ಉದ್ಘಾಟನ್ ಕಾರ್ಯಾಚ್ಯಾ ವೇದಿರ್ ಐಸಿವೈಯಂ ವಿಟ್ಲ ಘಟಕಾಚೆ ದಿರೆಕ್ತೊರ್ ಮಾ|ಬಾ| ಅಮಿತ್ ಪ್ರಕಾಶ್ ರೊಡ್ರಿಗಸ್, ಫಿರ್ಗಜ್ ಗೊವ್ಳಿಕ್ ಪರಿಷದ್ ಉಪಾಧ್ಯಕ್ಷ್ ವಲೇರಿಯನ್ ವೇಗಸ್, ಕಾರ್ಯದರ್ಶಿ ಸೆಲೆಸ್ತಿನ್ ಪಿಂಟೊ, ಆಯೋಗ್ ಸಂಯೋಜಕ್ ಜೆಸಿಂತಾ ಫೆರ್ನಾಂಡಿಸ್, ಐಸಿವೈಯಂ ಸಚೇತಕಿ ಶರಲ್ ವಾಜ಼್, ಅಧ್ಯಕ್ಷ ವಿನಯ್ ಡಿಸೋಜಾ, ಕಾರ್ಯದರ್ಶಿ ಕೆವಿನ್ ಪಿಂಟೊ ಹಾಜರ್ ಆಸ್‌ಲ್ಲೆ. ವೆದಿರ್ ಆಸ್‌ಲ್ಲ್ಯಾ ಸರ್ವ್ ಮಾನಾಚ್ಯಾ ಸಯ್ರ್ಯಾನಿಂ ಲೊರಿ ವೊಡ್ಚ್ಯಾ ಮುಖಾಂತ್ರ್ ಕಾರ್ಯೆಂ ಉದ್ಘಾಟನ್ ಕೆಲೆಂ.

     ಖೆಳ್ ಮೇಳಾಂತ್ ಅದ್ಲೆ ಖೆಳ್ - ಮೊಡಲ್ ವೊಳ್ಚೆಂ, ನಾರ್ಲ್ ಸೊಲ್ಚೆ,  ಪೊಪಳ್ ಸೊಲ್ಚೆಂ, ಸಾರೊಣಿ ಕರ್ಚೆಂ, ಲಗೋರಿ , ಪೊವ್ಲಿ ವೊಡ್ಚೆಂ, ಉಪ್ಪು- ಮೂಟೆ, ಗೊಣ್ಯೆ ದಾಂವ್, ಲೊರಿ ವೊಡ್ಚೆಂ, ಮೊಡ್ಕಿ ಪುಟೊಂವ್ಚೆಂ, ಟ್ರೆಷರ್ ಹಂಟ್ ತಶೆಂಚ್ ಲ್ಹಾನ್ ಭುರ್ಗ್ಯಾಂಕ್ ಖೆಳ್ ಮಾಂಡುನ್ ಹಾಡ್‌ಲ್ಲೆ.

     ಖೆಳ್ ಮೇಳ್ ವೀಕ್ಷಕ್ ಜಾವ್ನ್ ಸುಮಾರ್ 200 ಚ್ಯಾಕೀ ಚಡ್ ಫಿರ್ಗಜ್‌ಗಾರ್ ಹಾಜರ್ ಆಸ್‌ಲ್ಲೆ.  ಐಸಿವೈಯಂ ಕೇಂದ್ರೀಯ್ ಸಮಿತಿ ಉಪಾಧ್ಯಕ್ಷ್ ಮೆಲ್ರೊಯ್ ಪ್ರೇಮ್ ಡಿಸೋಜಾ ಅಲ್ಲಿಪಾದೆ, ಪುತ್ತೂರ್ ವಾರಾಡೊ ಐಸಿವೈಯಂ ಅದ್ಲೊ ಅಧ್ಯಕ್ಷ್ ಜೈಸನ್ ಇಮಾನ್ವೆಲ್ ಡಿಸೋಜಾ, ಐಸಿವೈಯಂ ಬಂಟ್ವಾಳ್ ವಾರಾಡೊ ಅಧ್ಯಕ್ಷ್ ಪ್ರೇಮ್ ಜೀತನ್ ಪಿಂಟೊ, ಅಲ್ಲಿಪಾದೆ ಐಸಿವೈಯಂ  ಖೆಳಾ ಕಾರ್ಯದರ್ಶಿ ವಿನೀತ್ ಫೆರ್ನಾಂಡಿಸ್ ಹಾಣಿಂ ಕಾರ್ಯಕ್ರಮಾಂತ್ ಹಾಜರ್ ಜಾವ್ನ್ ಖೆಳ್ ಚಲವ್ನ್, ವರೊವ್ಣಿದಾರ್ ಜಾವ್ನ್ ಸಹಕಾರ್ ದಿಲೊ.

     ಖೆಳಾಂತ್ ಜಿಕ್ಲೆಲ್ಯಾಂಕ್ ವಿಟ್ಲ ಐಸಿವೈಯಂ ದಿರೆಕ್ತೊರ್ ಮಾ| ಬಾ| ಅಮಿತ್ ರೊಡ್ರಿಗಸ್ ತಶೆಂಚ್ ಮಾ| ಬಾ | ಬೊನಾ ಮಾರ್ಸೆಲ್ ರೊಡ್ರಿಗಸ್ ಹಾಣಿಂ ಬಹುಮಾನಾಂ ವಾಂಟ್ಲಿಂ.

     ಖೆಳ್ ಮೇಳ್ ಹ್ಯಾ ಖೆಳಾ ಕಾರ್ಯಾಂತ್ ಸಾಂತ್ ಅಂತೊನ್ ವಾಡ್ಯಾಗಾರಾನಿಂ ಚಾಂಪಿಯನ್ ಶಿಪ್ ಟ್ರೋಪಿ ಅಪ್ಣಾಯ್ಲಿ. ಹಾಚೆ ಬರಾಬರ್  ನಿತ್ಯದಾರ್ ವಾಡ್ಯಾಗಾರಾನಿಂ ದುಸ್ರೆಂ ಆನಿ ಸಾಂ ಲೋರೆಸ್ ವಾಡ್ಯಾಗಾರಾನಿಂ ತಿಸ್ರೆಂ ಇನಾಮ್ ಅಪ್ಣಾಯ್ಲೆಂ.

     ಐಸಿವೈಯಂ ವಿಟ್ಲ ಘಟಕಾಚೊ ಅಧ್ಯಕ್ಷ್ ವಿನಯ್ ಡಿಸೋಜಾನ್ ಸರ್ವಾಂಕ್ ಧನ್ಯವಾದ್ ಪಾಟಯ್ಲೆಂ. ವರೊವ್ಣಿದಾರಾಂಕ್ ಉಗ್ಡಾಸಾಚಿ ಕಾಣಿಕ್ ದೀವ್ನ್ ಉಪ್ಕಾರ್ ಬಾವುಡ್ಲೊ.

 Photo Gallery's:  👉🏻 https://photos.app.goo.gl/z2uQQgnN9y2MoPSh8