ವಾಡ್ಯಾಗಾರ್ ಮಾನೆಸ್ತ್ ಲೋರೆನ್ಸ್ ಸಿಕ್ವೇರಾಚ್ಯಾ ಘರಾ ಫೆಸ್ತಾಚೊ ಸಂಭ್ರಮ್ ಚಲವ್ನ್ ವೆಲೊ. ಫಿರ್ಗಜ್ ವಿಗಾರ್ ಬೊ| ಮಾ|ಐವನ್ ಮೈಕಲ್ ರೊಡ್ರೀಗಸ್ ಬಾಪಾನಿಂ ಫೆಸ್ತಾಚ್ಯಾ ವೆದಿಕಾರ್ಯಾಚೆಂ ಅಧ್ಯಕ್ಷ್‌ಪಣ್ ಘೆವ್ನ್ ವಾಡ್ಯಾಗಾರಾಂಕ್ ಫೆಸ್ತಾಚೆ ಶುಭಾಶಯ್ ಪಾಟಾಯ್ಲೆಂ. ತಶೆಂಚ್ ಗುರ್ಕಾರಾಚ್ಯಾ ವಾವ್ರಾಕ್ ಶಾಬಾಸ್ಕಿ ಪಾಟಯ್ಲಿ.

  ಸಾಂಜೆರ್ 5:30 ವರಾರ್  ಬಾಳೊಕ್ ಮರ್ಯೆಚ್ಯಾ ಗ್ರೊಟ್ಟ್ಯಾಂತ್ ಮಿಸಾಚೆಂ ಬಲಿದಾನ್ ಭೆಟಯ್ಲೆಂ.  ವಾಡ್ಯಾಗಾರಾಂ ಸಾಂಗಾತಾ ಫಿರ್ಗಜೆಚ್ಯಾ ಸರ್ವ್ ವಾಡ್ಯಾಚೆ ಗುರ್ಕಾರ್, ಆನಿಂ ಸಯ್ರ್ರ್ಯಾನಿಂ ಸಂಭ್ರಮಿಕ್ ಮೀಸಾಚಾ  ಬಲಿದಾನಾಂತ್ ವಾಂಟೊ ಘೆತ್ಲೊ.

     ಸಂಭ್ರಮ್ ಕಾರ್ಯಾಚ್ಯಾ ಸುರ್ವೆರ್ ವಾಂಜೆಲಾಕ್ ಮಾನ್ ಕರ್ನ್, ಮಾಗ್ಣ್ಯಾ ವಿಧಿ  ಚಲವ್ನ್ ವ್ಹೆಲಿ. ವಾಡ್ಯಾಚೊ ಗುರ್ಕಾರ್  ಶ್ರೀ  ಮನೋಹರ್ ಲ್ಯಾನ್ಸಿ ಡಿಸೋಜನ್ ಪ್ರಾಸ್ತಾವಿಕ್ ಉತ್ರಾಂ ಉಲೊವ್ನ್ ಸರ್ವಾಂಕ್ ಸ್ವಾಗತ್ ಕೆಲೆಂ. ಫೆಸ್ತ್ ಸಂಭ್ರಮ್ ಕಾರ್ಯಾಚ್ಯಾ ವೆದಿರ್ ಫಿರ್ಗಜ್ ವಿಗಾರ್ ಬೊ| ಮಾ| ಬಾ| ಐವನ್ ಮೈಕಲ್ ರೊಡ್ರೀಗಸ್, ಗೊವ್ಳಿಕ್ ಪರಿಷದೆಚೊ ಉಪಾಧ್ಯಕ್ಷ್ ವಿಜಯ್ ಪಾಯ್ಸ್, ಕಾರ್ಯದರ್ಶಿ ತೋಮಸ್ ಮಸ್ಕರೇನಸ್, ಲ್ಹಾನ್ ಕ್ರೀಸ್ತಾಂವ್ ಸಮುದಾಯ್ ಸಂಚಾಲಕ್ ಮಾನೆಸ್ತ್ ಪ್ರಾನ್ಸಿಸ್ ಮಸ್ಕರೇನಸ್, ಬಾಳೊಕ್ ಮರಿ ವಾಡ್ಯಾ ಗುರ್ಕಾರ್ ಶ್ರೀ ಮನೋಹರ್ ಲ್ಯಾನ್ಸಿ ಡಿಸೋಜ , ಸಿ| ಮರಿನಾ ಹಾಜರ್ ಆಸ್‌ಲ್ಲಿಂ. ತಶೆಂಚ್ ವಾಡ್ಯಾಗಾರಾಂ ಸಾಂಗಾತಾ 08 ವಾಡ್ಯಾಂಚಿ ಗುರ್ಕಾರ್ ಆನಿ ಕೊವೆಂತಾಂತ್ಲಿ ಧರ್ಮ್‌ಭಯ್ಣಿಂ ಹಾಜರ್ ಆಸ್‌ಲ್ಲಿಂ.

  ವಾಡ್ಯಾಚಿ ಕಾರ್ಯದರ್ಶಿ ಶ್ರೀಮತಿ  ಲೀಡಿಯಾ ಸಿಕ್ವೇರಾನ್ ವಾಡ್ಯಾಚ್ಯಾ ಚಟುವಟಿಕೆಂಚಿ ವರ್ದಿ ಮಂಡನ್ ಕೆಲಿ.

    ತಶೆಂಚ್ ಕಾರ್ಯಾಚಾ ಮದೆಂ‌ ಪ್ರತಿಭಾನ್ವಿತ್ ಭುರ್ಗ್ಯಾಂಕ್ ಆನಿ  ಗ್ಯಾರೇಜ್ ಮಾಲಕ್ ಸಂಘಚೊ ಅಧ್ಯಕ್ಷ್  ಲಿಯೋ ಲಸ್ರಾದೊಕ್ ಮಾನ್ ಕೆಲೊ. ಆನಿ ವಾಡ್ಯಾಗಾರಾಂ ತರ್ಪೆನ್ ಫಿರ್ಗಜೆಂತ್ ಉಪಾಧ್ಯಕ್ಷ್ ಜಾವ್ನ್ ತಶೆಂಚ್ ವಾಡ್ಯಾಂತ್  ಪಾಂಚ್  ವರ್ಸಾಂ ಗುರ್ಕಾರ್ ಜಾವ್ನ್ ಸೆವಾ ದಿಲ್ಲ್ಯಾ ಶ್ರೀ ಮನೋಹರ್ ಲ್ಯಾನ್ಸಿ ಡಿಸೋಜಾಕ್ ಮಾನ್ ಕೆಲೊ . 

 ಉಪಾಧ್ಯಕ್ಷ್ ವಿಜಯ್ ಪಾಯ್ಸಾನ್ ವಾಡ್ಯಾಗಾರಾಂಕ್ ಫೆಸ್ತಾಚೆ ಶುಭಾಶಯ್ ಪಾಟಾಯ್ಲೆಂ.  ಆನಿ ಯಾಜಕ್ ಬಾಪಾಂಚ್ಯಾ  ಜುಬ್ಲೆವಾ ಸಂದರ್ಭಿಂ ಏಕಾ ಘರಾಚೆಂ ದುರಸ್ತಿ ಆನಿ ಅನ್ಯೇಕ್ ನವೆಂ ಘರ್ ಬಾಂದ್ಚೆಂ ಯೋಜನ್ ಹಾತಿಂ ಘೆತ್ಲಾಂ ತಾಕಾ ವಾಡ್ಯಾಗಾರಾಂ ಥಾವ್ನ್ ಸಹಕಾರ್ ಮಾಗ್ಲೊ. 

ಕಾರ್ಯದರ್ಶಿ ಶ್ರೀ ತೋಮಸ್ ಮಸ್ಕರೇನಸಾನ್ ಏಕ್ ಲ್ಹಾನ್ ಕಾಣಿಯೆ ದ್ವಾರಿಂ, ವಾಡ್ಯಾಗಾರಾಂಕ್ ಫೆಸ್ತಾಚೆ ಶುಭಾಶಯ್ ಪಾಟಾಯ್ಲೆಂ.  ಲ್ಹಾನ್ ಕ್ರೀಸ್ತಾಂವ್ ಸಮುದಾಯ್ ಸಂಚಾಲಕ್ ಮಾನೆಸ್ತ್ ಪ್ರಾನ್ಸಿಸ್ ಮಸ್ಕರೇನಸಾನ್ ಮರಿಯೆ ವಿಶ್ಯಾಂತ್ ವಿವರಣ್ ದಿಲೆಂ ಆನಿ ತೊಡಿ ಸವಾಲಾಂ ವಿಚಾರ್ನ್ ಸಾರ್ಕಿ ಜಾಪಿ ದಿಲ್ಲ್ಯಾಂಕ್ ಇನಾಮ್ ದಿಲೆಂ.

    ವಾಡ್ಯಾಗಾರಾನಿಂ ಗಿತಾಂ, ನಾಟ್ಕುಳ್ಯಾ ಮರಿಫಾತ್ ವಾಡ್ಯಾ ಫೆಸ್ತಾಚೊ ಸಂಭ್ರಮ್ ಚಡಯ್ಲೊ.

 ಅನೂಪ್ ಲಸ್ರಾದೊನ್ ತೊಡೆ ಲಕ್ಕಿ ಗೇಮ್ ಮಾಂಡುನ್ ಹಾಡ್ಲೆ.  ಲಕ್ಕಿ ಗೇಮಾಂತ್ ವಿಜೇತಾಂಕ್ ವಿಗಾರ್ ಬಾಪಾನಿಂ ಬಹುಮಾನ್ ವಿತರಣ್ ಕೆಲೆಂ.

 ವಾಡ್ಯಾಚೊ ಪ್ರತಿನಿಧಿ ಶ್ರೀ ಅನೂಪ್ ಲಸ್ರಾದೊನ್  ದನ್ಯವಾದ್ ಪಾಟಯ್ಲೆಂ, ಶರಲ್ ವಾಸಾನ್ ಕಾರ್ಯೆಂ ಚಲವ್ನ್ ವೆಲೆಂ.

     ವಾಡ್ಯಾಗಾರಾಂನಿ  ಸಂಭ್ರಮಾಚ್ಯಾ ಜೆವ್ಣಾನ್ ಫೆಸ್ತಾಚೊ ಸಂಭ್ರಮ್ ದೊಡ್ತೊ ಕೆಲೊ.

Photo Gallery:  👉🏻https://drive.google.com/drive/folders/1L73uOSJt-m_2jslNb8mzBRZ5Ms8xV_-Y?usp=sharing