ಲೂರ್ಡ್ಸ್  ಮಾಯೆನ್  ಕೆಲ್ಲ್ಯಾ  ಸರ್ವ್ ಬರೆಪಣಾ ಖಾತಿರ್ ಲೂರ್ಡ್ಸ್ ಮಾಯೆಚ್ಯಾ ಗ್ರೊಟ್ಟ್ಯಾಕ್ ಫುಲಾಂ ಗಾಲ್ನ್ ಮಾನ್ ಕೆಲೊ. 

     ಸಕಾಳಿಂ 7:00 ವರಾಂಚೆರ್ ಪವಿತ್ರ್ ಮಿಸಾಚೆಂ ಬಲಿದಾನ್ ಭೆಟಯ್ಲೆಂ. ಹ್ಯಾ ಮಿಸಾ ವೆಳಾರ್ ಲೂರ್ಡ್ಸ್ ವಾಡ್ಯಾಗಾರಾಂನಿ ದೇವ್ ಸ್ತುತಿ ಚಲವ್ನ್ ವೆಲಿ. ಆನಿ ಸರ್ವ್ ವಾಡ್ಯಾಗಾರಾಂನಿ ಸಾಂಗಾತಾ ಮೆಳೊನ್ ಕಾಣಿಕೊ ಭೆಟವ್ನ್ ಪವಿತ್ರ್ ಮಿಸಾಚ್ಯಾ ಬಲಿದಾನಾಂತ್ ಭಕ್ತಿನ್ ವಾಂಟೊ ಘೆತ್ಲೊ.

     ಫೆಸ್ತಾಚೊ ಸಂಭ್ರಮ್ ದೊಡ್ತೊ ಕರ್ಚ್ಯಾಕ್ ಸಾಂಜೆರ್ 7:00 ವರಾರ್  ಕೆಲಿಂಜ ಕಾಶ್ಮೀರ್ ಪಾಯ್ಸಾಚ್ಯಾ ಘರಾ ಸಾಂಗಾತ ಮೆಳೊನ್ 7:00 ವರಾರ್  ವೆದಿ ಕಾರ್ಯೆಂ ಆರಂಭ್ ಕೆಲೆಂ. ಸುರ್ವೆರ್ ಪವಿತ್ರ್ ಪುಸ್ತಾಕಾಕ್ ಮಾನ್ ಕರ್ನ್ ಉಪ್ರಾಂತ್ ಮಾಗ್ಣ್ಯಾ ವಿಧಿ ಚಲವ್ನ್ ವೆಲಿ.

     ವೆದಿ ಕಾರ್ಯಾಂತ್ ಫಿರ್ಗಜೆಚ್ಯೆ ವಿಗಾರ್ ಬೋ|ಮಾ|ಬಾ| ಐವನ್ ಮೈಕಲ್ ರೊಡ್ರಿಗಸ್, ವಸ್ತೆ ಯಾಜಕ್ ಮಾ|ಬಾ | ಅಮಿತ್ ರೊಡ್ರಿಗಸ್, ಫಿರ್ಗಜ್ ಗೊವ್ಳಿಕ್ ಪರಿಷದೆಚೊ ಉಪಾಧ್ಯಕ್ಷ್ ಮಾನೆಸ್ತ್ ವಲೇರಿಯನ್ ವೇಗಸ್, ಕಾರ್ಯದರ್ಶಿ ಮಾನೆಸ್ತಿಣ್ ಶಾಲೆಟ್ ಪಾಯ್ಸ್ , ಬಾವೀಸ್ ಆಯೋಗಾಂಚಿ ಸಂಚಾಲಕಿ ಮಾನೆಸ್ತಿಣ್ ಜೆಸಿಂತಾ ಫೆರ್ನಾಂಡಿಸ್, ಲ್ಹಾನ್ ಕ್ರೀಸ್ತಾಂವ್ ಸಮುದಾಯ್ ಸಂಚಾಲಕ್ ಮಾನೆಸ್ತ್ ವೆಲಂಟೈನ್ ಪಿಂಟೊ, ಸಾಂ ಪಾವ್ಲ್ ಕೊವೆಂತಾಚಿ ಧರ್ಮ್ ಭಯ್ಣಿಂ, 9 ವಾಡ್ಯಾಂಚೆ ಗುರ್ಕಾರ್, Y.C.S ಸಚೇತಕಿ ಫ್ಲವಿಟ ಫರ್ನಾಂಡಿಸ್, I C.Y.M ಸಚೇತಕಿ ಶರಲ್ ವಾಸ್, ಸ್ತ್ರೀ ಸಂಘಟನ್ ಅಧ್ಯಕ್ಷಿಣ್ ಮೀರಾ  ಗೊನ್ಸಾಲ್ವಿಸ್ ಹಾಜರ್ ಆಸ್‌ಲ್ಲಿಂ.  

ಹ್ಯಾ ಸರ್ವ್ ಮಾನಾಚ್ಯಾ ಸಯ್ರ್ಯಾಂಕ್ ಗುರ್ಕಾರ್ನ್ ರೆನಿಟಾ ಪಾಯ್ಸ್  ಹಿಣೆಂ ಸ್ವಾಗತ್ ಕೆಲೊ.

     ವಾಡ್ಯಾಚಿ ಕಾರ್ಯದರ್ಶಿ ಮಾನೆಸ್ತಿಣ್ ಡೈನಾ ರೊಡ್ರಿಗಸ್ ಹಿಣೆಂ ವಾರ್ಷಿಕ್ ವರ್ದಿ ಮಂಡನ್ ಕೆಲಿ. ಉಪ್ರಾಂತ್ ವಾಡ್ಯಾಗಾರಾನಿಂ ಸಮುದಾಯೆಕ್ ಲಗ್ತಿ ಜಾಲ್ಲಿ ಗಾಯಾನಾಂ ಆನಿ ನಾಸ್ಪಾ ಮುಕಾಂತ್ರ್ ಸರ್ವಾಂಚಿ ಮ್ಹನಾಂ ಕುಶಾಲ್ ಕೆಲಿಂ. ಉಪ್ರಾಂತ್ ಖೆಳಾಂತ್ ಜಿಕ್ಲೆಲ್ಯಾಂಕ್ ಇನಾಮಾ ವಾಂಟ್ಲಿ .

     ವಿಗಾರ್ ಬಾಪಾನಿಂ ಆಪ್ಲ್ಯಾ ಸಂದೇಶಾಂತ್  ವಾಡೊ ಏಕ್ ಕುಟಾಮ್ ಜಾವ್ನ್ ಸೊಂತೊಸ್ ಪಾವೊಂಕ್ ಎಕ್ವಟ್ ದಾಕೊಂವ್ಕ್ ಏಕ್ ಅವ್ಕಾಸ್, ಪೆಲ್ಯಾಚೊ ಸೊಂತೊಸ್ ಅಪ್ಣಾಚೊ ಸೊಂತೊಸ್ ಆನಿ ಪೆಲ್ಯಾಚೆಂ ದೂಕ್ ಅಪ್ಣಾಚೆಂ ಕರ್ನ್ ಘೆತಾಂವ್ ತವಳ್ ಪೆಲ್ಯಾಕ್ ಬೊರೊ ಸೆಜಾರ್ ಜಾಂವ್ಕ್ ಸಕ್ತಾಂವ್ ಮ್ಹಳ್ಳೊ ಸಂದೇಶ್ ದಿಲೊ.

     ಬಾ| ಅಮಿತ್ ಹಾಣಿo ಲೂರ್ಡ್ಸ್ ಮಾಂಯ್ ಸರ್ವ್ ಅಸ್ಕತ್ಕಾಯ್ ಗೂಣ್ ಕರುಂದಿ, ಸಂಬಂಧ್ ಬೊರೆ ಕರುಂದಿ ಆನಿ ವಾಡೊ ಚಡ್ ಪರ್ಜಳುಂದಿ ಮ್ಹಣ್ ಫೆಸ್ತಾಚೆ ಶುಭಾಶಯ್ ಪಾಠವ್ನ್ ಬೊರೆಂ ಮಾಗ್ಲೆಂ.

     ಮಾನೆಸ್ತ್ ವೆಲಂಟೈನ್ ಪಿಂಟೊ  ಹಾಣಿಂ  ಮುಳಾವೊ ಕ್ರಿಸ್ತಾಂವ್ ಸಮುದಾಯೆಚೊ ಉದ್ದೇಶ್ ಸಾಂಗೊನ್ ಫೆಸ್ತಾಚೆಂ ಶುಭಾಶಯ್ ಪಾಠಯ್ಲೆ. 

     ಮಾನೆಸ್ತ್ ವಲೇರಿಯನ್ ವೇಗಸ್ ಹಾಣಿಂ ಫೆಸ್ತಾಚೆ ಶುಭಾಶಯ್ ಪಾಠವ್ನ್ ಬೊರೆಂ ಮಾಗ್ಲೆಂ.

     ಕುಮಾರಿ ವಿನಿತಾ ಫ್ರೇಂಕ್ ಹಿಣೆಂ ಸಹಕಾರ್ ದಿಲ್ಲ್ಯಾ ಸರ್ವಾಂಕ್ ಧನ್ಯವಾದ್ ಪಾಠಯ್ಲೆಂ. ಕುಮಾರಿ ಆಲ್ವೀಶಾ ಪಾಯ್ಸಾನ್ ಕಾರ್ಯೆಂ ಚಲವ್ನ್ ವೆಲೆಂ.

 ಅಶೆಂ ಫೆಸ್ತಾಚೊ ಸಂಭ್ರಮ್ ದೊಡ್ತೊ ಕರ್ಚ್ಯಾಕ್ ವಾಡ್ಯಾಗಾರಾಂನಿ ಸಾಂಗಾತಾ ಮೆಳೊನ್ ಜೆವಾಣ್ ತಯಾರ್ ಕೆಲ್ಲೆಂ.

ಸರ್ವಾಂಚ್ಯಾ ಸಹಕಾರಾನ್  ವಾಡ್ಯಾ ಫೆಸ್ತ್ ಭೋವ್ ಅರ್ಥಾಭರಿತ್ ರೀತಿನ್ ಆಚರಣ್ ಕೆಲೆಂ

 Photo Gallery's:  👉🏻 https://photos.app.goo.gl/gLRj4VTxCM8EygEK7