ಸಾಂಜೆರ್ 4: 30 ವೊರಾರ್ ಪವಿತ್ರ್ ಮಿಸಾಚ್ಯಾ ಬಲಿದಾನಾಂತ್ ಪ್ರಧಾನ್ ಯಾಜಕ್ ಜಾವ್ನ್ ವಿಟ್ಲ ಫಿರ್ಗಜೆಚೆ ವಿಗಾರ್ ಬೊ|ಮಾ| ಬಾ| ಐವನ್ ಮೈಕಲ್ ರೊಡ್ರಿಗಸ್ ಹಾಂಣಿ ಭೆಟಯ್ಲೆo. ಫಾತಿಮಾ ಸಾಯ್ಭಿಣಿಚೆಂ ದಿಸೊವ್ಣಿ ಆನಿ ವಿನೊವ್ಣಿಂ ವಿಶ್ಯಾಂತ್ ವಿವರ್ ದಿಲೊ. ವಾಡೊ ಮ್ಹಳ್ಯಾರ್ ಏಕ್ ಕುಟಾಮ್. ವಾಡೊ ಜಿವಾಳ್ ಜಾಲ್ಯಾರ್ ಪವಿತ್ರ್ ಸಭಾ ಜಿವಾಳ್ ಜಾತಾ ಮ್ಹಳ್ಳೊ ಸಂದೇಶ್ ದಿಲೊ.

     ಮಿಸಾ ಉಪ್ರಾಂತ್ ಮಟ್ವೆಂ ವೆದಿಂ ಕಾರ್ಯೆ ಆಸಾ ಕೆಲ್ಲೆಂ. ವೆದಿಚೆರ್ ಅಧ್ಯಕ್ಷ್  ಬೋ|ಮಾ|ಬಾ| ಐವನ್ ಮೈಕಲ್ ರೊಡ್ರಿಗಸ್, ವಿಟ್ಲ ಗೊವ್ಳಿಕ್ ಪರಿಷದೆಚಿ ಕಾರ್ಯದರ್ಶಿ ಶ್ರೀಮತಿ ಶಾಲೆಟ್ ಪಾಯ್ಸ್, ಮುಳಾವೊ ಕ್ರಿಸ್ತಾಂವ್ ಸಮುದಾಯ್ ಸಂಚಾಲಕ್ ಮಾನೆಸ್ತ್ ವೆಲಂಟೈನ್ ವಿಲ್ಫ್ರೆಡ್ ಪಿಂಟೊ, ಬಾವೀಸ್ ಆಯೋಗಾಚಿ ಸಂಯೋಜಕಿ ಶ್ರೀಮತಿ ಜೆಸಿಂತಾ ಲಸ್ರಾದೊ, ವಾಡ್ಯಾ ಗುರ್ಕಾರ್ನ್ ಶ್ರೀಮತಿ ಐಡಾ ವೇಗಸ್ ತಶೆಂಚ್ ವಾಡ್ಯಾ ಕಾರ್ಯದರ್ಶಿ ಶ್ರೀಮತಿ ಎಮಿಲ್ಡಾ ಸೀಮಾ ಸಲ್ಡಾನ ಹಾಜರ್ ಅಸ್‌ಲ್ಲಿಂ. 

     ಕಾರ್ಯಕ್ರಮಾ ವೆಳಿಂ ಆಮ್ಚಾ ಫಿರ್ಗಜೆಂತ್ ಪಾಟ್ಲ್ಯಾ 6 ವರ್ಸಾಂ ಥಾವ್ನ್  ಸೆವಾ ದೀವ್ನ್ ನಿರ್ಗಮಿತ್  ಜಾಂವ್ಚಾ ಮೊಗಾಳ್ ವಿಗಾರ್ ಬಾಪಾಂಕ್ ಸನ್ಮಾನ್ ಕೆಲೊ. 

     ಮುಳಾವೊ ಕ್ರೀಸ್ತಿ ಸಮುದಾಯ್ ಹಾಚೊ ಸಂಚಾಲಕ್ ಮಾನೆಸ್ತ್ ವೆಲಂಟೈನ್ ವಿಲ್ಫ್ರೆಡ್ ಪಿಂಟೊ ಹಾಂಣಿ ಫಾತಿಮಾ ವಾಡೊ  ತಶೆಂಚ್ ಫಾತಿಮಾ ಸಾಯ್ಬಿಣಿಚೆಂ ಕೊಪೆಲ್ ಆಪ್ಣಾಕ್ ಭೋವ್ ಲಾಗ್ಶಿಲೆಂ ಜಾವ್ನಾಸಾ ಮ್ಹಣ್ ಅನ್ಬೊಗ್ ಉಚಾರ್ನ್ ಸರ್ವಾಂಕ್  ಫೆಸ್ತಾಚೆ ಶುಭಾಶಯ್ ಪಾಠಯ್ಲೆ. 

      ಕಾರ್ಯಕ್ರಮಚ್ಯಾ ಸುರ್ವೆರ್ ವಾಡ್ಯಾ ಕಾರ್ಯದರ್ಶಿನ್ ವಾರ್ಷಿಕ್ ವರ್ದಿ ಸಭೆರ್ ಮಂಡನ್ ಕೆಲಿ.

ಶ್ರೀಮತಿ ಐಡಾ ವೇಗಸ್ ಹಾಂಣಿ ಜಮ್ಲೆಲ್ಯಾ ಸರ್ವಾಂಕ್ ಸ್ವಾಗತ್ ಕೆಲೊ. ತಶೆಂಚ್ ವಲೇರಿಯನ್ ಮಸ್ಕರೇನಸ್ ಹಾಣಿಂ ಸರ್ವಾಂಕ್ ಧನ್ಯವಾದ್ ಅರ್ಪಿಲೆಂ. ಶ್ರೀಮತಿ ಡೈನಾ ಸವಿತಾ ಮಸ್ಕರೇನಸ್ ಹಾಂಣಿ ಕಾರ್ಯೆಂ ನಿರ್ವಹಣ್ ಕೆಲೆಂ. 

      ಶ್ರೀಮತಿ ಫ್ಲೋರಾ ಮಸ್ಕರೇನಸ್ ಹಾಂಚಾ ಕುಟ್ಮಾ ತರ್ಫೆನ್ ಜಮ್ಲೆಲ್ಯಾ ಸರ್ವಾಂಕ್ ಕಾಫಿ ಫ್ಹಳಾರಾಚಿ ವ್ಯವಸ್ತಾ ಕೆಲ್ಲಿ.

     ಜಮ್ಲೆಲ್ಯಾ ವಾಡ್ಯಾಗಾರಾಂ ಸಾಂಗಾತಾ ಅರ್ಥಾಭರಿತ್ ರೀತಿನ್ ಫೆಸ್ತ್ ಆಚರಣ್ ಕೆಲೆಂ.