NEWS

ಮರಿಯೆಚಾ ಸ್ವರ್ಗಾವರಣ್ ಫೆಸ್ತ್ ಆನಿ ಫಿರ್ಗಜೆಚೆಂ ವೆಬ್‌ಸೈಟ್ ಉಗ್ತಾವಣ್

15-08-2024 

Vittla June 15th 2024 : ದುಖಿ ಸಾಯ್ಭಿಣ್ ಫಿರ್ಗಜ್ ವಿಟ್ಲ

ದಿನಾಂಕ್ 15/08/2024 ವೆರ್ ಬ್ರೇಸ್ತಾರಾ ಮರಿಯೆಚಾ ಸ್ವರ್ಗಾವರಣ್ ಫೆಸ್ತಾ ಮಿಸಾ ಉಪ್ರಾಂತ್ ಸಾಮಾಜಿಕ್ ಸಂಪರ್ಕ್ ಆಯೊಗಾಚ್ಯಾ (ಸಾಕ್ಸ್ ಆಯೊಗ್ ಪಂಗ್ಡಾಚಾ) ಮುಖೆಲ್ಪಣಾರ್, ಐಸಿವೈಯಂ ವಿಟ್ಲ ಘಟಕಾಚ್ಯಾ ಸಹಕಾರಾನ್ ಫಿರ್ಗಜೆಚೆಂ ವೆಬ್‌ಸೈಟ್, ಫಿರ್ಗಜ್ ವಿಗಾರ್ ಬೊ|ಮಾ| ಐವನ್ ಮೈಕಲ್ ರೊಡ್ರೀಗಸ್ ಬಾಪಾನಿಂ ಉಗ್ತಾವಣ್ ಕೆಲೆಂ. ಹ್ಯಾ ಕಾರ್ಯಾಂತ್ ಗೊವ್ಳಿಕ್ ಪರಿಷದೆಚೊ ಉಪಾಧ್ಯಕ್ಷ್ ವಿಜಯ್ ಪಾಯ್ಸ್, ಆಯೊಗ್ ಸಂಯೋಜಕ್ ಲೂವಿಸ್ ಮಸ್ಕರೇನಸ್, ಸಾಕ್ಸ್ ಆಯೊಗ್ ಪಂಗ್ಡಾಚೊ ಸಂಚಾಲಕ್ ಮಾನೆಸ್ತ್ ರೊಬರ್ಟ್ ಮಸ್ಕರೇನಸ್, ಐಸಿವೈಯಂ ಅಧ್ಯಕ್ಷ್ ವಿಲ್ಸನ್ ಡಿಸೋಜಾ, ವೆದಿಚೆರ್ ಹಾಜರ್ ಅಸ್‌ಲ್ಲೆ.

ಫಿರ್ಗಜೆಚಿ ಚರಿತ್ರಾ, ಸಂಘಟನಾಂಚ್ಯೊ ಚಟುವಟಿಕೊ, ಫಿರ್ಗಜೆಚ್ಯೊ ಖಬ್ರೊ ಹ್ಯಾ ವೆಬ್‌ಸೈಟಿರ್ ಅಸ್ತೆಲ್ಯೊ. ತಶೆಂಚ್ ಶತಮಾನೊತ್ಸವಾಚೊ ಸೊವಿನಾರ್ PDF ಪ್ರತಿ ವೆಬ್‌ಸೈಟಿರ್ ಮೆಳ್ತೆಲಿ ಮ್ಹಣ್ ತಿಳ್ಸಿಲೆಂ.

ತಶೆಂಚ್ ಹಾಚೆ ಪಾಟ್ಲ್ಯಾನ್ ವಾವ್ರ್ ಕೆಲ್ಲ್ಯಾ ಪ್ರಿತೇಶ್ ಲೋಬೊ, ವಿನಯ್ ಡಿಸೋಜಾ ಆನಿ ಪ್ರೀತಿ ಪಿಂಟೊಚೊ ಉಪ್ಕಾರ್ ಬಾವುಡ್ಲೊ  ಆನಿ ಸರ್ವಾಂಕ್ ದನ್ಯವಾದ್ ಪಾಟಯ್ಲೆಂ.

ಪ್ರಾನ್ಸಿಸ್ ಮಸ್ಕರೇನಸಾನ್ ಕಾರ್ಯೆಂ ಚಲವ್ನ್ ವೆಲೆಂ.