ನಿಮಾಣೊ ಬ್ರೆಸ್ತಾರ್ 

       ದಿನಾಂಕ್ 02-04-2026 ಸಾಂಜೆರ್ 6:00 ವರಾರ್ ಸೊಮ್ಯಾಚ್ಯಾ ನಿಮಾಣ್ಯಾ ಜೆವ್ಣಾಚೊ ಸಂಭ್ರಮ್ ಜಾವ್ನ್ ನಿಮಾಣ್ಯಾ ಬ್ರೆಸ್ತಾರಾಚಿ ಸೆರೆಮನಿ ಮಾ|ಬಾ| ಅಮಿತ್ ರೊಡ್ರಿಗಸ್ ಹಾಣಿಂ ಚಲೊವ್ನ್ ವೆಲಿ. 

     ಸೆವೆಚೊ ಗುರ್ತ್ ಜಾವ್ನ್ ನಮಿಯಾರ್‌ಲ್ಲ್ಯಾ ಬಾರಾ ಜಣಾಂಚೆ ಪಾಯ್ ದುಲೆ,  ಏವ್ಕರಿಸ್ತಾಚೊ ಸಂಭ್ರಮ್ ವ್ಹಡ್ ಅರ್ಥಾಭರಿತ್ ರೀತಿನ್ ಭೆಟಯ್ಲೊ.

     ಏಕ್ ವರ್ ವಿಗಾರ್ ಬಾಪಾನಿo ಲೊಕಾಸವೆಂ, ಜೆಜು ಸಾಂಗಾತಾ ವ್ಹಡ್ ಭಕ್ತಿಪಣಾನ್ ಮಾಗ್ಣ್ಯಾ, ಅರಾಧಾನಾಂತ್ ಖರ್ಚಿಲೊ.

 ನಿಮಾಣೊ ಸುಕ್ರಾರ್

      ದಿನಾಂಕ್ 03-04-2026 ಸುಕ್ರಾರಾ ಸಾಂಜೆರ್ 4:00 ವರಾರ್ ಜೆಜುಚಾ ಕಷ್ಠಾಂಚಾ ಪಾಶಾಂವಾಚಿ ಸೆರೆಮನಿ ಮಾ|ಬಾ| ರೋಹನ್ ಡಾಯಸ್ ಹಾಣಿಂ ಪ್ರಧಾನ್ ಯಾಜಕ್ ಜಾವ್ನ್ ಚಲೊವ್ನ್ ವೆಲಿ.

     "ಕಷ್ಠಾವಿಣೆಂ ಜಯ್ತ್ ನಾ, ಕಷ್ಠ್  ಫುಡ್ ಕರ್ನ್ ಜಯ್ತಾಚೆಂ ಮೇಟ್ ಕಾಡುಂಕ್ ಜೆಜುಚ್ ಅಮ್ಕಾಂ ಪ್ರೇರಣ್" ಮ್ಹಳ್ಳೊ ಸಂದೇಶ್ ದಿಲೊ.

     ಖುರ್ಸಾಚೆಂ ಆರಾಧನ್ ಕರ್ನ್, ಖುರ್ಸಾಚೊ ಉಮೊ ಘೆವ್ನ್, ಖುರ್ಸಾಚೆ ಭಜನ್ ಕೆಲೆಂ. ನಿಮಾಣೆಂ ಜೆಜುಚಾ ಪವಿತ್ರ್ ಕುಡಿರ್ ದೀಷ್ಟ್ ಘಾಲಿ.

ಆಲ್ಲೆಲೂಯಾಚೊ ಸನ್ವಾರ್

      ದಿನಾಂಕ್ 04-04-2026 ಸಾಂಜೆರ್ 7:00 ವರಾರ್ ಪ್ರಧಾನ್ ಯಾಜಕ್ ಮಾ|ಬಾ| ಅಮಿತ್ ರೊಡ್ರಿಗಸ್ ಹಾಣಿಂ ಪಾಸ್ಕಾಂಚಿ ಜಾಗ್ರಾಣಾಚೊ ಸಂಭ್ರಮ್ ಸುರ್ವಾತ್ಲೆಂ.

     ನವೊ ಉಜೊ ಬೆoಜಾರ್ ಕರ್ನ್ ಬೆಂಜಾರ್ ಕೆಲ್ಲ್ಯಾ ಉಜ್ಯಾಂತ್ ಜಳಯ್‌ಲ್ಲಿ ವಾತ್ ಘೆವ್ನ್ ಯಾಜಾಕ್ ಬಾಪ್ ಲೊಕಾಸವೆಂ ಪುರ್ಶಾಂವಾರ್, ಸೊಮಿಯಾಚಾ ಜಿವಂತ್ಪಣಾಚೊ ಉಜ್ವಾಡ್ ದೇವ್ ಪರ್ಜೆಕ್ ವಾಂಟ್ಲೊ. ಯಾಜಕ್ ಬಾಪಾನಿಂ ಸುತ್ತಿಗಾಯಾನಾನಿಂ ಸೊಮಿಯಾಕ್ ಅರ್ಗಾಂ - ಸ್ತುತಿ ಪಾಠಾಯ್ಲಿಂ.

      ಜೆಜುಚಾ ಜಿವಂತ್ಪಣಾಚೊ ಗುರ್ತ್ ಜಾವ್ನ್ ಅಲ್ತಾರಿಚಾ ಬಗ್ಲೆನ್ ತಯಾರ್ ಕೆಲ್ಲ್ಯಾ ಜೆಜುಚಾ ಜಿವಂತ್ಪಣಾಚಿ ಇಮಾಜ್ ಯಾಜಕ್ ಬಾಪಾನಿಂ ಉಗ್ತಿ ಕರ್ನ್ ಆಶಿರ್ವಾಚನ್ ಕೆಲೆಂ.

     " ಸೊಮಿಯಾಚಾ ದೀಗ್- ಸೊಸ್ಣಿಕಾಯ್,ಖಾಲ್ತೆಪಣ್ ವರ್ವಿಂ ಸೊಮಿ ಜಯ್ತೆವಂತ್ ಜಾಲೊ" ಮ್ಹಳ್ಳೊ ಸಂದೇಶ್ ದೆವಾಚಾ ಉತ್ರಾಂ ವಯ್ರ್ ಬಾಪ್ ಐವನ್ ಹಾಣಿಂ ದಿಲೊ.

      ನವೆಂ ಉದಕ್ ಬೆಂಜಾರ್ ಕರ್ನ್ ಸರ್ವ್ ದೇವ್ ಪರ್ಜೆಚೆರ್ ಯಾಜಕ್ ಬಾಪಾನಿಂ ಶಿಂಪ್ಡಾವ್ನ್ ಆಶಿರ್ವಚನ್ ಕೆಲೆಂ.      

      ಎವ್ಕರಿಸ್ತಾಂತ್ ಸೊಮಿಯಾಕ್ ಅರ್ಗಾಂ ಬಲಿದಾನ್ ಭೆಟೊವ್ನ್ ಭಕ್ತಿನ್ ಜೆಜುಕ್ ಸೆವ್ನ್, ಜಿವಂತ್ ಜೆಜುಚೆಂ ಬೆಸಾಂವ್ ಘೆವ್ನ್ ಸಂಭ್ರಮಿಕ್ ಮಿಸಾಚೆಂ ಬಲಿದಾನ್ ಸಂಪಯ್ಲೆಂ.

     ಮಿಸಾ ಉಪ್ರಾಂತ್ ಫೆಸ್ತಾಚೊ ಸಂಭ್ರಮ್ ದೊಡ್ತೊ ಕರುಂಕ್ ಫ್ಹಳಾರ್ ಆಸಾ ಕೆಲ್ಲೊ, ಎಕಾಮೆಕಾ ಫೆಸ್ತಾಚೊ ಸಂಭ್ರಮ್ ವಾಂಟುನ್ ಘೆವ್ನ್ ವ್ಹಡ್ ಸಂತೊಸಾನ್ ಪಾಸ್ಕಾಂ ಫೆಸ್ತ್ ಸಂಭ್ರಮ್ಲೆಂ.

Photo Gallery's:  👉🏻 https://photos.app.goo.gl/mbTzg18htBeK8BGR6

👉🏻https://photos.app.goo.gl/HNBdwcyxcksPGvrh6

👉🏻https://photos.app.goo.gl/DJ3T8GhY9KNo3ij48

👉🏻https://photos.app.goo.gl/Ax35PrGCxQtiSW3W7

👉🏻 https://photos.app.goo.gl/LQhD3CsqCEAap4Xb7