ದಿನಾಂಕ್ 26-10-2025 ವೆರ್ ಭರ್ವಶ್ಯಾಚಿ ಯಾತ್ರಿಕಾಂ ಜಾವ್ನ್ ಕುಟ್ಮಾ ಆಯೋಗಾಚಾ ಮುಖೆಲ್ಪಣಾರ್ ಕಾಜಾರಿ ಜೊಡ್ಯಾಂಚೊ ಜುಬ್ಲೆವ್ ಆಚರಣ್ ಕೆಲೊ.

      ಸಕಾಳಿಂ 7:00 ವರಾಂಚಾ ಪವಿತ್ರ್ ಮಿಸಾಚ್ಯಾ ಬಲಿದಾನಾಚೆ ಪ್ರಧಾನ್ ಯಾಜಕ್ ಜಾವ್ನ್ ಮಂಗ್ಳುರ್ ದಿಯೆಸಿಜಿಚ್ಯಾ ಕುಟ್ಮಾ ಆಯೋಗಾಚೊ ಕಾರ್ಯದರ್ಶಿ ಮಾ|ಬಾ| ಆಲ್ವಿನ್ ರಿಚ್ಚರ್ಡ್ ಡಿಸೋಜ ಹಾಣಿಂ "ಕುಟಾಮ್ ಜಾವ್ನಾಸಾ ಪವಿತ್ರ್ ಸಭೆಚೊ ಮುಳಾವೊ ಕಣ್. ಕುಟ್ಮಾಂತ್ ಸದಾಂಚ್ ಮೋಗ್, ಮಾನ್ ಆನಿ ವಿಶ್ವಾಸಿಪಣ್ ಆಸೊಂಕ್ ಜಾಯ್. ಜರ್ ಆಮ್ಚಾ ದಿಸ್ಪೊಡ್ತ್ಯಾ ಜಿವಿತಾಂತ್ ದೆವಾಚೆರ್ ವಿಶ್ವಾಸ್ ದವರ್ನ್ ಜಿಯೆಲ್ಯಾರ್ ಆಮ್ಚಿ ಕುಟ್ಮಾಂ ಸುರಕ್ಷಿತ್ ಉರ್ತೆಲಿಂ" ಮ್ಹಳ್ಳೊ ಸಂದೇಶ್ ದಿಲೊ. ಮಾ|ಬಾ| ಅಮಿತ್ ರೊಡ್ರಿಗಸ್ ಹಾಣಿಂ ಮಿಸಾಚೆರ್ ಸಹ ಭೆಟವ್ಣಿ ಕೆಲಿ.

      ಮಿಸಾ ಉಪ್ರಾಂತ್ ಬಗ್ಲೆಚ್ಯಾ ಮಿನಿ ಹೊಲಾಂತ್ ಫಿರ್ಗಜೆಂತ್ಲ್ಯಾ ಸರ್ವ್ ಕಾಜಾರಿ ಜೊಡ್ಯಾಂಕ್  ತರ್ಭೆತಿ ಕಾರ್ಯೆಂ ಮಾಂಡುನ್ ಹಾಡ್ಲೆಂ. ಹ್ಯಾ ತರ್ಭೆತೆಕ್  ಫಿರ್ಗಜೆಂತ್ಲ್ಯಾ 100 ಕಾಜಾರಿ ಜೊಡ್ಯಾನಿಂ  ಭಾಗ್ ಘೆತ್ಲೊ.

      ಮಾಗ್ಣ್ಯಾ ಮುಖಾಂತ್ರ್  ಕಾರ್ಯೆಂ ಆರಂಭ್ ಕೆಲೆಂ. ಲಗ್ನಾ ಜಿವಿತಾಚಿಂ 55  ವರ್ಸಾಂ ಸುಫಳ್ ಜಿಣಿಂ ಜಿಯೆಲ್ಲಿಂ ಮಾನೆಸ್ತ್ ಲೂವಿಸ್ ಕ್ರಾಸ್ತಾ ಆನಿ ಸಿಸಿಲಿಯಾ ಕ್ರಾಸ್ತಾ ಹಾಣಿಂ ಎಕಾಮೆಕಾ ಝೆಲೊ ಗಾಲ್ನ್ ಕಾರ್ಯಾಚೆಂ ಉದ್ಘಾಟನ್ ಕೆಲೆಂ. ಕಾರ್ಯಾಚೊ ಅಧ್ಯಕ್ಷ್ ಬೊ|ಮಾ|ಬಾ| ಐವನ್ ಮೈಕಲ್ ರೊಡ್ರಿಗಸ್ ಹಾಣಿಂ ಹ್ಯಾ ಕಾರ್ಯಾಂತ್ ವಾಂಟೆಲಿ ಜಾಲ್ಲ್ಯಾ ಸರ್ವ್ ಕಾಜಾರಿ ಜೊಡ್ಯಾಂಕ್ ಶುಭಾಶಯ್ ಪಾಠವ್ನ್ ಬರೆಂ ಮಾಗ್ಲೆಂ.

      ಮುಖೆಲ್ ಸಯ್ರೆ ತಶೆಂಚ್ ಸಂಪನ್ಮೂಳ್ ವ್ಯಕ್ತಿ ಜಾವ್ನ್   ದಿಯೆಸಿಜಿಚೊ ಕುಟ್ಮಾಂ ಆಯೋಗಾಚೊ ಕಾರ್ಯದರ್ಶಿ ಮಾ|ಬಾ| ಆಲ್ವಿನ್ ರಿಚ್ಚರ್ಡ್ ಡಿಸೋಜ ಹಾಣಿಂ ಕುಟ್ಮಾಂ ಜಿಣಿಯೆ ವಿಶ್ಯಾಂತ್ ಕಾಜಾರಿ ಜೊಡ್ಯಾಂಕ್ ಥೊಡಿ ಗರ್ಜೆಚಿ ಮಾಹೆತ್ ದಿಲಿ.

      ಸಾಂ. ಫಿಲೊಮಿನಾ ಇಸ್ಕೊಲಾಚಿ ಶಿಕ್ಷಕಿ ರೇಷ್ಮಾ ರೆಬೆಲ್ಲೊ ಹಾಣಿಂ ದೆವಾನ್ ತಾಂಕಾ ಫಾವೊ ಕೆಲ್ಲ್ಯಾ ಪಾಂಚ್ ಜಣಾಂ ಭುರ್ಗ್ಯಾಂ ಮಾರಿಫಾತ್ ಏಕ್ ಸಂತುಷ್ಟ್ ಜೀವನ್ ಕಶೆಂ ಜಿಯೆವ್ನ್ ಆಸಾ ಮ್ಹಣ್ ಆಪ್ಲೊ ಅನ್ಭೋಗ್ ಉಚಾರ್ಲೊ. 

       ವೆದಿಚೆರ್ ಫಿರ್ಗಜ್ ಗೊವ್ಳಿಕ್ ಪರಿಷದೆಚೊ ಉಪಾಧ್ಯಕ್ಷ್ ವಿಜಯ್ ಪಾಯ್ಸ್, ಕಾರ್ಯದರ್ಶಿ ಶ್ವೇತಾ ಪಾಯ್ಸ್, ಆಯೋಗ್ ಸಂಯೋಜಕ್ ರೋಬರ್ಟ್ ಮಸ್ಕರೇನಸ್ ಹಾಜರ್ ಆಸ್‌ಲ್ಲೆ

     ಎಕ್ತಾರ್ ಆಯೊಗ್ ಸಂಚಾಲಕ್  ಮಾನೆಸ್ತ್ ಫ್ರಾನ್ಸಿಸ್ ಮಸ್ಕರೇನಸಾನ್ ಸರ್ವಾಂಕ್ ಸ್ವಾಗತ್ ಕೆಲೆಂ. ಕಾರ್ಯದರ್ಶಿ ಮಾನೆಸ್ತಿಣ್ ಜೆಸಿಂತಾ ಫೆರ್ನಾಂಡಿಸಾನ್ ಧನ್ಯವಾದ್ ಪಾಟಯ್ಲೆಂ. ಶ್ರೀಮತಿ ಶರಲ್ ವಾಜಾ಼ನ್ ಕಾರ್ಯೆಂ ಚಲವ್ನ್ ವೆಲೆಂ.

 Photo Gallery's:  👉🏻 https://photos.app.goo.gl/cXMrDZB5FAxHKm5g9