ದಿನಾಂಕ್ 28-09-2025 ವೆರ್ ಸಕಾಳಿಂ 10:00 ವರಾರ್ ಪವಿತ್ರ್ ಮಿಸಾಚೆಂ ಬಲಿದಾನ್ ಭೆಟಯ್ಲೆಂ. ಹ್ಯಾ ಮಿಸಾ ವೆಳಾರ್ ಸೊಡಾಲಿಟಿಚಾ ಭುರ್ಗ್ಯಾನಿ ದೇವ್ ಸ್ತುತಿ ಚಲವ್ನ್ ವೆಲಿ ಆನಿ ಸರ್ವ್ ಚಲಿಯಾಂನಿ ಕಾಣಿಕೊ ಭೆಟವ್ನ್ ಪವಿತ್ರ್ ಮಿಸಾಚ್ಯಾ ಬಲಿದಾನಾಂತ್ ಭಕ್ತಿನ್ ವಾಂಟೊ ಘೆತ್ಲೊ.

      ಮಿಸಾ ಉಪ್ರಾಂತ್ ಪಾತ್ರೊನ್ ಮರಿಯೆಕ್ ಮಾನ್ ಕರ್ನ್ ಸಂಸ್ಕೃತಿಕ್ ಕಾರ್ಯೆಂ ಮಾಂಡುನ್ ಹಾಡ್ಲೆಂ. ಪ್ರಾರ್ಥನ್ ಗೀತ್ ಗಾವ್ನ್, ಸ್ವಾಗತ್ ನೃತ್ಯ ನಾಚುನ್ ಉಪ್ರಾಂತ್  ಸೊಡಾಲಿಟಿಚ್ಯಾ ಭುರ್ಗ್ಯಾಂನಿ  ಗೀತ್,  ನಾಚ್ಪಾ ಮುಖಾಂತ್ರ್ ಸರ್ವಾಂಚಿ ಮ್ಹನಾ ಕುಶಾಲ್ ಕೆಲಿಂ. ಡೀಲಿಯಾ ಹಾಣಿಂ ಅಪ್ಲೊ ಅನ್ಭೋಗ್ ವಾಂಟುನ್ ಘೆತ್ಲೊ. ಉಪ್ರಾಂತ್ ರೆನಿಶಾ ಆನಿ ಡ್ಯಾರಲಾನ್ ಮನೋರಂಜನ್ ಖೆಳ್ ಚಲೊವ್ನ್ ವೆಲೆ. ಜಿಕ್‌ಲ್ಲ್ಯಾಂಕ್ ಅಧ್ಯಕ್ಷ್ ಬಾಪಾನಿಂ ಇನಾಮಾಂ ವಾಂಟ್ಲಿ.

      ಸಂಭ್ರಮಾಚಾ ವೆದಿ ಕಾರ್ಯಾಂತ್ ಅಧ್ಯಕ್ಷ್ ಜಾವ್ನ್ ಫಿರ್ಗಜೆಚ್ಯೆ ವಿಗಾರ್ ಬೋ|ಮಾ|ಐವನ್ ಮೈಕಲ್ ರೊಡ್ರಿಗಸ್ ಬಾಪಾನಿಂ  "ಚಲಿಯಾಂನಿ ಲ್ಹಾನ್ ಲ್ಹಾನ್ ಬರ‌್ಯಾ ಕಾಮಾಂನಿ ಮರಿಯೆಚೆ ಆದರ್ಶ್  ಶೆಗುಣ್ ಅಪ್ಲ್ಯಾ ಜಿವಿತಾಂತ್ ಪಾಳುನ್ ಕೊಂತಾಚಾ ಭಕ್ತಿಪಣಾ ವರ್ವಿಂ ಮಾಗ್ಣ್ಯಾ ಸ್ಪಿರಿತಾನ್ ವಾಡೊನ್ ಯೇಜೆ"  ಮ್ಹಣ್ ಸಂದೇಶ್ ದಿಲೊ.

     ಮುಖೆಲ್ ಸಯ್ರೆ ಮಾನೆಸ್ತಿಣ್ ಶ್ರೀಮತಿ ಜುಲಿಯಾನ ಲೋಬೊ ಹಾಣಿಂ "ಹರ್ಯೆಕ್ ಚಲಿಯಾಂನಿ ಮರಿಯೆ ಬರಿ ಗುಣಾಂ ಶೆಗುಣಾಂನಿ  ವಾಡೊನ್ ಬರೊ ಪುಡಾರ್ ಬಾಂದಿಜೆ ಬರಿಂ ಭುರ್ಗಿಂ ಜಾವ್ನ್ ಕುಟ್ಮಾಕ್ ನಾಂವ್ ಹಾಡಿಜೆ ದೇವ್ ಆಪೊವ್ಣೆಂ ವಾಡಜೆ" ಮ್ಹಣ್ ಸಾಂಗೊನ್ ಫೆಸ್ತಾಚೆಂ  ಶುಭಾಶಯ್ ಪಾಠಯ್ಲೆ.

        ಫಿರ್ಗಜ್ ವಿಗಾರ್ ಬೋ|ಮಾ|ಬಾ| ಐವನ್, ಬಾ| ಅಮಿತ್, ಮಾನೆಸ್ತಿಣ್ ಮೀರಾ ಗೊನ್ಸಾಲ್ವಿಸ್ ಹಾಣಿಂ ದಿಲ್ಲಿ ಸೆವಾ ಮಾನುನ್ ತಾಂಕಾ ಸನ್ಮಾನ್ ಕಾರ್ಯೆಂ ಚಲಯ್ಲೆ.

       ವೆದಿಚೆರ್  ವೆದಿ ಸೆವಕಾಂಚೊ  ಸಂಯೋಜಕ್ ಬಾಪ್ ಅಮಿತ್ ಪ್ರಕಾಶ್ ರೊಡ್ರಿಗಸ್, ಫಿರ್ಗಜ್ ಗೊವ್ಳಿಕ್ ಪರಿಷದೆಚೆ ಉಪಾಧ್ಯಕ್ಷ್ ಮಾನೆಸ್ತ್ ವಿಜಯ್ ಪಾಯ್ಸ್, ಕಾರ್ಯದರ್ಶಿ ಶ್ರೀಮತಿ ಶ್ವೇತಾ ಪಾಯ್ಸ್ , ಎಕ್ವೀಸ್ ಆಯೋಗಾಂಚೊ ಸಂಯೋಜಕ್ ಮಾನೆಸ್ತ್ ರೋಬರ್ಟ್ ಮಸ್ಕರೇನ್ಹಸ್, ಕ್ರೀಸ್ತೀ ಶಿಕ್ಷಣಾಚಿ ಸಂಚಾಲಕಿ ಶ್ರೀಮತಿ ಹೆಲೆನ್ ಪುಡ್ತಾದೊ, ಸೊಡಾಲಿಟಿಚಿ ಆದ್ಲಿ ಸಚೇತಕಿ ಶ್ರೀಮತಿ ಮೀರಾ ಗೊನ್ಸಾಲ್ವಿಸ್, ಪ್ರಸ್ತುತ್ ಸಚೇತಕಿ ಸಿ. ಲೀಡಿಯಾ, ಸೊಡಾಲಿಟಿಚಿ ಅಧ್ಯಕ್ಷಿಣ್ ಜೆನಿಕಾ ಪಿಂಟೊ ಹಾಜರ್ ಆಸ್‌ಲ್ಲಿಂ. 

     ಭುರ್ಗ್ಯಾಂಚಿ ವ್ಹಡಿಲಾಂ, ದಾನಿ ತಶೆಂಚ್ ಫಿರ್ಗಜ್ಗಾರಾಂ ಹ್ಯಾ ಸಂಭ್ರಮಾಂತ್  ಹಾಜರ್ ಆಸಲ್ಲಿಂ.

      ಸೊಡಾಲಿಟಿಚೆಂ  ಕಾರ್ಯದರ್ಶಿ ಕ್ಲಾರಿಸ್ ಲೋಬೊ ಹಾಣೆಂ ವರ್ದಿ ಮಂಡನ್ ಕೆಲಿ.

      ಸರ್ವ್ ಮಾನಾಚ್ಯಾ ಸಯ್ರ್ಯಾಂಕ್ ತಶೆಂಚ್ ಸಮೇಸ್ತಾಂಕ್ ಜೆನಿಕಾ ಪಿಂಟೊ ಹಾಣೆಂ ಸ್ವಾಗತ್ ಕೆಲೊ. ಲಿಯಾನ್ನ ವೇಗಸ್ ಹಾಣೆಂ  ಸಹಕಾರ್ ದಿಲ್ಲ್ಯಾ ಸರ್ವಾಂಕ್ ಧನ್ಯವಾದ್ ಪಾಠಯ್ಲೆಂ.

     ರಿಯೋನಾ ವೇಗಸ್ ಆನಿ ಕ್ಲಾರಿಸ್ ಲೋಬೊ  ಹಾಣಿಂ ಕಾರ್ಯೆಂ ಚಲವ್ನ್ ವೆಲೆಂ.

      ಫೆಸ್ತಾಚೊ ಸಂಭ್ರಮ್ ದೊಡ್ತೊ ಕರ್ಚ್ಯಾಕ್  ಅಸಾ ಕೆಲ್ಯಾ ಜೆವ್ಣಾಂತ್ ಸಮೇಸ್ತಾನಿಂ ವಾಂಟೊ ಘೆತ್ಲೊ . ಅಶೆಂ ದಾನಿಂಚಾ ಆನಿ ಸರ್ವಾಂಚ್ಯಾ ಸಹಕಾರಾನ್   ಫೆಸ್ತ್ ಭೋವ್ ಅರ್ಥಾಭರಿತ್ ರೀತಿನ್  ಸಂಭ್ರಮ್ಲೆಂ.

       Photo Gallery's:  👉🏻 https://photos.app.goo.gl/iSsz9Vzw3S9i99TQ8