ಸಂಭ್ರಮಿಕ್ ಮಿಸಾಚೆಂ ಬಲಿದಾನ್ ಪ್ರಧಾನ್ ಯಾಜಕ್ ಜಾವ್ನ್ ವಿಟ್ಲ ಫಿರ್ಗಜೆಚೊ ಆದ್ಲೊ ವಿಗಾರ್ ಪ್ರಸ್ತುತ್ ಕಾಸ್ಸಿಯಾ ಫಿರ್ಗಜೆಚೊ ವಿಗಾರ್ ಜಾವ್ನಾಸ್ಚೆ ಮಾ|ಬಾ| ಎರಿಕ್ ಕ್ರಾಸ್ತಾ ಬಾಪಾನಿಂ ಅರ್ಗಾಂ ಬಲಿದಾನ್ ಭೆಟಯ್ಲೆಂ. ಫಿರ್ಗಜ್ ವಿಗಾರ್ ಬೊ|ಮಾ|ಬಾ| ಐವನ್ ಮೈಕಲ್ ರೊಡ್ರೀಗಸ್ ಆನಿ ಮಾ|ಬಾ| ಸುನಿಲ್ ಪ್ರವೀಣ್ ಪಿಂಟೊ ಸಹ ಭೆಟವ್ಣಿಂ ಕೆಲಿ.

ಮಿಸಾ ಉಪ್ರಾಂತ್ ವಿಗಾರ್ ಬಾಪಾನಿಂ ಫೆಸ್ತಾಚೊ ಸಂಭ್ರಮ್ ಅರ್ಥಾಭರಿತ್ ರಿತಿನ್ ಕರುಂಕ್ ಕುಮೊಕ್ ಕೆಲ್ಲ್ಯಾ ಸರ್ವಾಂಚೊ ಉಪ್ಕಾರ್ ಭಾವುಡ್ಲೊ.ಮಿಸಾಚ್ಯಾ ಅಕ್ರೇಕ್ ಕಥೊಲಿಕ್ ಸಭಾ ಆನಿ ಫಿರ್ಗಜ್ ಗೊವ್ಳಿಕ್ ಪರಿಷದೆ ತರ್ಫೆನ್ ಫಿರ್ಗಜೆಂತ್ಲ್ಯಾ ಪ್ರತಿಭಾನ್ವಿತ್ ಧಾವಿ ಆನಿ ಪಿಯುಸಿಚ್ಯಾ 12 ಭುರ್ಗ್ಯಾಂಕ್ ಸನ್ಮಾನ್ ಕರ್ಚೆಂ ಕಾರ್ಯೆಂ, ತಶೆಂಚ್ ಸಾಂ. ರೀತಾ ಆಂಗ್ಲ ಮಾಧ್ಯಮ್ ಇಸ್ಕೊಲಾಕ್ ಧಾವ್ಯಾ ಕ್ಲಾಸಿಂತ್  ಸತತ್ 100% ಫಲಿಂತಾಂಶ್ ಲಾಭ್‌ಲ್ಲ್ಯಾಕ್ ತ್ಯಾ ಇಸ್ಕೊಲಾಚೆಂ  ಮುಖೆಲ್ಪಣ್ ಘೆತ್‌ಲ್ಲೆ ಮಾ|ಬಾ| ಸುನಿಲ್ ಪ್ರವೀಣ್ ಪಿಂಟೊ ತಶೆಂಚ್ ಸಹಕಾರ್ ದಿಲ್ಲ್ಯಾ ಸರ್ವ್ ಶಿಕ್ಷಕಾಂ ಥರ್ಪೆನ್ ಸಿ| ಮರೀನಾಕ್ ಶಾಲ್ ಘಾಲ್ನ್ ಸನ್ಮಾನ್ ಕೆಲೊ.

ಫಿರ್ಗಜ್ ವಿಗಾರ್ ಬಾಪ್ ಆನಿ ಸಯ್ರೆ ಯಾಜಕ್ ಬಾಪ್ ಎರಿಕ್ ಕ್ರಾಸ್ತಾ, ಫಿರ್ಗಜ್ ಉಪಾಧ್ಯಕ್ಷ್ ವಿಜಯ್ ಪಾಯ್ಸ್, ಕಾರ್ಯದರ್ಶಿ ತೋಮಸ್ ಮಸ್ಕರೇನಸ್, ಆಯೋಗ್ ಸಂಯೋಜಕ್ ಲೂವಿಸ್ ಮಸ್ಕರೇನಸ್ ಆನಿ ಕಥೊಲಿಕ್ ಸಭಾ ಅಧ್ಯಕ್ಷಿಣ್ ಜೆಸಿಂತಾ ಫೆರ್ನಾಂಡೀಸ್ ವೆದಿರ್ ಆಸೊನ್ ಸರ್ವ್ ಲೊಕಾಂಚ್ಯಾ ಹಾಜರ್ಪಣಾರ್ ಹೆಂ ಕಾರ್ಯೆಂ ಚಲವ್ನ್ ವೆಲೆಂ. ಐಸಿವೈಯಂ ಸಾಂದೊ ಮಾನೆಸ್ತ್ ದಿಲ್ರೋಯ್ ಮಸ್ಕರೇನಸಾನ್ ಕಾರ್ಯೆಂ ನಿರ್ವಹಣ್ ಕೆಲೆಂ. 

ತಶೆಂಚ್ ಫಿರ್ಗಜೆಚ್ಯಾ ಘರ್ ಬಾಂದ್ಚ್ಯಾ ಯೋಜನಾಕ್ ಆನಿ ಐಸಿವೈಯಂಚ್ಯಾ ತರ್ಭೆತಿ ಕಾರ್ಯಾಕ್ ಸಹಯಾರ್ಥ್ ಜಾವ್ನ್ ಅಸಾ ಕೆಲ್ಲ್ಯಾ ಲಕ್ಕೀ ಡೀಪಾಚೆಂ ಡ್ರಾ ಹ್ಯಾ ಸಂದರ್ಭರ್ ಕೆಲೆಂ. 

ಮಿಸಾ ಉಪ್ರಾಂತ್ ಸರ್ವ್ ಲೊಕಾಂಕ್  ಥಂಡ್ ಪೀವನ್ ಆನಿ ಫಳಾಹಾರ್ ವಾಂಟ್ಲೆಂ. ಸಬಾರಾನಿಂ ಎಕಾಮೆಕಾ ಫೆಸ್ತಾಚೆ ಶುಭಾಶಯ್ ಪಾಟವ್ನ್, ಫೆಸ್ತಾಚೊ ಸಂಭ್ರಮ್ ದೊಡ್ತೊ ಕೆಲೊ

Gallery :    https://photos.app.goo.gl/XT6p68mwzVJe2UPU6

Facebook : https://www.facebook.com/100064332001231/posts/930274655793593/?mibextid=rS40aB7S9Ucbxw6v