ಪ್ರಶಾಂತ್ ಸಾಂಜೆಚಾ ವೆಳಾರ್, ಭೋವ್ ಅಪುರ್ಬಾಯೆನ್ ದಿವ್ಯಾಂಚಾ ಉಜ್ವಾಡಾನ್ ಪರ್ಜಳ್ಚ್ಯಾ ಸಭಾಸಾಲಾಂತ್, ಸರ್ವ್ ಯುವಜಣಾಂ ತಶೆಂಚ್ ಫಿರ್ಗಜ್ಗಾರಾಂಚಾ ಹಾಜರ್ಪೊಣಾನ್ ಭಕ್ತೀನ್ ತೈಝೆ ಮಾಗ್ಣ್ಯಾವಿಧಿ  ಆರಂಭ್ ಕೆಲಿ. ಮಾಗ್ಣ್ಯಾಚಾ ಸುರ್ವೆರ್ ಸಾಂ. ಜುಜೆ ಸೆಮಿನರಿ ಜೆಪ್ಪು ಹಾಚೆ ಆತ್ಮಿಕ್ ನಿರ್ದೇಶಕ್ ಬಾ| ಹೆರಿ ಡಿಸೋಜಾನ್  ಪಯ್ಲೆಂ ಪಾವ್ಟಿಂ ಫ್ರಾನ್ಸಾಂತ್ ಸುರು ಜಾಲ್ಲ್ಯಾ ತೈಝೆ ಮಾಗ್ಣ್ಯಾ ವಿಶಿಂ ವಿವರಣ್ ದಿಲೆಂ. ಆನಿ ಬೋವ್ ಭಕ್ತಿಪಣಾನ್  ಕಾಳ್ಜಾಚಾ ಗೂಂಡಾಯೆಕ್ ಅಟಾಪ್ಚೆಂ ಪರಿ ತೈಝೆ ಮಾಗ್ಣೆಂ ಚಲವ್ನ್ ವ್ಹೆಲೆಂ.

     ಫಿರ್ಗಜ್ ಗಾಯಾನ್ ಪಂಗಡ್ ತಶೆಂಚ್ ಐ.ಸಿ.ವೈ.ಎಮ್. ಸಾಂದ್ಯಾಂನಿ ಭಕ್ತೀಕ್ ಗಿತಾಂ ಗಾವ್ನ್ ಮಾಗ್ಣ್ಯಾಕ್ ಸಹಕಾರ್ ದಿಲೊ.

     ದಿರೆಕ್ತೊರ್ ಮಾ| ಬಾಪ್ ಅಮಿತ್ ರೊಡ್ರಿಗಸ್ ಹಾಣಿಂ ಸರ್ವಾಂಚೊ ಉಪ್ಕಾರ್ ಬಾವುಡ್ಲೊ. ತೈಝೆ ಮಾಗ್ಣ್ಯಾ ವಿಧಿಂತ್ ಸಬಾರ್ ಫಿರ್ಗಜ್ಗಾರಾಂನಿಂ  ತಶೆಂಚ್ ಯುವಜಣಾನಿಂ ಭಾಗ್ ಘೆವ್ನ್ ಯಶಸ್ವಿ ಕೆಲೆಂ.

 Photo Gallery's:  👉🏻 https://photos.app.goo.gl/9S3ZmDTyPu3MzmGp6