ಸಕಾಳಿಂ 8:00 ವರಾಂಚೆರ್ ಪವಿತ್ರ್ ಮಿಸಾಚೆ ಬಲಿದಾನ್ ಭೆಟಯ್ಲೆಂ. ಪ್ರಧಾನ್ ಯಾಜಕ್ ಜಾವ್ನ್ ಸೈಂಟ್ ಆ್ಯನ್ಸ್ ಇಸ್ಕೊಲ್, ಕಡಬ ಹಾಚೆ ಮುಕೆಲ್ ಮೆಸ್ತ್ರಿ ಮಾ|ಬಾ| ಸುನಿಲ್ ಪ್ರವೀಣ್ ಪಿಂಟೊ ಹಾಣಿಂ "ಆಮಿಂ ಆಮ್ಚೆಂ ಜಿವಿತ್ ಬದ್ಲುಂಕ್ ಜಾಯ್. ಆಮ್ಚೆಂ ಉಣೆಂ ಪಣ್, ಆಮ್ಚಿಂ ಅಸ್ಕತ್ಕಾಯ್ ಒಳ್ಕುನ್ ಘೆವ್ನ್ ಎಕಾಮೆಕಾ ಥಂಯ್ ಉದಾರ್ ಮ್ಹನಾಚಿ ಜಾವ್ನ್ ಫಿರ್ಗಜೆಚ್ಯಾ ಎಕ್ವಟಾ ಖಾತಿರ್ ವಾವ್ರ್ ಕರುಂಕ್ ಜಾಯ್." ಮಳ್ಳೊ ಸಂದೇಶ್ ದಿಲೊ. ಬಾ| ಐವನ್ ಮೈಕಲ್ ರೊಡ್ರಿಗಸ್ ಆನಿ ಬಾ | ಅಮಿತ್ ರೊಡ್ರಿಗಸ್ ಹಾಣಿಂ ಮಿಸಾಚೆರ್ ಸಹ ಭೆಟವ್ಣಿ ಕೆಲಿ. 

      ಉಪ್ರಾಂತ್ ಜೆಜುಚೆಂ ಮಿಸ್ತೆರಾಭರಿತ್ ನೀಜ್ ಹಾಜರ್ಪಣ್ ಒಳ್ಕೊನ್ ತಾಕಾ ಆರಾಧಾನ್ ಕರ್ನ್ ತಾಚಿಂ ಭೆಸಾಂವಾ  ಆಮ್ಚೆರ್ ಆನಿ ಆಮ್ಚಾ ಗಾಂವಾಚೆರ್ ಮಾಗೊನ್ ಘೆಂವ್ಚ್ಯಾಕ್ ಸರ್ವ್ ಫಿರ್ಗಜ್‌ಗಾರಾನಿಂ  ಭಕ್ತಿಕ್ ಗೀತಾಂ ಗಾವ್ನ್ ಪುರ್ಶಾಂವಾಂತ್ ಭಾಗ್ ಘೆತ್ಲೊ. 

     ಉಪ್ರಾಂತ್ ಕಥೊಲಿಕ್ ಸಭೆಚ್ಯಾ ಮುಕೆಲ್ಪಣಾರ್ ಮಾನೆಸ್ತ್ ರೋಶನ್ ಡಿಸೋಜಾಕ್ ತಾಚ್ಯಾ ಪಿಡೆ ನಿಮ್ತಿಂ ಒಕ್ತಾಂ ಖರ್ಚಾಕ್ ರು. 3,84,500/- ದೀವ್ನ್ ಭಾವ್- ಭಾಂದವ್ಪಣಾಚ್ಯಾ ಆಯ್ತಾರಾಕ್ ಖರೊ ಅರ್ಥ್ ದಿಲೊ.

      ತ್ಯಾ ನಂತರ್ ಕೊಂಪ್ರಿಚ್ಯಾ ಆಯ್ತಾರಾಕ್ ಮುಡ್ದೊಮ್ ದಿಲ್ಲ್ಯಾಂಕ್ ಮಾನಾಚ್ಯೊ ವಾತಿ ದೀವ್ನ್ ಮಾನ್ ಕರ್ನ್, ದಾನ್ ದಿಲ್ಲ್ಯಾಂಕ್, ಸಹಾಕಾರ್ ದಿಲ್ಲ್ಯಾಂಕ್ ಆನಿ ಸೆವಾ ದಿಲ್ಲ್ಯಾಂಚೊ ವಿಗಾರ್ ಬಾಪಾನಿಂ ಮನಪೂರ್ವಕಿ ಉಪ್ಕಾರ್ ಬಾವುಡ್ಲೊ.  

      ಮಾನೆಸ್ತ್ ವಲೇರಿಯನ್ ಸುಜಾತಾ ವೇಗಸ್ ಹಾಂಚಾ ಬಾಬ್ತಿನ್ ಕಾಫಿ-ಫಳ್ಹಾರಾಚಿ ಮಾಂಡಾವಳ್ ಆಸಾ ಕೆಲ್ಲಿ. ಅಶೆಂ ಸರ್ವ್ ಫಿರ್ಗಜ್ಗಾರಾಂಚಾ ಸಹಕಾರನ್ ಭಾವ್- ಭಾಂದವ್ಪಣಾಚೊ ಆಯ್ತಾರ್ ಅರ್ಥಾಭರಿತ್ ರೀತಿನ್ ಆಚರಣ್ ಕೆಲೊ.

 Photo Gallery's:  👉🏻 https://photos.app.goo.gl/4cYwqhfPd43Kc8Nt7

                           👉🏻 https://photos.app.goo.gl/pkFXUoVqEjCiiMSB9