ಒಕ್ಕೆತ್ತೂರು ಫಾತಿಮಾ ಮಾಯೆಚ್ಯಾ ಗ್ರೊಟ್ಟ್ಯಾಂತ್ ಸಾಂಜೆರ್ 4:15 ವರಾರ್ ತೇರ್ಸ್ ಉಪ್ರಾಂತ್ ಪವಿತ್ರ್ ಮಿಸಾಚೆಂ ಬಲಿದಾನ್ ಭೆಟಯ್ಲೆಂ. ಮಿಸಾಚ್ಯಾ ಬಲಿದಾನಾಂತ್ ಪ್ರಧಾನ್ ಯಾಜಾಕ್ ಜಾವ್ನ್ ಬೊ|ಮಾ|ಬಾ| ಐವನ್ ಮೈಕಲ್ ರೊಡ್ರಿಗಸಾನ್ ಆಮಿ ಮರಿಯೆ ಕಡೆ ಮಾಗ್‌ಲ್ಲ್ಯೊ ಹರ್ಯೆಕ್ ಗರ್ಜೊ ಆನಿ ವಿನಂತ್ಯೊ, ಜೆಜು ಮಾರಿಫಾತ್ ಆಮ್ಕಾಂ ಫಾವೊ ಕರ್ತಾ ಮ್ಹಳ್ಳೊ ಸಂದೇಶ್ ದಿಲೊ.  

    ಮಿಸಾ ಉಪ್ರಾಂತ್ ಮಟ್ವೆಂ ವೆದಿ ಕಾರ್ಯೆಂ ಮಾಂಡುನ್ ಹಾಡ್‌ಲ್ಲೆಂ. ಸುರ್ವೆರ್ ವಾಡ್ಯಾಂತ್ಲ್ಯಾ ಲಾನಾಂ ಭುರ್ಗ್ಯಾಂನಿ ನೃತ್ಯಾ ಮುಕಾಂತ್ರ್ ಸರ್ವಾಂಚಿ ಮ್ಹನಾಂ ದಾದೊಶಿ ಕೆಲಿಂ. ವೆದಿಚೆರ್ ಕಾರ್ಯಾಚೊ ಅಧ್ಯಕ್ಷ್ ಜಾವ್ನ್ ಬೊ|ಮಾ|ಬಾ| ಐವನ್ ಮೈಕಲ್ ರೊಡ್ರಿಗಸ್, ಮುಖೆಲ್ ಸಯ್ರಿಂ ಜಾವ್ನ್ ಸಾಂ ರೀತಾ ಕನ್ನಡ್ ಮಾಧ್ಯಮ್ ಇಸ್ಕೊಲಾಚಿ ಮುಕೆಲ್ ಮೆಸ್ತ್ರೀಣ್ ಸಿ| ಜೊನೆಟ್, ಲ್ಹಾನ್ ಕ್ರೀಸ್ತಾಂವ್ ಸಮುದಾಯೆಚೊ ಸಂಚಾಲಕ್ ಮಾನೆಸ್ತ್ ಫ್ರಾನ್ಸಿಸ್ ಮಸ್ಕರೇನಸ್,ಗೊವ್ಳಿಕ್ ಪರಿಷದೆಚಿ ಕಾರ್ಯದರ್ಶಿ ಮಾನೆಸ್ತಿಣ್ ಶ್ವೇತಾ ಪಾಯ್ಸ್, ವಾಡ್ಯಾ ಗುರ್ಕಾರ್ನ್ ಮಾನೆಸ್ತಿಣ್ ಐಡಾ ವೇಗಸ್ ಆನಿಂ ವಾಡ್ಯಾ ಕಾರ್ಯದರ್ಶಿ ಮಾನೆಸ್ತಿಣ್ ಎಮಿಲ್ಡಾ ಸೀಮಾ ಸಲ್ಡಾನ್ಹಾ ವೆದಿಚೆರ್ ಹಾಜರ್ ಆಸ್‌ಲ್ಲಿಂ.  

    ಪಾಟ್ಲ್ಯಾ ಧಾ ವರ್ಸಾ ಥಾವ್ನ್ ಗುರ್ಕಾರ್ನ್ ಜಾವ್ನ್ ಸೆವಾ ದಿಲ್ಲ್ಯಾ ಮಾನೆಸ್ತಿಣ್ ಸವಿತಾ ಡೈನಾ ತಾವ್ರೊಕ್ ಸನ್ಮಾನ್ ಕೆಲೊ. ಮಾನೆಸ್ತಿಣ್ ಸೆವ್ರಿನ್ ಕ್ರಾಸ್ತಾನ್ ತಿಚಾ ಸೆವೆ ವಿಶಿಂ ಮಟ್ವೊ ವಿವರ್ ದೀವ್ನ್ ತಿಕಾ ಬೊರೆಂ ಮಾಗ್ಲೆಂ.

    ವಿಗಾರ್ ಬಾಪಾನಿಂ ವಾಡ್ಯಾಗಾರಾಂಕ್ ತಶೆಂಚ್ ಹಾಜರ್ ಆಸ್‌ಲ್ಲ್ಯಾ ಸಮೇಸ್ತಾಂಕ್ ಫೆಸ್ತಾಚ್ಯೆ ಶುಭಾಶಯ್ ಪಾಠವ್ನ್ ಫಾತಿಮ ಮಾಯೆಚೊ ಸಂದೇಶ್ ದೀವ್ನ್ ಬೊರೆಂ ಮಾಗ್ಲೆಂ.  

    ವಾಡ್ಯಾಚಿ ಗುರ್ಕಾರ್ನ್ ಮಾನೆಸ್ತಿಣ್ ಐಡಾ ವೇಗಸಾನ್ ಸರ್ವ್ ಸಯ್ರ್ಯಾಂಕ್ ಸ್ವಾಗತ್ ಕೆಲೆಂ. ಮಾನೆಸ್ತಿಣ್ ಸೀಮಾ ಮಸ್ಕರೇನಸಾನ್ ಸಹಕಾರ್ ದಿಲ್ಲ್ಯಾ ಸರ್ವಾಂಕ್ ಧನ್ಯವಾದ್ ಪಾಠಯ್ಲೆಂ. ದಿಲ್ರೋಯ್ ಮಸ್ಕರೇನಸಾನ್ ಕಾರ್ಯೆಂ ಚಲವ್ನ್ ವೆಲೆಂ.

    ಹಾಜರ್ ಜಾಲ್ಲ್ಯಾ ಸರ್ವ್ ವಾಡ್ಯಾಗಾರಾನಿಂ ಆನಿ ಸರ್ವ್ ಸಯ್ರ್ಯಾನಿಂ ಕಾಫಿ ಫ್ಹಳಾಹಾರ್ ಸೆವ್ನ್ ಫೆಸ್ತಾಚೊ ಸಂಭ್ರಮ್ ದೊಡ್ತೊ ಕೆಲೊ