ಹ್ಯಾ ಕಾರ್ಯಾಕ್ ಫಿರ್ಗಜೆಚ್ಯೆ ವಿಗಾರ್ ಬೊ| ಮಾ| ಬಾ| ಐವನ್ ಮೈಕಲ್ ರೊಡ್ರಿಗಸ್ ತಶೆಂಚ್ ಸಾಂ ರೀತಾ ಆಂಗ್ಲ ಮಾಧ್ಯಮಾಚೆ ಮುಕೆಲ್ ಮೆಸ್ತ್ರಿ ಬಾ‌‌| ಅಮಿತ್ ರೊಡ್ರಿಗಸ್ ಹಜಾರ್ ಆಸೊನ್ ಹಾಂಕಾ ಪಾನ್-ಪೊಡ್ ಉದಾಕ್ ದೀವ್ನ್ ಯೆವ್ಕಾರ್ ಮಾಗ್ಲೊ. 

          ಮಾಗ್ಣ್ಯಾ ವಿಧಿ ದ್ವಾರಿಂ ಕಾರ್ಯೆಂ ಆರಂಭ್ ಕರ್ನ್ ವೆದಿಚೆರ್ ಹಜಾರ್ ಆಸ್‌ಲ್ಲ್ಯಾ ಯಾಜಾಕ್ ಬಾಪಾಂನಿ ಫಿಂಗಾರಿ ಫುಟೊವ್ನ್ ಕಾರ್ಯಾಚೆಂ ಉದ್ಘಾಟನ್ ಕೆಲೆಂ. ಉಪ್ರಾಂತ್ ಯಾಜಕ್ ಬಾಪಾನಿಂ ಸ್ತ್ರಿಯಾನಿಂ ಕಳ್ಮಿತ್ ನಾಸ್ತಾನಾ ಕುಟ್ಮಾಂತ್ ದಿಂವ್ಚ್ಯಾ ಸೆವೆ ವಾವ್ರಾಕ್ ಶಾಭಾಸ್ಕಿ ಪಾಠವ್ನ್ ಕಾರ್ಯಾಕ್ ಬರೆಂ ಮಾಗ್ಲೆಂ. 

     ಸ್ತ್ರೀ ಸಂಘಟನಾಚ್ಯಾ ಸರ್ವ್ ಸ್ತ್ರೀಯಾನಿಂ ತಾಂಚ್ಯಾ ತಾಂಚ್ಯಾ ಹಿತ್ಲಾಂನಿ ಆಸ್‌ಲ್ಲಿ ರಾಂದ್ವಾಯ್ ಸಾಂಗಾತಾ ಘಾಲ್ನ್ ಸುಮಾರ್ 35 ರೀತಿಚಿ ರಾಂದ್ಪಾ ಕರ್ನ್ ಹಾಡ್‌ಲ್ಲಿಂ. 

        ಉಪ್ರಾಂತ್ ಯಾಜಕ್ ಬಾಪಾಂ ಸವೆಂ ಸಾಂಗಾತಾ ಮೆಳೊನ್ ಸರ್ವ್ ಸ್ತ್ರೀಯಾನಿಂ ಜೆವಾಣ್ ಸೆವ್ನ್ ಮಾನ್ಸೂನ್ ಮಿಲನ್ ಹಾಚಿ ಸೊಬಾಯ್ ದೊಡ್ತಿ ಕೆಲಿ. 

       ಸ್ತ್ರೀ ಸಂಘಟನ್ ಅಧ್ಯಕ್ಷಿಣ್ ಮೀರಾ ಗೊನ್ಸಾಲ್ವಿಸ್ ಹಾಣಿಂ ಜಮ್ಲೆಲ್ಯಾ ಸರ್ವಾಂಕ್ ಸ್ವಾಗತ್ ಕೆಲೆಂ. ಕಾರ್ಯದರ್ಶಿ ವಿನುತಾ ವೇಗಸ್ ಹಾಣಿಂ ಸಹಾಕಾರ್ ದಿಲ್ಲ್ಯಾ ಸರ್ವಾಂಚೊ ಉಪ್ಕಾರ್ ಬಾವುಡ್ಲೊ. ಸಹಾಕಾರ್ಯದರ್ಶಿ ಜೆಸಿಂತಾ ಮಸ್ಕರೇನ್ಹಸ್ ಹಾಣಿಂ ಕಾರ್ಯೆಂ ಚಲವ್ನ್ ವೆಲೆಂ.

        ಅಶೆಂ ಸರ್ವ್ ಸ್ತ್ರೀಯಾಂಚ್ಯಾ ಸಹಕಾರನ್ ಮಾನ್ಸೂನ್ ಮಿಲನ್ ಕಾರ್ಯೆಂ ಯಶಸ್ವೆನ್ ಸಂಪ್ಲೆ