ಸಕಾಳಿಂ 9:45 ವರಾರ್ ಫೆಸ್ತಾಕ್ ಮುಡ್ದೊಮ್ ದಿಲ್ಲ್ಯಾಂಕ್ ಮಾನಾಚ್ಯೊ ವಾತಿ ದೀವ್ನ್  ಮಾನ್ ಕೆಲೊ.

     ಉಪ್ರಾಂತ್ 10:00 ವರಾರ್ ಪವಿತ್ರ್ ಮಿಸಾಚೆ ಬಲಿದಾನ್ ಭೆಟಯ್ಲೆಂ. ಪ್ರಧಾನ್ ಯಾಜಕ್ ಜಾವ್ನ್ ಕೊರ್ಡೆಲ್ ಫಿರ್ಗಜಿಚೆ ವಿಗಾರ್ ಮಾ|ಬಾ| ಕ್ಲಿಫರ್ಡ್ ಫೆರ್ನಾಂಡಿಸ್ ಹಾಣಿಂ "ಹರ್ಯೆಕ್ಲ್ಯಾಚಾ ಜಿವಿತಾಂತ್ ಕಷ್ಟ್ ಆಸಾತ್ ದೆಕುನ್ ಕಷ್ಟಾಂತ್ ಸೊಸ್ಣಿಕ್ ಜಾವ್ನ್, ಪೆಲ್ಯಾಕ್ ಮಾನ್ ದೀವ್ನ್, ಮಾಗ್ಣಾಂತ್ ಥಿರ್ ರಾವೊನ್, ಗರ್ಜೆವಂತಾಕ್ ಕುಮೊಕ್ ಕರ್ನ್, ಹೆರಾಂಚಿ ತಾನ್ - ಭುಕ್, ಅಸ್ಕಾತ್ಕಾಯ್, ಕಷ್ಟ್-ದುಖ್, ಖಂತ್ - ಬೆಜಾರಾಯ್ ಆಮ್ಕಾಂ ಸದಾಂಚ್ ಆಯ್ಕೊಂಕ್ ಜಾಯ್" ಮ್ಹಳ್ಳೊ ಸಂದೇಶ್ ದಿಲೊ. ವಾರಡ್ಯಾಚ್ಯಾ ಸರ್ವ್ ಯಾಜಕಾನಿಂ ತಶೆಂಚ್ ಸಯ್ರ್ಯಾ ಯಾಜಕಾನಿಂ ಮಿಸಾರ್ ಸಹಭೆಟವ್ಣಿ ಕೆಲಿ.

     ಮಿಸಾ ಉಪ್ರಾಂತ್ ವಿಗಾರ್ ಬೊ|ಮಾ|ಬಾ| ಐವನ್ ಮೈಕಲ್ ರೊಡ್ರಿಗಸ್ ಹಾಣಿಂ ಫೆಸ್ತಾಕ್ ಪಿರ್ಜೆಂತ್ ರಾವೊನ್ ಸಹಕಾರ್ ದಿಲ್ಲ್ಯಾ ಸರ್ವಾಂಕ್ ಮಾನಾಚಿ ವಾತ್ ದೀವ್ನ್ ಮಾನ್ ಕರ್ನ್ ಫೆಸ್ತಾಕ್ ಸಹಕಾರ್ ದಿಲ್ಲ್ಯಾ ಸರ್ವಾಂಚೊ ಉಪ್ಕಾರ್ ಬಾವುಡ್ಲೊ ಆನಿ ಫೆಸ್ತಾಚೆ ಶುಭಾಶಯ್ ಪಾಠಯ್ಲೆo.

     ಉಪ್ರಾಂತ್ ಸರ್ವ್ ಫಿರ್ಗಜ್‌ಗಾರಾನಿಂ ತಶೆಂಚ್ ಸಯ್ರ್ಯಾನಿಂ ಎಕಾಮೆಕಾ ಫೆಸ್ತಾಚೆ ಶುಭಾಶಯ್ ಪಾಠವ್ನ್ ಯುವಜಣಾನಿಂ ಆಸಾ ಕೆಲ್ಲ್ಯಾ ಸ್ಟೊಲಾನಿಂ ಮನೋರಂಜನ್ ಖೆಳ್ ಖೆಳೊನ್ ಫೆಸ್ತಾಚೊ ಸಂಭ್ರಮ್ ದೊಡ್ತೊ ಕೆಲೊ.

 Photo Gallery's:  👉🏻 https://photos.app.goo.gl/Drc23UDBgpDRa4vt6

                           👉🏻 https://photos.app.goo.gl/Wu55Fp8UuvUcCQPcA