ದಿನಾಂಕ್ 05-10-2025ವೆರ್ ಕಥೊಲಿಕ್ ಸಭಾ ವಿಟ್ಲ ಘಟಕಾ ಥರ್ಪೆನ್ ಪ್ರಾಯ್ವಂತಾ ಖಾತಿರ್ ಮಿಸಾಚೆಂ ಬಲಿದಾನ್ ಭೆಟವ್ನ್ ತಾಚೆ ಬರಾಬರ್ ಇಗರ್ಜೆಚ್ಯಾ ಮಿನಿ ಸಭಾಸಲಾಂತ್ ಹೆಂ ಕಾರ್ಯೆಂ ಮಾಂಡುನ್ ಹಾಡ್ಲೆಂ.

     ಸಂಪನ್ಮೂಳ್ ವ್ಯಕ್ತಿ ಜಾವ್ನ್ ರಾಕ್ಣೊ ಪತ್ರಾಚೆ ಸಂಪಾದಕ್ ಮಾ|ಬಾ| ರೂಪೆಶ್ ಮಾಡ್ತಾ  "ಮಾಲ್ಗಾಡಿಂ ಜಾವ್ನಾಸಾತ್ ಜುಜೆ ಆನಿ ಮರಿಯೆಚಿ ಪ್ರತಿರೂಪಾಂ. ಜೊ ಕೋಣ್ ತಾಂಕಾ ಮಾನ್ ದಿತಾ, ತಾಂಕಾ ದೇವ್ ಬೆಸಾಂವಾನಿ ಭರ್ತಾ. ಕಿತ್ಯಾಕ್, ತಾಂಚ್ಯಾ ತ್ಯಾಗ್ ಸಾಕ್ರಿಫಿಸಾ ವರ್ವಿಂ ಆಜ್ ಆಮಿಂ ಉಂಚ್ಲ್ಯಾ ಪಾಂವ್ಡಾರ್ ಆಸಾಂವ್" ಮ್ಹಳ್ಳೊ ಸಂದೇಶ್ ದಿಲೊ.

        ಮಾ|ಬಾ| ಅಮಿತ್ ಪ್ರಕಾಶ್ ಆನಿ ಕಥೊಲಿಕ್ ಸಭಾ ಕೇಂದ್ರೀಯ್ ಅಧ್ಯಕ್ಷ್ ಮಾನೆಸ್ತ್ ಸಂತೋಷ್ ಡಿಸೋಜಾನ್ ಸರ್ವ್ ಮಾಲ್ಗಡ್ಯಾಂಕ್ ಬರೆಂ ಮಾಗ್ಲೆಂ.

     ವೆದಿರ್ ಸಾಂ ಪಾವ್ಲ್ ಕೊವೆಂತಾಚಿ ವ್ಹಡಿಲ್ನ್ ಸಿ| ಜಾನೆಟ್ ಡಿಸೋಜ, ಫಿರ್ಗಜ್ ಗೊವ್ಳಿಕ್ ಪರಿಷದ್ ಉಪಾಧ್ಯಕ್ಷ್ ಮಾನೆಸ್ತ್ ವಿಜಯ್ ಪಾಯ್ಸ್, ಕಾರ್ಯದರ್ಶಿ ಶ್ವೇತಾ ಪಾಯ್ಸ್ ಹಾಜರ್ ಆಸ್‌ಲ್ಲಿಂ.

        ಲಗ್ನಾ ಜಿವಿತಾಚಿಂ 50 ವರ್ಸಾಂ ಸಾಂಗಾತಾ ಜಿಯೆಲ್ಲ್ಯಾ 10 ಜೊಡ್ಯಾಂಕ್ ಶಾಲ್ ಘಾಲ್ನ್ ಮಾನ್ ಕೆಲೊ ಆನಿ ಕಾರ್ಯಾಚ್ಯಾ ಉಡಾಸಾಕ್ ಮೊಗಾಚ್ಯೊ ಕಾಣಿಕೊ ದಿಲ್ಯೊ.

      ತಶೆಂಚ್ ಕಾರ್ಯಾಂತ್ ಹಾಜರ್ ಆಸ್‌ಲ್ಲ್ಯಾ ಸರ್ವ್ 70 ವರ್ಸಾಂ ವಯ್ಲ್ಯಾಂಕ್  ಮೊಗಾಚಿ ಕಾಣಿಕ್ ದೀವ್ನ್ ಮಾನ್ ಕೆಲೊ.

        ಸಾಂಗಾತಾಚ್ಚ್ ಭಲಾಯ್ಕಿ ಬರಿ ನಾಸ್ತಾಂ ಆಸ್ಪತ್ರೆಂತ್ ದಾಖಲ್ ಜಾಲ್ಲ್ಯಾ ಸಾಂದೊ ರೋಶನ್ ಡಿಸೋಜಾ ಹಾಚಾ ವೈದ್ಯಕೀಯ ಖರ್ಚಾ ಬಾಬ್ತಿಂ ರೂ 10000 ಸಹಾಯ ಧನ್ ಸಾಂ ಜುಜೆ ವಾಡ್ಯಾ ಗುರ್ಕಾರ್ನಿಕ್ ದಿಲೆ.

        ಕಾರ್ಯಾಚಾ ಆರಂಭಾರ್ ಸ್ವಾಗತ್ ನೃತ್ಯಾ ಮುಖಾಂತ್ರ್ ಮಾಲ್ಗಡ್ಯಾಂಕ್ ಲಾನಾಂ ಭುರ್ಗ್ಯಾನಿ ಯೆವ್ಕಾರ್ ಮಾಗ್ಲೊ. ಮಾಗ್ಣ್ಯಾ ದ್ವಾರಿಂ ಕಾರ್ಯೆಂ ಆರಂಭ್ ಕರ್ನ್, ಸರ್ವ್ ಸಯ್ರ್ಯಾನಿಂ ದಿವೊ ಪೆಟೊಂವ್ಚ್ಯಾ ಮುಖಾಂತ್ರ್ ಕಾರ್ಯೆಂ ಉದ್ಘಾಟನ್ ಕೆಲೆಂ.

        ಸಭಾ ಕಾರ್ಯಾಚ್ಯಾ ಅಖ್ರೇಕ್ ಸಾಂದೊ ಸೆಲೆಸ್ತಿನ್ ಪಿಂಟೊನ್ ಮಾಲ್ಘಡ್ಯಾಂಕ್ ತೊಡೆ spot games ಕರ್ನ್ ಬಹುಮಾನಾಂ ವಾಂಟ್ಲಿಂ.

        ಘಟಕಾಚೊ ಅಧ್ಯಕ್ಷ್ ಮಾನೆಸ್ತ್ ಲೂವಿಸ್ ಮಸ್ಕರೇನಸಾನ್ ಸರ್ವ್ ಸಯ್ರ್ಯಾಂಕ್ ಆನಿ ಜಮ್ಲೆಲ್ಯಾ ಸರ್ವಾಂಕ್ ಸ್ವಾಗತ್ ಕೆಲೊ. ಕಾರ್ಯದರ್ಶಿ ತೋಮಸ್ ಮಸ್ಕರೇನಸಾನ್ ಧನ್ಯವಾದ್ ಪಾಟಯ್ಲೆಂ. ಶರಲ್ ವಾ಼ಜಾನ್ ಕಾರ್ಯೆಂ ನಿರ್ವಹಣ್ ಕೆಲೆಂ.

       Photo Gallery's:  👉🏻 https://photos.app.goo.gl/GvN19SaBghh6to877