ಸಕಾಳಿಂ 7:00 ವರಾರ್ ಬೊ| ಮಾ| ಐವನ್ ಮೈಕಲ್ ರೊಡ್ರಿಗಸ್ ಬಾಪಾನಿಂ ದುಖಿ ಸಾಯ್ಭಿಣಿಕ್ ಅರ್ಗಾಂ ದೀವ್ನ್ ಪವಿತ್ರ್ ಮಿಸಾಚಾ ಬಲಿದಾನ್ ಭೆಟಯ್ಲೆಂ. ಮಾ|ಬಾ| ಅಮಿತ್ ರೊಡ್ರಿಗಸ್ ಆನಿ ಸಯ್ರೆ ಯಾಜಕ್ ಮಾ|ಬಾ| ಜೋನ್‌ ಪಾಯ್ಸ್ ಹಾಣಿಂ ಸಹ - ಭೆಟವ್ಣಿ ಕೆಲಿ.

      ಮಿಸಾ ಉಪ್ರಾಂತ್ ವಿಗಾರ್ ಬಾಪಾಂಕ್ ಉಪ್ಕಾರ್ ಬಾವುಡ್ಚೆಂ ಮಟ್ಟೆಂ ವೆದಿಂ ಕಾರ್ಯೆಂ ಮಾಂಡುನ್ ಹಾಡ್ಲೆಂ. ವೆದಿಚೆರ್ ವಿಗಾರ್ ಬೊ|ಮಾ|ಬಾ| ಐವನ್ ಮೈಕಲ್ ರೊಡ್ರಿಗಸ್, ಮಾ|ಬಾ| ಅಮಿತ್ ರೊಡ್ರಿಗಸ್, ಮಾ|ಬಾ| ಜೋನ್‌ ಪಾಯ್ಸ್, ಫಿರ್ಗಜ್ ಗೊವ್ಳಿಕ್ ಪರಿಷದೆಚೊ ಉಪಾಧ್ಯಕ್ಷ್ ಮಾನೆಸ್ತ್ ವಲೇರಿಯನ್ ವೇಗಸ್, ಕಾರ್ಯದರ್ಶಿ ಶ್ರೀಮತಿ ಶಾಲೆಟ್ ಪಾಯ್ಸ್, ಬಾವೀಸ್ ಆಯೋಗಾಂಚಿ ಸಂಯೋಜಕಿ ಶ್ರೀಮತಿ ಜೆಸಿಂತಾ ಫೆರ್ನಾಂಡಿಸ್ ಆನಿ ಸಾಂ ಪಾವ್ಲ್ ಕೊವೆಂತಾಚಿ ವ್ಹಡಿಲ್ನ್ ಸಿ. ಜಾನೆಟ್ ಹಾಜರ್ ಅಸ್‌ಲ್ಲಿ. ಸರ್ವ್ ಮಾನಾಚ್ಯಾ ಸಯ್ರ್ಯಾಂಕ್ ಮಾನೆಸ್ತ್ ಮನೋಹರ್ ಲ್ಯಾನ್ಸಿ ಡಿಸೋಜನ್ ಸ್ವಾಗತ್ ಕೆಲೆಂ.

     ಮಾ|ಬಾ| ಅಮಿತ್ ರೊಡ್ರಿಗಸ್ ಹಾಣಿಂ, ಬಾ| ಐವನಾನ್ ಆಮ್ಚೆಂ ಫಿರ್ಗಜೆಂತ್ ಪಾಟ್ಲ್ಯಾ 6 ವರ್ಸಾಂನಿ ದಿಲ್ಲ್ಯಾ ಸೆವೆ ವಾವ್ರಾಚೊ ವಿವರ್ ದೀವ್ನ್ ತಾಂಚಾ ಮುಕ್ಲ್ಯಾ ಮಿಸಾಂವಾಕ್ ಬೊರೆಂ ಮಾಗ್ಲೆಂ. ಉಪಾಧ್ಯಕ್ಷ್ ಮಾನೇಸ್ತ್ ವಲೇರಿಯನ್ ವೇಗಸ್ ಹಾಣಿಂ ಮಾನ್ ಪತ್ರ್ ವಾಚುನ್, ವೆದಿಚೆರ್ ಹಾಜರ್ ಆಸ್‌ಲ್ಲ್ಯಾ ಸರ್ವ್ ಮಾನಾಚಾ ಸಯ್ರ್ಯಾನಿಂ ಉಗ್ಡಾಸಾಚಿ ಕಾಣಿಕ್ ದೀವ್ನ್ ಮಾನ್ ಕೆಲೊ. Y.C.S, I.C.Y.M, S.V.P, ಕಥೊಲಿಕ್ ಸಭಾ ವಾರಾಡೊ ತಶೆಂಚ್ ಘಟಕ್, ಸ್ತ್ರಿ ಸಂಘಟನ್ ವಾರಾಡೊ ತಶೆಂಚ್ ಘಟಕ್, ಗಾಯಾನ್ ಮಂಡಳಿ, ಸರ್ವ್ ವಾಡ್ಯಾ ಗುರ್ಕಾರ್, ಸಾಂ. ಪಾವ್ಲ್ ಕೊವೆಂತಾಚಿಂ ಧರ್ಮ್ ಭಯ್ಣಿಂ, ಹ್ಯಾ ಸರ್ವಾನಿಂ ವಿಗಾರ್ ಬಾಪಾಂಕ್ ಪುಲಾಂಚೊ ತುರೊ ದೀವ್ನ್ ಉಪ್ಕಾರ್ ಬಾವುಡ್ನ್ ಬೊರೆಂ ಮಾಗ್ಲೆಂ.  

     ಗಾಯಾನ್ ಮಂಡಳೆಚ್ಯಾ ಸಾಂದ್ಯಾನಿಂ ವಿಗಾರ್ ಬಾಪಾಂಕ್ ಬೊರೆಂ ಮಾಗೊನ್ ಆದೇವ್ಸ್ ಗೀತ್ ಗಾಯ್ಲೆಂ. ಉಪ್ರಾಂತ್ ವಿಗಾರ್ ಬಾಪಾನಿಂ ವಿಟ್ಲ ಫಿರ್ಗಜೆಂತ್ ಪಾಟ್ಲ್ಯಾ 6 ವರ್ಸಾಂಚಾ ಮಿಸಾಂವ್ ವಾವ್ರಾಚೊ ಅನ್ಬೋಗ್ ಉಚಾರ್ನ್ ತಾಂಚಾ ಮಿಸಾವಾಂತ್ ತಾಂಕಾ ಸಾಂಗಾತ್ ದಿಲ್ಲ್ಯಾಂಚೊ, ಆಧಾರ್ ದಿಲ್ಲ್ಯಾಂಚೊ, ಕುಮೊಕ್ ಕೆಲ್ಲ್ಯಾಂಚೊ ಮನಪೂರ್ವಕಿ ಉಪ್ಕಾರ್ ಬಾವುಡ್ನ್ ಸರ್ವ್ ಫಿರ್ಗಜ್ಗಾರಾಂಕ್ ಬರೆಂ ಮಾಗ್ಲೆಂ.

    ಮಾನೆಸ್ತ್ ಮನೋಹರ್ ಲ್ಯಾನ್ಸಿ ಡಿಸೋಜ ಹಾಣಿಂ ಸರ್ವಾಂಚೊ ಉಪ್ಕಾರ್ ಬಾವುಡ್ಲೊ ಆನಿ ಕಾರ್ಯೆಂ ನಿರ್ವಹಣ್ ಕೆಲೆಂ.

ನಿಮಾಣ್ಯಾ ಗಿತಾಂ ಸವೆಂ ವೆದಿ ಕಾರ್ಯೆಂ ಸಂಪಯ್ಲೆಂ.

Photo Gallery's:  👉🏻 https://photos.app.goo.gl/1AneYWX4tX5knNqeA

                                      👉🏻 https://photos.app.goo.gl/UXY4fqeduFHNsCYb9