ಸಾಂ ರೀತಾ ಇಸ್ಕೊಲಾಚೆ ಮುಖೆಲ್ ಮೆಸ್ತ್ರಿ ಮಾIಬಾ| ಅಮಿತ್ ರೊಡ್ರಿಗಸ್ ಹಾಣಿಂ ನವೆಂ ಬೆಳೆ ಆಶಿರ್ವಾದಿತ್ ಕೆಲೆಂ. ಭುರ್ಗ್ಯಾಂನಿ ತಶೆಂಚ್ ವ್ಹಡಾನಿಂ ಮೊಂತಿ ಮಾಯೆಕ್ ಮಾನ್ ಕರ್ನ್  ಫುಲಾಂ ಅರ್ಪುನ್ ಉಪ್ರಾಂತ್ ಭಕ್ತೀನ್ ಪುರ್ಶಾಂವಾರ್ ಗಾಯಾನಾ ಗಾವ್ನ್  ಇಗರ್ಜೆಕ್ ವಚೊನ್  ಪವಿತ್ರ್ ಮಿಸಾಚೆಂ ಬಲಿದಾನ್ ಭೆಟಯ್ಲೆಂ. 

       ಪ್ರಧಾನ್ ಯಾಜಕ್ ಜಾವ್ನ್ ಮಾ|ಬಾ| ಮೈಕಲ್ ಲೋಬೊ ಹಾಣಿಂ ಮಿಸಾಚೆಂ ಬಲಿದಾನ್ ಭೆಟಯ್ಲೆಂ. ಬಾ| ಅಮಿತ್ ರೊಡ್ರಿಗಸ್ ಹಾಣಿಂ ಮರಿ ನಿತಳ್ ಆನಿ ಭಾಗೆವಂತ್ ಜಿಣಿಯೆಕ್ ಅದರ್ಶ್ ಮ್ಹಳ್ಳ್ಯಾ ಪ್ರಸ್ತಾವನಾಚಾ ಉತ್ರಾಂ ಖಾಲ್ ದೆವಾಚಾ ಸಬ್ದಾಚೊ ಘುಟ್ ನಿಯಾಳ್ಳೊ. ಕುಟ್ಮಾಂತ್ ಎಕ್ವಟಿತ್ ಜಾವ್ನ್ ಆಸೊಂಕ್ ಮರಿ ಅಮ್ಕಾಂ ಪ್ರೇರಣ್, ನವ್ಯಾ ಬೆಳ್ಯಾಚೆಂ ಜೆವಾಣ್ ಕುಟ್ಮಾಂತ್ ನವ್ಯಾ ಸಂಬಂದಾಕ್ ಬುನ್ಯಾದ್  ಮ್ಹಳ್ಳೊ ಸಂದೇಶ್  ದಿಲೊ

     ಸ್ತ್ರೀ ಸಂಘಟನಾಚ್ಯಾ ಸಾಂದ್ಯಾನಿಂ ಮಿಸಾಚೆರ್ ದೇವ್ ಸ್ತುತಿ ಚಲವ್ನ್ ವೆಲಿ ಆನಿ ಕಾಣಿಕೊ  ಅರ್ಪುನ್ ಸರ್ವಾನಿಂ ಭಕ್ತಿನ್ ವಾಂಟೊ ಘೆತ್ಲೊ.

     ವಿಗಾರ್ ಬಾಪಾನಿಂ ಸರ್ವಾಂಕ್ ಫೆಸ್ತಾಚೆ ಶುಭಾಶಯ್  ಪಾಠವ್ನ್  ಫೆಸ್ತಾಕ್ ಮುಡ್ದೊಮ್ ತಶೆಂಚ್ ದಾನ್ ದೀವ್ನ್ ಸಹಕಾರ್ ದಿಲ್ಲ್ಯಾ ಸರ್ವಾಂಕ್ ಮಾನಾಚಿ ವಾತಿ ದೀವ್ನ್ ಉಪ್ಕಾರ್ ಬಾವುಡ್ಲೊ.

      ಮಿಸಾ ಉಪ್ರಾಂತ್ ಸರ್ವಾಂನಿ ವೊರ್ನ್ ಆನಿ ಕೊಬು ಸ್ವೀಕಾರ್ ಕರ್ನ್ ಎಕಾಮೆಕಾ ಫೆಸ್ತಾಚೆ ಶುಭಾಶಯ್ ಪಾಠವ್ನ್ ಮೊಂತಿ  ಫೆಸ್ತಾಚೊ ಸಂಭ್ರಮ್ ದೊಡ್ತೊ ಕೆಲೊ.

           ಅಶೆಂ ಸರ್ವಾಂಚಾ ಸಹಕಾರಾನ್  ಮೊಂತಿ ಫೆಸ್ತ್ ವ್ಹಡ್ ದಬಾಜಾನ್ ಆಚರಣ್  ಕೆಲೆಂ.

       Photo Gallery :  👉🏻 https://photos.app.goo.gl/DYvNCk88qLwctSts7