ಜೆಜುಚ್ಯಾ ಜಲ್ಮಚ್ಯಾ ಜುಬ್ಲೆವ್ ವರ್ಸಾ ಭರ್ವಾಶ್ಯಚಿಂ ಯಾತ್ರಿಕಾಂ ಜಾವ್ನ್ ಲೂರ್ಡ್ಸ್  ಮಾಯೆನ್  ಕೆಲ್ಯಾ ಬರೆಪಣಾ ಖಾತಿರ್ ಲೂಡ್ಸ್ ಮಾಯೆಚ್ಯಾ ಗ್ರೊಟ್ಟ್ಯಾಕ್ ಫುಲಾಂ ಗಾಲ್ನ್ ಮಾನ್ ಕೆಲೊ. 

ಉಪ್ರಾಂತ್ ಸಕಾಳಿಂ 7:00 ವರಾಂಚೆರ್ ಪವಿತ್ರ್ ಮಿಸಾಚೆಂ ಬಲಿದಾನ್ ಭೆಟಯ್ಲೆಂ. ಹ್ಯಾ ಮಿಸಾ ವೆಳಾರ್ ಲೂರ್ಡ್ಸ್  ವಾಡ್ಯಾಗಾರಾಂನಿ ದೇವ್ ಸ್ತುತಿ ಚಲವ್ನ್ ವೆಲಿ. ಆನಿ ಸರ್ವ್ ವಾಡ್ಯಾಗಾರಾಂನಿ ಸಾಂಗಾತಾ ಮೆಳೊನ್ ಕಾಣಿಕೊ ಭೆಟವ್ನ್ ಪವಿತ್ರ್ ಮಿಸಾಚ್ಯಾ ಬಲಿದಾನಾಂತ್ ಭಕ್ತಿನ್ ವಾಂಟೊ ಘೆತ್ಲೊ.

     ಫೆಸ್ತಾಚೊ ಸಂಭ್ರಮ್ ದೊಡ್ತೊ ಕರ್ಚ್ಯಾಕ್ ಸಾಂಜೆರ್ 6:00 ವರಾರ್ ಗುರ್ಕಾರ್ನ್ ರೆನಿಟಾ ಪಾಯ್ಸಾಚ್ಯಾ ಘರಾ ಸಾಂಗಾತಾ ಮೆಳೊನ್ ಲ್ಹಾನಾಂಕ್, ವ್ಹಡಾಂಕ್, ಸ್ತ್ರೀಯಾಂಕ್, ದಾದ್ಲ್ಯಾಂಕ್ ಆನಿ ಧಾರ್ಮಿಕಾಂಕ್ ಮನೋರಂಜನ್ ಖೆಳ್  ಚಲವ್ನ್ ವೆಲೆ.  

7:00 ವರಾರ್  ವೆದಿ ಕಾರ್ಯೆಂ ಆರಂಭ್ ಕೆಲೆಂ. ಸುರ್ವೆರ್ ಪವಿತ್ರ್ ಪುಸ್ತಾಕಾಕ್ ಮಾನ್ ಕರ್ನ್ ಉಪ್ರಾಂತ್ ಮಾಗ್ಣ್ಯಾ ವಿಧಿ ಚಲವ್ನ್ ವೆಲಿ.

ವೆದಿ ಕಾರ್ಯಾಂತ್ ಫಿರ್ಗಜೆಚ್ಯೆ ವಿಗಾರ್ ಬೋ|ಮಾ|ಬಾ| ಐವನ್ ಮೈಕಲ್ ರೊಡ್ರಿಗಸ್, ಉಪಾಧ್ಯಕ್ಷ್ ಮಾನೆಸ್ತ್ ವಿಜಯ್ ಪಾಯ್ಸ್ , ಕಾರ್ಯದರ್ಶಿ ಮಾನೆಸ್ತಿಣ್ ಶ್ವೇತಾ ಪಾಯ್ಸ್ ,  ಲ್ಹಾನ್ ಕ್ರೀಸ್ತಾಂವ್ ಸಮುದಾಯ್ ಸಂಚಾಲಕ್ ಮಾನೆಸ್ತ್ ಫ್ರಾನ್ಸಿಸ್ ಮಸ್ಕರೇನಸ್, ಸಾಂ ಪಾವ್ಲ್ ಕೊವೆಂತಾಚಿ ಧರ್ಮ್ ಭಯ್ಣಿಂ, ಆದ್ಲ್ಯಾ ಗೊವ್ಳಿಕ್ ಪರಿಷದೆಚೆ ಉಪಾಧ್ಯಕ್ಷ್, ಕಾರ್ಯದರ್ಶಿ , ಆಯೋಗ್ ಸಂಯೋಜಕ್ , 11 ವಾಡ್ಯಾಚೆ ಗುರ್ಕಾರ್ ಹಾಜರ್ ಆಸ್‌ಲ್ಲೆ.

  ಹ್ಯಾ ಸರ್ವ್ ಮಾನಾಚ್ಯಾ ಸಯ್ರ್ಯಾಂಕ್ ಗುರ್ಕಾರ್ನ್ ರೆನಿಟಾ ಪಾಯ್ಸ್  ಹಿಣೆಂ ಸ್ವಾಗತ್ ಕೆಲೊ.

  ವಾಡ್ಯಾಚಿ ಕಾರ್ಯದರ್ಶಿ ಮಾನೆಸ್ತಿಣ್ ಡೈನಾ ರೊಡ್ರಿಗಸ್ ಹಿಣೆಂ  ವಾರ್ಷಿಕ್ ವರ್ದಿ ಮಂಡನ್ ಕೆಲಿ. ಉಪ್ರಾಂತ್ ವಾಡ್ಯಾಂತ್ಲ್ಯಾ ಭುರ್ಗ್ಯಾಂನಿ ಸಂದೇಶ್ ದಿಂವ್ಚೆ ತಸಲಿಂ ಗಾಯಾನಾಂ ಆನಿ ನಾಸ್ಪಾ ಮುಕಾಂತ್ರ್ ಸರ್ವಾಂಚಿ ಮ್ಹನಾಂ ದಾದೊಶಿ ಕೆಲಿಂ. 

ಉಪ್ರಾಂತ್ ಖೆಳಾಂತ್ ಜಿಕ್ಲೆಲ್ಯಾಂಕ್ ಇನಾಮಾ ವಾಂಟ್ಲಿ. ತಶೆಂಚ್ ಧಾವ್ಯಾ ಕ್ಲಾಸಿಚ್ಯಾ ಅಂತಿಮ್ ಪರೀಕ್ಷೆಂತ್ ಡಿಸ್ಟಿಂಕ್ಷನ್ ಆಪ್ಣಾಯ್ಲ್ಯಾ ಜೊವಿಲಾ ರೊಡ್ರಿಗಸಾಕ್ ಸನ್ಮಾನ್ ಕೆಲೊ.

ವಿಗಾರ್ ಬಾಪಾನಿಂ ಆಪ್ಲ್ಯಾ ಸಂದೇಶಾಂತ್ ವಾಡ್ಯಾಗಾರಾಂಚ್ಯಾ ಮಿನತೆಕ್ ಶಬಾಸ್ಕಿ ಪಾಠಯ್ಲಿ. ಫಿರ್ಗಜೆಂತ್ ಆನಿ ವಾಡ್ಯಾಂತ್ ಕಶಿ ಸೆವಾ ಕರ್ನ್ ಆಮ್ಚೊ ಎಕ್ವಟ್ ದಾಕೊವ್ಯೆತ್ , ಸೆಜಾರಾ ಆಮ್ಚೊ ಸಂಬಂದ್ ಕಸೊ ಅಸೊಂಕ್ ಜಾಯ್ ಮ್ಹಣ್ ತಿಳ್ಸಿಲೆಂ.

  ಮಾನೆಸ್ತ್ ಫ್ರಾನ್ಸಿಸ್ ಮಸ್ಕರೇನಸಾನ್ ಮರಿಯೆಚ್ಯಾ ಜಿಣ್ಯೆ ವಿಶ್ಯಾಂತ್ ವಿಸ್ತಾರುನ್ ಅನ್ಬೋಗ್ ಉಚಾರ್ಲೊ.          ಮಾನೆಸ್ತ್ ವಿಜಯ್ ಪಾಯ್ಸ್‌ನ್  ಫಿರ್ಗಜೆಚ್ಯಾ ಸರ್ವ್ ಯೋಜನಾಕ್ ವಾಡ್ಯಾಗಾರಾಂಚೊ ಸಹಕಾರ್ ಆಶೆವ್ನ್ ಬೊರೆಂ ಮಾಗ್ಲೆಂ.

 ಕುಮಾರಿ ಆಲ್ವೀಶಾ ಪಾಯ್ಸಾನ್ ಕಾರ್ಯೆಂ ಚಲವ್ನ್ ವೆಲೆಂ ಆನಿ ಮಾನೆಸ್ತಿಣ್ ಶ್ವೇತಾ ಪಾಯ್ಸ್  ಹಿಣೆಂ ಸಹಕಾರ್ ದಿಲ್ಲ್ಯಾ ಸರ್ವಾಂಕ್ ಧನ್ಯವಾದ್ ಪಾಠಯ್ಲೆಂ.

 ಅಶೆಂ ಫೆಸ್ತಾಚೊ ಸಂಭ್ರಮ್ ದೊಡ್ತೊ ಕರ್ಚ್ಯಾಕ್ ವಾಡ್ಯಾಗಾರಾಂನಿ ಸಾಂಗಾತಾ ಮೆಳೊನ್ ಜೆವಾಣ್ ತಯಾರ್ ಕೆಲ್ಲೆಂ.

ಸರ್ವಾಂಚ್ಯಾ ಸಹಕಾರಾನ್  ವಾಡ್ಯಾ ಫೆಸ್ತ್ ಭೋವ್ ಅರ್ಥಾಭರಿತ್ ರೀತಿನ್ ಆಚರಣ್ ಕೆಲೆಂ

Photo Gallery:  👉🏻https://drive.google.com/drive/folders/1L73uOSJt-m_2jslNb8mzBRZ5Ms8xV_-Y?usp=sharing