ ಪಂಗ್ಡಾಚಿ ಸಂಚಾಲಕಿ ಸಿ. ಜಾನೆಟ್, ಅದ್ಲಿ ಕ್ರೀಸ್ತಿ ಶಿಕ್ಷಣ್ ಸಂಚಾಲಕಿ ಮಾನೆಸ್ತಿಣ್ ಹೆಲೆನ್ ಪುಟ್ತಾದೊ, ಪ್ರಸ್ತುತ್ ಕ್ರೀಸ್ತಿ ಶಿಕ್ಷಣ್ ಸಂಚಾಲಕಿ ಶ್ರೀಮತಿ ಶ್ವೇತಾ ಪಾಯ್ಸ್ ಹಾಜರ್ ಆಸ್‌ಲ್ಲಿಂ.

     ಪಾಟ್ಲ್ಯಾ ತೆರಾ ವರ್ಸಾಂ ಥಾವ್ನ್ ಕ್ರೀಸ್ತಿ ಶಿಕ್ಷಣ್ ಸಂಚಾಲಕಿ ಜಾವ್ನ್ ಸೆವಾ ದಿಲ್ಲ್ಯಾ ಮಾನೆಸ್ತಿಣ್ ಹೆಲೆನ್ ಪುಟ್ತಾದೊ ಹಾಂಕಾ ಉಪ್ಕಾರಿ ಮನಾನ್ ಸನ್ಮಾನ್ ಕೆಲೊ. ತಶೆಂಚ್ ಸರ್ವ್ ಭುರ್ಗ್ಯಾಂಕ್ ಇನಾಮಾಂ ದೀವ್ನ್ ಪ್ರೋತ್ಸಾಹ್ ದಿಲೊ.

ವಸ್ತೆಯಾಜಕ್ ಬಾಪ್ ಅಮಿತ್ ಹಾಣಿಂ ಜೆವ್ಣಾಚೆರ್ ಆಶಿರ್ವಾದ್ ಮಾಗ್ಲೆಂ. 

     ಕ್ರೀಸ್ತಿ ಶಿಕ್ಷಣ್ ಸಂಚಾಲಕಿ ಮಾನೆಸ್ತಿಣ್ ಶ್ವೇತಾ ಪಾಯ್ಸಾನ್ ಸಮಸ್ತಾಂಚೊ ಉಪ್ಕಾರ್ ಬಾವುಡ್ಲೊ. ಕ್ಯಾರಲ್ ಲೋಬೊ ಆನಿ ಈತನ್ ರೊಡ್ರೀಗಸ್ ಹಾಣಿಂ ಕಾರ್ಯೆ ನಿರ್ವಹಣ್ ಕೆಲೆಂ.

     ವಿಗಾರ್ ಬಾಪ್, ಸರ್ವ್ ಶಿಕ್ಷಕಾಂ, ಫಿರ್ಗಜ್ ಗೊವ್ಳಿಕ್ ಪರಿಷದ್, ದೇವ್ ಸ್ತುತಿ ಅಯೋಗ್ ಪಂಗ್ಡಾಚಾ ಸಹಾಕಾರಾನ್ ಕ್ರೀಸ್ತಿ ಶಿಕ್ಷಣ್ ಆಯೋಗಚಾ ಮುಖೆಲ್ಪಣಾರ್ ಭಾವಾಡ್ತಿ ಸಂಭ್ರಮಾಚೊ ದೀಸ್ ಯಶಸ್ವೆನ್ ಸಂಭ್ರಮ್ಲೊ.

 Photo Gallery's:  👉🏻 https://photos.app.goo.gl/uKyxkAjjAJdGT1sx9