ಕರ್ನಾಟಕ ಯುವ ಆಯೋಗಾಚಾ ಮುಖೆಲ್ಪಣಾರ್ ಆನಿ ಕಾರಾವರ್ ದಿಯೆಸಿಜಿಚ್ಯಾ ಸಹಕಾರಾನ್ Yuvajanostva-2025  ಮ್ಹಳ್ಳೆಂ ಪ್ರಾಂತೀಯ್ ಮಟ್ಟಾರ್ ಸಮಾವೇಶ್ ಆನಿ ಕರ್ನಾಟಕ ಯುವ ಆಯೋಗಾಚೊ 40 ವೊ ಜುಬ್ಲೆವ್, ಆಕ್ಟೋಬರ್ 2 ತಾರಿಕೆ ಥಾವ್ನ್ 5 ತಾರಿಕೆ ಪರ್ಯಾಂತ್ ಕಾರ್‌ವಾರ್ ದಿಯೆಸೆಜಿಂತ್ ಚಲ್ತಾ. ಹ್ಯಾ ಕಾರ್ಯಾಕ್ ತಯಾರಾಯ್ ಜಾವ್ನ್ ಯುವಜಣಾಂಕ್ ಮಾಗ್ಣ್ಯಾಂತ್ ಸಾಂಗಾತಾ ಹಾಡುಂಕ್ ಆನಿ ಹ್ಯಾ ಸಮಾವೇಶಾ ಪಾಸತ್ ಮಾಗೊಂಕ್, KRYC ಖುರ್ಸಾಚಿ ಭೊಂವ್ಡಿ ಹರೈಕಾ ದಿಯೆಸೆಜಿಂತ್ ಕರ್ತಾತ್. ಆಮ್ಚ್ಯಾ ದಿಯೆಸೆಜಿಂತ್ ಹ್ಯಾ ಖುರ್ಸಾಚಿ ಬೊಂವ್ಡಿ ಜೂನಾಚಾ  29 ತಾರಿಕೆ ಥಾವ್ನ್  ಸಪ್ಟೆಂಬರ್ 17 ತಾರಿಕೆ ಪರ್ಯಾಂತ್ ಅಸ್ತೆಲಿ. 

ಹೊ KRYC ಖುರಿಸ್ ಜುಲೈಚ್ಯಾ 20 ತಾರಿಕೆರ್  ಸಾಂಜೆರ್ 5:30 ವರಾಂಚೆರ್ ಸಾಲೆತ್ತೂರ್ ಫಿರ್ಗಜೆ ಥಾವ್ನ್ ಆಮ್ಚ್ಯಾ ಫಿರ್ಗಜೆಕ್ ಪಾವಿತ್ ಜಾಲೊ. 

ಹ್ಯಾ ಭಾಗಿ ಸಂಧರ್ಭಾರ್ ಸಾಂ ಜುವಾಂವ್ ಪಾವ್ಲ್ ದುಸ್ರೊ ವಿಟ್ಲ ವಾರಾಡ್ಯಾಚೊ ICYM ವಾರಡೊ ನಿರ್ದೇಶಕ್ ಬಾ| ಅನಿಲ್ ಕೆನ್ಯೂಟ್ ಲೋಬೊ, ವಾರಾಡೊ ವಿಗಾರ್‌ವಾರ್ ಬೊ|ಮಾ|ಬಾ| ಐವನ್ ಮೈಕಲ್ ರೊಡ್ರಿಗಸ್, ICYM ಘಟಕಾಚೊ ದಿರೆಕ್ತೊರ್ ಮಾ|ಬಾ| ಅಮಿತ್ ಪ್ರಕಾಶ್ ರೊಡ್ರೀಗಸ್, ವಾರಾಡೊ ICYM ಅಧ್ಯಕ್ಷ್ ದಿಲ್ರೋಯ್ ಮಸ್ಕರೇನ್ಹಸ್, ಘಟಕ್ ಅಧ್ಯಕ್ಷ್ ವಿನಯ್ ಡಿಸೋಜ, ICYM ಸಾಂದೆ ತಶೆಂಚ್ ವಿಟ್ಲ ಫಿರ್ಗಜ್‌ಗಾರ್ ಹಾಜರ್ ಆಸೊನ್ ಫುಲಾಂ ಅರ್ಪುನ್ ಮಾನ್ ಕರ್ನ್ ಖುರಿಸ್ ಸ್ವೀಕಾರ್ ಕೆಲೊ. 

ಉಪ್ರಾಂತ್ ICYM ಸಾಂದ್ಯಾಚ್ಯಾ ಮುಕೆಲ್ಪಣಾರ್ ಮಾಗ್ಣ್ಯಾ ವಿಧಿ ಚಲವ್ನ್ ವೆಲಿ. ಖುರಿಸ್ ತೀನ್ ದೀಸ್ ಆಮ್ಚ್ಯಾ ಇಗರ್ಜೆಂತ್ ಆಸೊನ್, ಫಿರ್ಗಜ್‌ಗಾರಾಂನಿ ವೈಯುಕ್ತಿಕ್ ಥರಾನ್ ಖುರ್ಸಾಮಳಿಂ ಆರಾಧನ್ ಆನಿ ಮಾಗ್ಣಿಂ ಭೆಟಯ್ಲಿಂ. 

     23-07-2025 ವೆರ್ ಸಾಂಜೆರ್ 5:30 ವರಾಂಚೆರ್ ವಾರಡೊ ICYM ನಿರ್ದೇಶಕ್, ಅಧ್ಯಕ್ಷ್ ತಶೆಂಚ್ ವಾರಡೊ ICYM ಸಾಂದ್ಯಾಚ್ಯಾ ಮುಕೆಲ್ಪಣಾರ್ ಖುರಿಸ್ ಪುತ್ತೂರ್ ವಾರಾಡ್ಯಾಚ್ಯಾ ಉಪ್ಪಿನಂಗಡಿ  ಫಿರ್ಗಜೆಕ್ ಪಾವಿತ್ ಕೆಲೊ.

Photo Gallery's:  👉🏻 https://drive.google.com/drive/folders/1gdFEDftvbRlkQJA2Zr4PA8Y22khwX1Jx?usp=sharing