ದಿನಾಂಕ್ 24-05-2026 ವೆರ್ ಪವಿತ್ರ್ ಅತ್ಮೊ ವಾಡ್ಯಾಗಾರಾಂನಿ ವಾಡ್ಯಾ-  ಫೆಸ್ತ್ ಆಚರಣ್ ಕೆಲೆ. ಫೆಸ್ತಾಚ್ಯಾ ಸಂಭ್ರಮಾಚ್ಯಾ ವೆದಿ ಕಾರ್ಯಾಚೆಂ ಅಧ್ಯಕ್ಷ್ ಪಣ್ ಘೆವ್ನ್ 'ಎಕಾ ಮ್ಹನಾಚಿ ಆನಿ ಎಕಾ ಕಾಳ್ಜಾಚಿ ಜಾವ್ನ್ ದೆವಾಚಾ ಮೊಗಾಚಿ ಭಾಸ್ ಆಮ್ಚ್ಯಾ ವಾಡ್ಯಾಂತ್ ಜಿಯೆಂವ್ಕ್ ಜಾಯ್' ಮ್ಹಣ್ ಸಂದೇಶ್ ದಿಲೊ ಆನಿ ವಾಡ್ಯಾಗಾರಾಂಚ್ಯಾ ಮಿನತೆಕ್ ಶಾಭಸ್ಕಿ ಪಾಠವ್ನ್  ಫೆಸ್ತಾಚೆ ಶುಭಾಶಯ್ ಪಾಠವ್ನ್ ಬೊರೆಂ ಮಾಗ್ಲೆಂ.

      ಸಕಾಳಿಂ 7:00 ವರಾರ್ ಪವಿತ್ರ್ ಅತ್ಮ್ಯಾ ಮುಖಾಂತ್ರ್ ಜಾಲ್ಲ್ಯಾ ಸರ್ವ್ ಬರೆಪಣಾ ಖಾತಿರ್  ಪವಿತ್ರ್ ಮಿಸಾಚೆಂ ಬಲಿದಾನ್ ಭೆಟಯ್ಲೆಂ.  ಸರ್ವ್ ವಾಡ್ಯಾಗಾರಾಂನಿ ಸಾಂಗಾತಾ ಮೆಳೊನ್ ದೇವ್ ಸ್ತುತಿ ಚಲವ್ನ್, ಕಾಣಿಕೊ ಭೆಟವ್ನ್ ಪವಿತ್ರ್ ಮಿಸಾಚ್ಯಾ ಬಲಿದಾನಾಂತ್ ಭಕ್ತಿನ್ ವಾಂಟೊ ಘೆತ್ಲೊ.

     ಸಾಂಜೆರ್ 6:00 ವರಾರ್ ಮಾನೆಸ್ತ್ ಆ್ಯಂಟನಿ ಲೆತೀಶಾ ಲೋಬೊ ಹಾಂಚಾ ಘರಾ ಸಾಂಗಾತಾ ಮೆಳೊನ್ ಲ್ಹಾನಾಂಕ್, ವ್ಹಡಾಂಕ್, ಸ್ತ್ರೀಯಾಂಕ್ ಆನಿ ದಾದ್ಲ್ಯಾಂಕ್  ಮನೋರಂಜನ್ ಖೆಳ್ ಅವಿಲ್ ಲೋಬೊ ಆನಿ ಡೀನಾ ಹಾಣಿಂ ಚಲವ್ನ್ ವೆಲೆ.

      7:00 ವರಾರ್ ವೆದಿ ಕಾರ್ಯಾಚಾ ಸುರ್ವೆರ್ ಪವಿತ್ರ್ ಪುಸ್ತಕಾಕ್ ಮಾನ್ ಕರ್ನ್ ಮಾಗ್ಣ್ಯಾ ವಿಧಿ ಚಲವ್ನ್ ವೆಲಿ.

     ಬಾ| ಅಮಿತ್ ಹಾಣಿಂ ವಾಡ್ಯಾ ಗಾರಾಂಚೊ ಎಕ್ವಟ್ ಹಾಂಗಸರ್ ದಿಸೊನ್ ಯೆತಾ ಮ್ಹಣ್ ಶಾಭಸ್ಕಿ ಪಾಠಯ್ಲಿ. ಬಾ| ವಿಜಯ್ ಹಾಣಿಂ ಸರ್ವ್ ವಾಡ್ಯಾಗಾರಾಂಕ್ ಫೆಸ್ತಾಚೆ ಶುಭಾಶಯ್ ಪಾಠವ್ನ್ ಬೊರೆಂ ಮಾಗ್ಲೆಂ. ಮುಳಾವೊ ಕ್ರೀಸ್ತಾಂವ್ ಸಮುದಾಯ್ ಸಂಚಾಲಕ್ ಮಾನೆಸ್ತ್ ವೆಲಂಟೈನ್ ಪಿಂಟೊ  ಹಾಣಿಂ ಫೆಸ್ತಾಚ್ಯೆ ಶುಭಾಶಯ್ ಪಾಠಯ್ಲೆಂ. ಫಿರ್ಗಜ್ ಉಪಾಧ್ಯಕ್ಷ್ ಮಾನೆಸ್ತ್ ವಲೇರಿಯನ್ ವೇಗಸಾನ್ ವಾಡ್ಯಾಗಾರಾನಿಂ ಫಿರ್ಗಜೆಂತ್ ದಿಂವ್ಚ್ಯಾ ಸೆವೆಕ್,  ಸಹಾಕಾರಾಕ್ ಉಪ್ಕಾರ್ ಬಾವುಡ್ನ್ ಫೆಸ್ತಾಚೆ ಶುಭಾಶಯ್ ಪಾಠಯ್ಲೆ.

     ವೆದಿ ಕಾರ್ಯಾಂತ್, ಸಿ. ಲೀಡಿಯಾ ಮಿರಾಂದಾ, ಕಾರ್ಯದರ್ಶಿ ಶ್ರೀಮತಿ  ಶಾಲೆಟ್ ಪಾಯ್ಸ್ , ಆಯೋಗ್ ಸಂಯೋಜಕಿ ಶ್ರೀಮತಿ ಜೆಸಿಂತಾ ಫೆರ್ನಾಂಡಿಸ್,  ವಾಡ್ಯಾ ಗುರ್ಕಾರ್ನ್ ಲೆತೀಶಾ ಲೋಬೊ, ಪ್ರತಿನಿಧಿ ಪ್ರಿಯಾ ವೇಗಸ್ ಆನಿ ಆಲ್ಬರ್ಟ್ ಡಿಸೋಜ, ಹಾಜರ್ ಆಸ್‌ಲ್ಲೆ.

     ವಾಡ್ಯಾಗಾರಾಂ ಸಾಂಗಾತಾ 11 ವಾಡ್ಯಾಂಚೆ ಗುರ್ಕಾರ್, ಸಂಘ್ ಸಂಸ್ಥ್ಯಾಚೆ ಅಧ್ಯಕ್ಷ್ ಹಾಜರ್ ಆಸ್‌ಲ್ಲೆ. ವಾಡ್ಯಾಂತ್ಲ್ಯಾ ಭುರ್ಗ್ಯಾಂನಿ ಸ್ವಾಗತ್ ನೃತ್ಯಾ ಮುಖಾಂತ್ರ್ ಮಾನಾಚಾ ಸಯ್ರ್ಯಾಂಕ್ ಅನಿ ಸರ್ವಾಂಕ್ ಸ್ವಾಗತ್ ಕೆಲೆಂ . 

ವಾಡ್ಯಾ ಕಾರ್ಯದರ್ಶಿ ಮಾನೆಸ್ತಿಣ್ ಮರ್ಲಿನ್ ವೇಗಸಾನ್ ವಾರ್ಷಿಕ್ ವರ್ದಿ ಮಂಡನ್ ಕೆಲಿ.

     ವಾಡ್ಯಾಂತ್ಲ್ಯಾ ಲ್ಹಾನಾನಿಂ, ಯುವಜಣಾನಿಂ ಆನಿ ಸ್ತ್ರಿಯಾನಿಂ ನಾಚ್ ಸಾದಾರ್ ಕರ್ನ್ ಸರ್ವಾಂಚಿ ಮನಾಂ ಖುಶಾಲ್ ಕೆಲಿಂ. ಉಪ್ರಾಂತ್ ಖೆಳಾಂತ್ ಜಿಕ್ಲೆಲ್ಯಾಂಕ್ ಇನಾಮಾ ವಾಂಟ್ಲಿ.

      ವಾಡ್ಯಾಚಿ ಗುರ್ಕಾರ್ನ್ ಶ್ರೀಮತಿ ಲೆತೀಶಾ ಲೋಬೊನ್ ಸರ್ವ್ ಸಯ್ರ್ಯಾಂಕ್ ಸ್ವಾಗತ್ ಕೆಲೊ. ಶ್ರೀಮತಿ ಲೀನಾ ವೇಗಾಸಾನ್ ಸಹಕಾರ್ ದಿಲ್ಲ್ಯಾ ಸರ್ವಾಂಕ್ ಧನ್ಯವಾದ್ ಪಾಠಯ್ಲೆಂ. ಜಾನೆಟ್ ಲೋಬೊ ಆನಿ ಎವಿಟಾ ಲೋಬೊ  ಹಾಣಿಂ ಕಾರ್ಯೆಂ ಚಲವ್ನ್ ವೆಲೆಂ.

      ಫೆಸ್ತಾಚೊ ಸಂಭ್ರಮ್ ದೊಡ್ತೊ ಕರ್ಚ್ಯಾಕ್ ಮಾನೆಸ್ತ್ ಆ್ಯಂಟನಿ ಲತೀಶಾ ಲೋಬೊ ಹಾಣಿಂ ಜೆವಾಣ್ ಆಸಾ ಕೆಲ್ಲೆಂ. ಜೆವ್ಣಾ ಸವೆಂ ಕಾರ್ಯೆಂ ಆಖೇರ್ ಕೆಲೆಂ. ಅಶೆಂ ಸರ್ವಾಂಚ್ಯಾ ಸಹಕಾರಾನ್ ವಾಡ್ಯಾ ಫೆಸ್ತ್ ಸಂಭ್ರಮಾನ್ ಆನಿ ಭೋವ್ ಅರ್ಥಾಭರಿತ್ ರೀತಿನ್ ಆಚರಣ್ ಕೆಲೆಂ.

Photo Gallery's:  👉🏻 https://photos.app.goo.gl/mDUWhYj9TiAVTnnb8