ದಿನಾಕ್ 08-09-2025 ವೆರ್ ಅಯ್ತಾರಾ ಸಕಾಳಿಂ 8:00 ವರಾರ್ ಶತಮಾನೋತ್ಸವ್ ಸ್ಮಾರಕ್ ಸಭಾಭವನಾಚ್ಯಾ ಮುಖಾರ್ ಕಣ್ಶಿ ಬೆಂಜಾರ್ ಕರ್ನ್, ಬಾಳೊಕ್ ಮರಿಯೆಕ್ ಫುಲಾಂ ಅರ್ಪುನ್, ಪುರ್ಶಾಂವಾರ್ ವಚೊನ್ ಸಂಭ್ರಮಿಕ್ ಪವಿತ್ರ್ ಮಿಸಾಚೆಂ ಬಲಿದಾನ್ ಭೆಟಯ್ಲೆಂ.

     ಮಿಸಾಚೆರ್ ಪ್ರಧಾನ್ ಯಾಜಕ್ ಜಾವ್ನ್ ಸಾಂ.ರೀತಾ ಆಂಗ್ಲ ಮಾಧ್ಯಮಾಚೆ ಮುಖೆಲ್ ಮೆಸ್ತ್ರಿ ಮಾ|ಬಾ‌‌| ಅಮಿತ್ ರೊಡ್ರಿಗಸ್‌ ಹಾಂಣಿಂ ಮಿಸಾಚೆಂ ಬಲಿದಾನ್ ಭೆಟಯ್ಲೆಂ. ಫಿರ್ಗಜ್ ವಿಗಾರ್ ಭೊ|ಮಾ|ಬಾ| ಐವನ್ ಮೈಕಲ್ ರೊಡ್ರಿಗಸ್‌ ಹಾಣಿಂ "ಮರಿಯೆ ಮಾಯೆಚೆ ಶೆಗುಣ್ ತ್ಯಾಗ್, ಸಾಕ್ರಿಫಿಸ್ , ಸೊಸ್ಣಿಕಾಯ್ ಅನಿಂ ಖಾಲ್ತೆಪಣ್ ಆಮ್ಚೆಂ ಥಂಯ್ ಸದಾಂಚ್ ಆಸೊನ್ ಭರ್ವಶಾಚಿಂ ಕುಟ್ಮಾಂ ಬಾಂದುನ್ ಹಾಡ್ಯಾಂ" ಮ್ಹಳ್ಳೊ  ಸಂದೇಶ್  ದಿಲೊ. ಬಾ| ಜೋನ್ ಪಾಯ್ಸ್ ಆನಿ ಬಾ| ಸಿರಿಲ್ ಲಸ್ರಾದೊ ಹಾಣಿಂ ಸಹಭೆಟವ್ಣಿ ಕೆಲಿ. ಸ್ತ್ರೀ ಸಂಘಟನಾಚ್ಯಾ ಸಾಂದ್ಯಾನಿಂ ಮಿಸಾಚಿ ದೇವ್ ಸ್ತುತಿ ಚಲೊವ್ನ್, ಕಾಣಿಕೊ ಭೆಟವ್ನ್  ಭೋವ್ ಭಕ್ತಿನ್ ಮಿಸಾಚಾ ಬಲಿದಾನಾಂತ್ ವಾಂಟೊ ಘೆತ್ಲೊ. 

       ಮಿಸಾಚ್ಯಾ ಅಕ್ರೇಕ್ ವಿಗಾರ್ ಬಾಪಾನಿಂ, ನೊವೆನಾಚ್ಯಾ ಹರ್ಯೆಕಾ ದಿಸಾ ಮಿಸಾಂತ್ ವಾಂಟೆಲಿ ಜಾವ್ನ್ ನೊವೆನಾಂತ್ ಭಾಗ್ ಘೆತ್‌ಲ್ಲ್ಯಾ ಸರ್ವ್ ಮರಿಯೆಚ್ಯಾ ಭಕ್ತಿಕಾಂಕ್, ಹ್ಯಾ ದಿಸಾನಿಂ ದಿಲ್ಲ್ಯಾ ಖಾಣಾಂಕ್, ಫುಲಾಂಕ್, ಕೊಬಾಕ್ ದಾನ್ ದೀವ್ನ್ ಫೆಸ್ತ್ ಭೋವ್ ಅರ್ಥಾಭರಿತ್ ರಿತಿನ್ ಆಚರಣ್ ಕರುಂಕ್ ಸಹಕಾರ್ ದಿಲ್ಲ್ಯಾ ಸರ್ವ್ ಫಿರ್ಗಜ್‌ಗಾರಾಂಚೊ ಉಪ್ಕಾರ್ ಬಾವುಡ್ಲೊ. ಮುಡ್ದೊಮ್ ದೀವ್ನ್ ಸಹಾಕಾರ್ ದಿಲ್ಲ್ಯಾ ಸರ್ವಾಂಕ್ ಮಾನಾಚೊ ವಾತಿ ದೀವ್ನ್ ಮಾನ್ ಕೆಲೊ. ಉಪ್ರಾಂತ್ ಗುರ್ಕಾರಾಂಚ್ಯಾ ಮುಖೆಲ್ಪಣಾರ್ ನವೆಂ/ ಕಣ್ಶಿ ವಾಂಟ್ಲಿ.

      ಸರ್ವ್ ಫಿರ್ಗಜ್‌ಗಾರಾನಿಂ ಕೊಬು ತಶೆಂಚ್ ವೊರ್ನ್ ಸ್ವೀಕಾರ್ ಕರ್ನ್ ಎಕಾಮೆಕಾ ಫೆಸ್ತಾಚೆ ಶುಭಾಶಯ್ ಪಾಟವ್ನ್ ಫೆಸ್ತಾಚೊ ಸೊಂತೊಸ್ ದೊಡ್ತೊ ಕೆಲೊ.

       Photo Gallery's:  👉🏻 https://photos.app.goo.gl/QstCxucgp7C8MipEA

                                                     https://photos.app.goo.gl/4YXuvGy4J6wHnDGC9