ಅಕ್ಟೊಬರ್ 12/10/2025 ವೆರ್ ಆಯ್ತಾರಾ ಸಾಂಜೆರ್ ಬಾಳೊಕ್ ಮರ್ಯೆಚ್ಯಾ ಗ್ರೊಟ್ಟ್ಯಾಂತ್ ಪವಿತ್ರ್ ಮಿಸಾಚೆಂ ಬಲಿದಾನ್ ಭೆಟವ್ನ್  ಬಾಳೊಕ್ ಮರಿ ವಾಡ್ಯಾಗಾರಾನಿಂ ವಾಡ್ಯಾ ಫೆಸ್ತ್ ಆಚರಣ್ ಕೆಲೆಂ

     ಮಾನೆಸ್ತ್ ಲೋರೆನ್ಸ್ ಸಿಕ್ವೇರಾಚ್ಯಾ ಘರಾ ಫೆಸ್ತಾಚೊ ಸಂಭ್ರಮ್ ಚಲವ್ನ್ ವೆಲೊ. ಸಂಭ್ರಮ್ ಕಾರ್ಯಾಚ್ಯಾ ಸುರ್ವೆರ್ ಪವಿತ್ರ್ ಪುಸ್ತಾಕಾಕ್ ಮಾನ್ ಕೆಲೊ. ಆನಿ ಸರ್ವಾನಿಂ ಸಮುದಾಯೆಚೆಂ ಗೀತ್ ಗಾವ್ನ್ ವೆದಿಂ ಕಾರ್ಯೆಂ ಆರಂಭ್ ಕೆಲೆಂ

     ಸಂಭ್ರಮಾಚ್ಯಾ ವೆದಿ  ಕಾರ್ಯಾಚೆಂ ಆಧ್ಯಕ್ಷ್‌ಪಣ್ ಘೆವ್ನ್ ಫಿರ್ಗಜ್ ವಿಗಾರ್ ಬೊ|ಮಾ| ಐವನ್ ಮೈಕಲ್ ರೊಡ್ರೀಗಸ್ ಬಾಪಾನಿಂ  "ವಾಡೊ ಏಕ್ ವಿಸ್ತಾರ್ ಕುಟಾಮ್. ವಾಡೊ ಆಮ್ಕಾಂ ಆಮ್ಚಾ ಕುಟ್ಮಾಂ ಮದೆಂ ಆನಿ ಫಿರ್ಗಜ್ ಕುಟ್ಮಾ ಮದೆಂ ಸಂಬಂಧ್ ಘಟ್ ಕರ್ತಾ" ಮ್ಹಳ್ಳೊ ಸಂದೇಶ್ ದೀವ್ನ್   ವಾಡ್ಯಾಗಾರಾಂಕ್ ಫೆಸ್ತಾಚೆ ಶುಭಾಶಯ್ ಪಾಟಾಯ್ಲೆಂ. ತಶೆಂಚ್ ಗುರ್ಕಾರಾಚ್ಯಾ ವಾವ್ರಾಕ್ ಶಾಬಾಸ್ಕಿ ಪಾಟಯ್ಲಿ. 

     ಉಪಾಧ್ಯಕ್ಷ್ ವಿಜಯ್ ಪಾಯ್ಸ್ ಆನಿ ಕಾರ್ಯದರ್ಶಿ ಶ್ವೇತಾ ಪಾಯ್ಸ್ ಹಾಣಿಂ ವಾಡ್ಯಾಗಾರಾಂಕ್ ಫೆಸ್ತಾಚೆ ಶುಭಾಶಯ್ ಪಾಟಯ್ಲೆಂ.  

     ಲ್ಹಾನ್ ಕ್ರಿಸ್ತಾಂವ್ ಸಮುದಾಯ್ ಸಂಚಾಲಕ್ ಶ್ರೀ ಪ್ರಾನ್ಸಿಸ್ ಮಸ್ಕರೇನಸ್‌ ಹಾಣಿಂ ವಾಡ್ಯಾಂತ್ ಎಕಾಮೆಕಾಚೆಂ ಉಣೆಂ ಪಣ್ ಕಶೆಂ ಭರ್ತಿ ಕರ್ಯೆತ್ ಮ್ಹಣ್ ಏಕ್ ಲ್ಹಾನ್  ಕಾಣಿಯೆ ದ್ವಾರಿಂ ಸಾಂಗೊನ್ ವಾಡ್ಯಾಗಾರಾಂಕ್ ಫೆಸ್ತಾಚೆ ಶುಭಾಶಯ್ ಪಾಟಾಯ್ಲೆ. 

     ವಾಡ್ಯಾಚಿ ಕಾರ್ಯದರ್ಶಿ ಶ್ರೀಮತಿ  ಲೀಡಿಯಾ ಸಿಕ್ವೇರಾನ್ ವಾಡ್ಯಾಚ್ಯಾ ಚಟುವಟಿಕೆಂಚಿ ವರ್ದಿ ಮಂಡನ್ ಕೆಲಿ.

      ಕಾರ್ಯಾಚಾ ಮದೆಂ‌ ಪ್ರತಿಭಾನ್ವಿತ್ ಭುರ್ಗ್ಯಾಂಕ್, ಫಿರ್ಗಜ್ ವಿಗಾರಾಕ್ ತಶೆಂಚ್ ಸಿ. ಮರಿನಾ ಹಾಂಕಾ ಸನ್ಮಾನ್ ಕೆಲೊ. 

     ಸಂಭ್ರಮಾಚ್ಯಾ ವೆದಿರ್ ಸಾಂ ರೀತಾ ಕನ್ನಡ ಮಾಧ್ಯಮಾಚಿ ಮುಕೆಲ್ ಮೆಸ್ತ್ರಿಣ್ ಸಿ| ಜಾನೆಟ್, ಬಾಳೊಕ್ ಮರಿ ವಾಡ್ಯಾ ಗುರ್ಕಾರ್ ಮಾನೆಸ್ತ್ ಫೆಲಿಕ್ಸ್ ಮಿನೇಜಸ್, ಪ್ರತಿನಿಧಿ ಮಾನೆಸ್ತ್ ಅನೂಪ್ ಲಸ್ರಾದೊ ಆನಿ ಮೆಲಿಶಾ ಸಿಕ್ವೇರಾ, ವಾಡ್ಯಾ ಕಾರ್ಯದರ್ಶಿ ಲೀಡಿಯಾ ಸಿಕ್ವೇರಾ ಹಾಜರ್ ಆಸ್‌ಲ್ಲಿಂ.

     ತಶೆಂಚ್ ವಾಡ್ಯಾಗಾರಾಂ ಸಾಂಗಾತಾ ಸಾಂ ಪಾವ್ಲ್ ವಿಟ್ಲ ಕೊವೆಂತಾಚಿಂ ಧರ್ಮ್‌ಭಯ್ಣಿಂ, 11 ವಾಡ್ಯಾಂಚೆ ಗುರ್ಕಾರ್, ಕಥೊಲಿಕ್ ಸಭೆಚೊ ಕಾರ್ಯದರ್ಶಿ ತೋಮಸ್ ಮಸ್ಕರೇನಸ್, ದೇವ್‌ಸ್ತುತಿ ಆಯೋಗ್ ಸಂಚಾಲಕಿ ಶಾಲೆಟ್ ಪಾಯ್ಸ್, ಐ.ಸಿ.ವೈ.ಎಮ್ ಅಧ್ಯಕ್ಷ್  ವಿನಯ್ ಡಿಸೋಜ ಹಾಜರ್ ಆಸ್‌ಲ್ಲೆ.

      ವಾಡ್ಯಾಗಾರಾನಿಂ ಗಿತಾಂ, ನಾಟ್ಕುಳ್ಯಾ ಮಾರಿಫಾತ್ ವಾಡ್ಯಾ ಫೆಸ್ತಾಚೊ ಸಂಭ್ರಮ್ ಚಡಯ್ಲೊ.

     ಅನೂಪ್ ಲಸ್ರಾದೊನ್ ಲಕ್ಕಿ ಗೇಮ್ ಮಾಂಡುನ್ ಹಾಡ್ಲೆ.  ಲಕ್ಕಿ ಗೇಮಾಂತ್ ವಿಜೇತಾಂಕ್ ವಿಗಾರ್ ಬಾಪಾನಿಂ ಬಹುಮಾನ್ ವಿತರಣ್ ಕೆಲೆಂ.

ವಾಡ್ಯಾಚೊ ಗುರ್ಕಾರ್ ಮಾನೆಸ್ತ್ ಫೆಲಿಕ್ಸ್ ಮಿನೇಜಸಾನ್ ಸರ್ವಾಂಕ್ ಸ್ವಾಗತ್ ಕೆಲೊ. ವಾಡ್ಯಾ ಪ್ರತಿನಿಧಿ ಮೆಲಿಶಾ ಸಿಕ್ವೇರಾನ್ ದನ್ಯವಾದ್ ಪಾಟಯ್ಲೆಂ, ಮಿಲನ್ ಡಿಸೋಜಾನ್ ಕಾರ್ಯೆಂ ಚಲವ್ನ್ ವೆಲೆಂ.

     ವಾಡ್ಯಾಗಾರಾಂನಿ  ಸಂಭ್ರಮಾಚ್ಯಾ ಜೆವ್ಣಾನ್ ಫೆಸ್ತಾಚೊ ಸಂಭ್ರಮ್ ದೊಡ್ತೊ ಕೆಲೊ.

       Photo Gallery's:  👉🏻 https://photos.app.goo.gl/YYeDCYqPi1kHnVz79