ದಿನಾಂಕ್ 19-10-2025  ವೆರ್ ಆಯ್ತಾರಾ "ಲೊಕಾಂ ಮಧೆಂ ಭರ್ವಶ್ಯಾಚಿಂ ಮಿಶನರಿ" ಮ್ಹಳ್ಯಾ ಧ್ಯೇಯಾಖಾಲ್ ಮಿಸಾಂವ್ ಆಯ್ತಾರ್ ಅರ್ಥಾಭರಿತ್ ರೀತಿನ್ ಆಚರಣ್ ಕೆಲೊ. 

     ಸಕಾಳಿಂ 7:00 ವರಾಂಚೆರ್ ಮಿಸಾವಾಂ ಪಾಸೊತ್ ಪವಿತ್ರ್ ಮಿಸಾಚೆಂ ಬಲಿದಾನ್ ಭೆಟೆಯ್ಲೆಂ. ಪ್ರಧಾನ್ ಯಾಜಕ್ ಜಾವ್ನ್ ಮಾ|ಬಾ| ಜೊಸ್ಸಿ ಮಸ್ಕರೇನಸ್ ಹಾಣಿಂ "ಸರ್ವ್ ಬರೆಪಣ್ ದೆವಾ ಥಾವ್ನ್ ಯೆತಾ. ತೆಂ ಆಮಿಂ ಉದಾರ್ ಮ್ಹನಾನ್ ಆಮ್ಚಾ ಕುಟ್ಮಾಂನಿ, ಸೆಜಾರಾ, ಸಮಾಜೆಂತ್ ಎಕಾಮೆಕಾ ಥಂಯ್ ವಾಂಟುನ್ ಘೆಂವ್ಚೆ ಮಾರಿಫಾತ್ ಆಮಿಂ ಜೆಜುನ್ ದಿಲ್ಲ್ಯಾ ಮಿಸಾವಾಂತ್ ಭಾಗಿಧಾರ್ ಜಾತಾಂವ್" ಮ್ಹಳ್ಳೊ ಸಂದೇಶ್ ದೀವ್ನ್ ಮಿಸಾವಾಂ ಪಾಸೊತ್ ಮಾಗೊಂವ್ಕ್ ಉಲೊ ದಿಲೊ. ಫಿರ್ಗಜ್ ವಿಗಾರ್ ಬೊ|ಮಾ| ಐವನ್ ಮೈಕಲ್ ರೊಡ್ರಿಗಸ್ ಬಾಪಾನಿಂ ಮಿಸಾಚೆರ್ ಸಹ ಭೆಟವ್ಣಿ ಕೆಲಿ.

     ಮಿಸಾ ಉಪ್ರಾಂತ್ ಫಿರ್ಗಜ್‌ಗಾರಾನಿಂ ಮಿಸಾಂವಾ ಖಾತಿರ್ ದಿಲ್ಲ್ಯಾ/ ಭೆಟಯಿಲ್ಲ್ಯಾ ವಸ್ತುಂಚೆಂ ಏಲಾಂ ಆಸಾ ಕೆಲೆಂ.

     ಸರ್ವ್ ಫಿರ್ಗಜ್‍ಗಾರಾಂಕ್ ಭಾಗ್ ಘೆಂವ್ಕ್ ಆವ್ಕಾಸ್ ಮೆಳಾಶೆಂ ಸಕಾಳಿಂ 7.00 ವ್ಹರಾಂಚ್ಯಾ ಮಿಸಾ ಉಪ್ರಾಂತ್ ತಶೆಂಚ್ 10:00 ವ್ಹರಾಂಚ್ಯಾ ಮಿಸಾ ಉಪ್ರಾಂತ್ ವಸ್ತು ಏಲಾಂ ಕೆಲ್ಯೊ. 

     ಫಿರ್ಗಜ್ ವಿಗಾರ್ ಬೊ|ಮಾ|ಬಾ| ಐವನ್ ಮೈಕಲ್ ರೊಡ್ರಿಗಸ್, ಮಾ|ಬಾ| ಅಮಿತ್ ರೊಡ್ರಿಗಸ್ ಬಾಪಾಂಚ್ಯಾ ಮುಖೆಲ್ಪಣಾರ್ ಎಲಾಂ ಚಲವ್ನ್ ವೆಲೆಂ. ಸರ್ವ್ ಫಿರ್ಗಜ್‍ಗಾರಾಂನಿ ರಾವೊನ್ ಬರೊ ಪ್ರೋತ್ಸಾಹ್ ದಿಲೊ. ಫಿರ್ಗಜ್ ಉಪಾಧ್ಯಕ್ಷ್ ವಿಜಯ್ ಪಾಯ್ಸ್, ಎಕ್ವೀಸ್ ಆಯೋಗ್ ಸಂಚಾಲಕ್ ರೊಬರ್ಟ್ ಮಸ್ಕರೇನಸ್, ಆದ್ಲೊ ಉಪಾಧ್ಯಕ್ಷ್ ಮನೋಹರ್ ಲ್ಯಾನ್ಸಿ ಡಿಸೋಜ ಆನಿ ಸಾಂದೊ ಎಡ್ವಿನ್ ರೊಡ್ರಿಗಸ್ ಹಾಂಚ್ಯಾ ಸಹಕಾರಾನ್, ತಶೆಂಚ್ ಸರ್ವ್ ಸಂಘ್ ಸಂಸ್ಥ್ಯಾಂಚ್ಯಾ ಸಾಂಗತ್ಪಣಾನ್  ಮಿಸಾಂವ್ ಆಯ್ತಾರಾಚೆಂ ವಸ್ತುಂಚೆಂ ಎಲಾಂ ಯಶಸ್ವಿ ಜಾಲೆಂ.

 Photo Gallery's:  👉🏻 https://photos.app.goo.gl/RvPopcrPHEfUbDmt9