‎   ಜೆಜುಚ್ಯಾ ಜಲ್ಮಾಚ್ಯಾ ಜುಬ್ಲೆವ್ ವರ್ಸಾ ಭರ್ವಶ್ಯಾಚಿಂ ಯಾತ್ರಿಕಾಂ ಜಾವ್ನ್ ಪವಿತ್ರ್ ಅತ್ಮ್ಯಾ ಮುಖಾಂತ್ರ್ ಜಾಲ್ಲ್ಯಾ ಸರ್ವ್ ಬರೆಪಣಾ ಖಾತಿರ್  ಸಕಾಳಿಂ 7:00 ವರಾಂಚೆರ್ ಪವಿತ್ರ್ ಮಿಸಾಚೆಂ ಬಲಿದಾನ್ ಭೆಟಯ್ಲೆಂ. ಹ್ಯಾ ಮಿಸಾ ವೆಳಾರ್ ಪವಿತ್ರ್ ಅತ್ಮೊ ವಾಡ್ಯಾಗಾರಾಂನಿ ದೇವ್ ಸ್ತುತಿ ಚಲವ್ನ್ ವೆಲಿ. ಆನಿ ಸರ್ವ್ ವಾಡ್ಯಾಗಾರಾಂನಿ ಸಾಂಗಾತಾ ಮೆಳೊನ್ ಕಾಣಿಕೊ ಭೆಟವ್ನ್ ಪವಿತ್ರ್ ಮಿಸಾಚ್ಯಾ ಬಲಿದಾನಾಂತ್ ಭಕ್ತಿನ್ ವಾಂಟೊ ಘೆತ್ಲೊ. 

    ಫೆಸ್ತಾಚೊ ಸಂಭ್ರಮ್ ದೊಡ್ತೊ ಕರ್ಚ್ಯಾಕ್ ಸಾಂಜೆರ್ 6:00 ವರಾರ್ ಮಾನೆಸ್ತ್ ಜೋಸೆಫ್ ಮಸ್ಕರೇನಸಾಚ್ಯಾ ಘರಾ ಸಾಂಗಾತಾ ಮೆಳೊನ್ ಲ್ಹಾನಾಂಕ್, ವ್ಹಡಾಂಕ್, ಸ್ತ್ರೀಯಾಂಕ್, ದಾದ್ಲ್ಯಾಂಕ್ ಆನಿ ಧಾರ್ಮಿಕಾಂಕ್ ಮನೋರಂಜನ್ ಖೆಳ್ ಚಲವ್ನ್ ವೆಲೆ. 

7:00 ವರಾರ್ ವೆದಿ ಕಾರ್ಯಾಚಾ ಸುರ್ವೆರ್ ಪವಿತ್ರ್ ಪುಸ್ತಕಾಕ್ ಮಾನ್ ಕರ್ನ್ ಮಾಗ್ಣ್ಯಾ ವಿಧಿ ಚಲವ್ನ್ ವೆಲಿ. 

  ಸಂಭ್ರಮ್ ಕಾರ್ಯಾಚಾ ವೆದಿರ್ ಫಿರ್ಗಜೆಚ್ಯೆ ವಿಗಾರ್ ಬೊ|ಮಾ|ಬಾ|ಐವನ್ ಮೈಕಲ್ ರೊಡ್ರಿಗಸ್, ಸಾಂ.ರೀತಾ ಆಂಗ್ಲ್ ಮಾಧ್ಯಮಾಚೊ ಮುಕೆಲ್ ಮೇಸ್ತ್ರಿ ಮಾ| ಬಾ| ಅಮಿತ್ ರೊಡ್ರಿಗಸ್, ಸಾಂ ರೀತಾ ಕನ್ನಡ್ ಮಾಧ್ಯಮ್ ಇಸ್ಕೊಲಾಚಿ ಮುಕೆಲ್ ಮೆಸ್ತ್ರೀಣ್ ಸಿ| ಜಾನೆಟ್, ಉಪಾಧ್ಯಕ್ಷ್ ಮಾನೆಸ್ತ್ ವಿಜಯ್ ಪಾಯ್ಸ್ , ಕಾರ್ಯದರ್ಶಿ ಶ್ರೀಮತಿ ಶ್ವೇತಾ ಪಾಯ್ಸ್ , ಲ್ಹಾನ್  ಕ್ರೀಸ್ತಾಂವ್ ಸಮುದಾಯ್ ಸಂಚಾಲಕ್ ಮಾನೆಸ್ತ್ ಫ್ರಾನ್ಸಿಸ್ ಮಸ್ಕರೇನಸ್ , 12 ವಾಡ್ಯಾಚೆ ಗುರ್ಕಾರ್ ಹಾಜರ್ ಆಸ್‌ಲ್ಲೆ.

 ವಾಡ್ಯಾಂತ್ಲ್ಯಾ ಭುರ್ಗ್ಯಾಂನಿ ಸ್ವಾಗತ್ ನೃತ್ಯಾ ಮುಖಾಂತ್ರ್ ಮಾನಾಚಾ ಸಯ್ರ್ಯಾಂಕ್ ಅನಿ ಸರ್ವಾಂಕ್ ಸ್ವಾಗತ್ ಕೆಲೆಂ . 

ವಾಡ್ಯಾ ಕಾರ್ಯದರ್ಶಿ ಮಾನೆಸ್ತಿಣ್ ಪ್ರಿಯಾ ವೇಗಸಾನ್ ವಾರ್ಷಿಕ್ ವರ್ದಿ ಮಂಡನ್ ಕೆಲಿ. 

ಉಪ್ರಾಂತ್ ಖೆಳಾಂತ್ ಜಿಕ್ಲೆಲ್ಯಾಂಕ್ ಇನಾಮಾ ವಾಂಟ್ಲಿ. ವಾಡ್ಯಾಂತ್ಲ್ಯಾ ಸರ್ವ್ ಪ್ರಾಯ್ವಂತಾಂಕ್ ಮಾನ್ ಕೆಲೊ.  

ತಶೆಂಚ್ ಧಾವಿ ಆನಿ ಪಿಯುಸಿ  ಅಂತಿಮ್ ಪರೀಕ್ಷೆಂತ್ ಬರೆ ಅಂಕ್  ಆಪ್ಣಾಯಿಲ್ಲ್ಯಾ ಭುರ್ಗ್ಯಾಂಕ್ ವಿಗಾರ್ ಬಾಪಾನಿಂ ಸನ್ಮಾನ್ ಕೆಲೊ. ವಿಗಾರ್ ಬಾಪಾನಿಂ ಆಪ್ಲ್ಯಾ ಸಂದೇಶಾಂತ್ ವಾಡ್ಯಾಗಾರಾಂಚ್ಯಾ ಮಿನತೆಕ್ ಶಾಭಸ್ಕಿ ಪಾಠಯ್ಲಿ. 

ಫಿರ್ಗಜೆಂತ್ ಆನಿ ವಾಡ್ಯಾಂತ್ ಕಶಿ ಸೆವಾ ಕರ್ನ್ ಆಮ್ಚೊ ಎಕ್ವಟ್ ದಾಕೊವ್ಯೆತ್  ಮ್ಹಳ್ಳೊ ಸಂದೇಶ್ ದಿಲೊ. 

  ಬಾ| ಅಮಿತ್ ಹಾಣಿಂ ವಾಡ್ಯಾ ಗಾರಾಂಚೊ ಎಕ್ವಟ್ ಹಾಂಗಸರ್ ದಿಸೊನ್ ಯೆತಾ ಮ್ಹಣ್ ಶಾಭಸ್ಕಿ ಪಾಠಯ್ಲಿ.   ಮಾನೆಸ್ತ್ ಫ್ರಾನ್ಸಿಸ್ ಮಸ್ಕರೇನಸಾನ್ ಫೆಸ್ತಾಚ್ಯೆ ಶುಭಾಶಯ್ ಪಾಠವ್ನ್  ವಾಡ್ಯಾ ಜಮಾತೆ ವರ್ವಿ ಕಿತೆಂ ಬರೆಪಣ್ ಲಾಬ್ತಾ ಮ್ಹಣ್ ಅನ್ಬೋಗ್ ಉಚಾರ್ಲೊ.

 ವಾಡ್ಯಾಚಿ ಗುರ್ಕಾರ್ನ್ ಶ್ರೀಮತಿ ಜಾನೆಟ್ ಲೋಬೊನ್ ಸರ್ವ್ ಸಯ್ರ್ಯಾಂಕ್ ಸ್ವಾಗತ್ ಕೆಲೊ.

 ವಾಡ್ಯಾ ಪ್ರತಿನಿಧಿ ಶ್ರೀಮತಿ ಲೆತಿಶೀಯಾ ಲೋಬೊನ್ ಸಹಕಾರ್ ದಿಲ್ಲ್ಯಾ ಸರ್ವಾಂಕ್ ಧನ್ಯವಾದ್ ಪಾಠಯ್ಲೆಂ. ಮೆಲ್‌ಸ್ಟನ್ ವೇಗಸ್ ಆನಿ ಅವಿಲ್ ರೊಡ್ರಿಗಸ್ ಹಾಣಿಂ  ಕಾರ್ಯೆಂ ಚಲವ್ನ್ ವೆಲೆಂ.

     ಅಶೆಂ ಸರ್ವಾಂಚ್ಯಾ ಸಹಕಾರಾನ್  ವಾಡ್ಯಾ ಫೆಸ್ತ್ ಭೋವ್ ಅರ್ಥಾಭರಿತ್ ರೀತಿನ್ ಆಚರಣ್ ಕೆಲೆಂ. ಫೆಸ್ತಾಚೊ ಸಂಭ್ರಮ್ ದೊಡ್ತೊ ಕರ್ಚ್ಯಾಕ್ ವಾಡ್ಯಾಗಾರಾಂನಿ ಸಾಂಗಾತಾ ಮೆಳೊನ್ ಜೆವಾಣ್ ಆಸಾ ಕೆಲ್ಲೆಂ  

Photo Gallery's:  👉🏻 https://drive.google.com/drive/folders/1az-vpxj70WBaAIgnjmFI_b55cZT36yx9?usp=sharing