ಕಾರ್ಯಾಚ್ಯಾ ವೆದಿರ್ ಕಥೊಲಿಕ್ ಸಭೆಚೊ ಆತ್ಮಿಕ್ ದಿರೆಕ್ತೊರ್, ಫಿರ್ಗಜ್ ವಿಗಾರ್ ಬೊ|ಮಾ|ಬಾ| ಐವನ್ ಮೈಕಲ್ ರೊಡ್ರಿಗಸ್, ಗೊವ್ಳಿಕ್ ಪರಿಷದ್ ಉಪಾಧ್ಯಕ್ಷ್ ವಿಜಯ್ ಪಾಯ್ಸ್, ಕಾರ್ಯದರ್ಶಿ ಶ್ವೇತಾ ಪಾಯ್ಸ್, ಅಯೋಗ್ ಸಂಯೋಜಕ್ ರೋಬರ್ಟ್ ಮಸ್ಕರೇನಸ್, ಕಥೊಲಿಕ್ ಸಭಾ ವಿಟ್ಲ ಘಟಕ್ ಅಧ್ಯಕ್ಷ್ ಲೂವಿಸ್ ಮಸ್ಕರೇನಸ್, ಕಾರ್ಯದರ್ಶಿ ತೋಮಸ್ ಮಸ್ಕರೇನಸ್, ನಿಕಟ್ ಪೂರ್ವ ಅಧ್ಯಕ್ಷ್ ಜೆಸಿಂತಾ ಫೆರ್ನಾಂಡಿಸ್ ಹಾಜರ್ ಆಸ್‌ಲ್ಲಿ. 

     "ಜೆಜು ಕ್ರೀಸ್ತ್ ಜಲ್ಮಲ್ಲೊ ಕೇವಲ್ ಕ್ರಿಸ್ತಾಂವ್ ಲೊಕಾ ಖಾತಿರ್ ನ್ಹಯ್ ಬಗಾರ್ ಸಗ್ಳ್ಯಾ ಮನ್ಶಾಕುಳಾ ಖಾತಿರ್. ದೆಖುನ್ ಕ್ರಿಸ್ಮಸಾಚೊ ಸೊಂತೊಸ್  ಆಮ್ಚೆ ಮಧೆಂ ವಾಂಟುನ್  ಘೆಂವ್ಚಾಕೀ ಗರ್ಜೆವಂತ್ ಅಕ್ರಿಸ್ತಾಂವ್ ಬಾವ್ಡಾಂ  ಸಾಂಗಾತಾ ವಾಂಟುನ್ ಘೆಂವ್ಚೊ,  ಹ್ಯಾ ಫೆಸ್ತಾಕ್ ಖರೊ ಅರ್ಥ್ ಜಾತಾ" ಮ್ಹಣ್ ವಿಗಾರ್ ಬಾಪಾನಿಂ ಸಂದೇಶ್ ದಿಲೊ. ಆನಿ 22 ಜಣಾಂ ಪಟ್ಟಣ ಪಂಚಾಯತ್ ಪೌರ ಕಾರ್ಮಿಕಾಂ ಸಾಂಗಾತಾ ಹಿಂದೂ ಭಯ್ಣ್ ಸುನಂದಾ ಹಿಕಾ ಫುಡ್ ಕಿಟ್ ದೀವ್ನ್ ಬರೆಂ ಮಾಗ್ಲೆಂ.

     ಕಥೊಲಿಕ್ ಸಭಾ ಅಧ್ಯಕ್ಷ್ ಲೂವಿಸ್ ಮಸ್ಕರೇನಸಾನ್ ಸರ್ವಾಂಕ್ ಸ್ವಾಗತ್ ಕೆಲೊ. ಮನೋಹರ್ ಲ್ಯಾನ್ಸಿ ಡಿಸೋಜಾನ್ ಕಾರ್ಯೆಂ ಚಲವ್ನ್ ವೆಲೆಂ. 

      ಘಟಕಾಚ್ಯಾ ಸರ್ವ್ ಸಾಂದ್ಯಾನಿಂ ತಶೆಂಚ್ ಫಿರ್ಗಜ್‌ಗಾರಾಂನಿ ಹ್ಯಾ ಕಾರ್ಯಾಂತ್ ವಾಂಟೊ ಘೇವ್ನ್ ಸಹಕಾರ್ ದಿಲೊ.

 Photo Gallery's:  👉🏻 https://photos.app.goo.gl/UxvqGeqcPkqTdVUU8