7:30 ವರಾರ್  ಪವಿತ್ರ್ ಮಿಸಾಚೆ ಪ್ರಧಾನ್ ಯಾಜಕ್ ಜಾವ್ನ್ ಫಿರ್ಗಜ್ ವಿಗಾರ್ ಬೊ | ಮಾ| ಬಾ| ಐವನ್ ಮೈಕಲ್ ರೊಡ್ರಿಗಸ್ ಹಾಣಿಂ ಭೆಟಯ್ಲೆಂ. ಫಿರ್ಗಜ್ ಗೊವ್ಳಿಕ್ ಪರಿಷದೆಚ್ಯಾ ಸಾಂದ್ಯಾನಿ ಮಿಸಾಚೆರ್ ದೇವಸ್ತುತಿ ಚಲವ್ನ್ ವರ್ನ್ ಕಾಣಿಕೊ ಅರ್ಪುನ್ ಭಕ್ತೀನ್ ವಾಂಟೊ ಘೆತ್ಲೊ. ಉಪ್ರಾಂತ್ ವಿಗಾರ್ ಬಾಪಾನಿಂ ಸರ್ವ್ ಫಿರ್ಗಜ್ಗಾರಾಂಕ್ ನವ್ಯಾ ವರ್ಸಾಚೆ ಶುಭಾಶಯ್ ಪಾಠಯ್ಲೆಂ.  ಆನಿ ಸಹಾಕಾರ್ ದಿಲ್ಲ್ಯಾ ಸರ್ವಾಂಚೊ ಮನಪೂರ್ವಕಿ ಉಪ್ಕಾರ್ ಬಾವುಡ್ಲೊ.

      ಮಿಸಾ ಉಪ್ರಾಂತ್ ICYMಚಾ ಮುಖೆಲ್ಪಣಾರ್ ಹೌಸಿ-ಹೌಸಿ ತಶೆಂಚ್ ಸಾಂಸ್ಕಾತಿಕ್ ಕಾರ್ಯೆಂ ಮಾಂಡುನ್ ಹಾಡ್ಲೆo. ಸಂಭ್ರಮಾಚ್ಯಾ ವೆದಿಕಾರ್ಯಾಂತ್ ಪಾಟ್ಲ್ಯಾ ಅವ್ದೆಂತ್ ಸೆವಾ ದೀವ್ನ್ ನಿರ್ಗಮಿತ್ ಜಾಲ್ಲ್ಯಾ ಉಪಾಧ್ಯಕ್ಷ್ ವಿಜಯ್ ಪಾಯ್ಸ್, ಕಾರ್ಯದರ್ಶಿ ಶ್ವೇತಾ ಪಾಯ್ಸ್, ಆಯೋಗ್ ಸಂಯೋಜಕ್ ರೊಬರ್ಟ್ ಮಸ್ಕರೇನಸ್, ಕ್ರೀಸ್ತೀಶಿಕ್ಷಣ್ ಸಂಚಾಲಕಿ ಹೆಲೆನ್ ಪುಡ್ತಾದೊ, ವಾಡ್ಯಾ ಗುರ್ಕಾರ್ನ್ ಜಾನೆಟ್ ಲೋಬೊ ತಶೆಂಚ್ 12 ವರ್ಸಾಂ ಥಾವ್ನ್ ಫಿರ್ಗಜೆಂತ್ ಸೆವಾ ದೀವ್ನ್ ಆಸ್ಚೊ ಪ್ರಕಾಶ್ ಡಿಸೋಜ ಹಾಂಕಾ ಸರ್ವಾಂಕ್ ಸನ್ಮಾನ್ ಕೆಲೊ.

      ತಶೆಂಚ್ ಮುಕ್ಲ್ಯಾ ಅವ್ದೆಕ್ ನವ್ಯಾನ್ ವಿಂಚೊನ್ ಆಯಿಲ್ಲ್ಯಾ ಉಪಾಧ್ಯಕ್ಷ್ ವಲೇರಿಯನ್ ವೇಗಸ್, ಕಾರ್ಯದರ್ಶಿ ಸೆಲೆಸ್ತೀನ್ ಪಿಂಟೊ, ಆಯೋಗ್ ಸಂಯೋಜಕಿ ಜೆಸಿಂತಾ ಫೆರ್ನಾಂಡಿಸ್ ಹಾಂಕಾ ವಿಗಾರ್ ಬಾಪಾನಿಂ ಉಲ್ಲಾಸ್ ಪಾಠಯ್ಲೆಂ. 

        ಉಪ್ರಾಂತ್ ICYM ತಶೆಂಚ್ YCS ಚ್ಯಾ ಮುಕೆಲ್ಪಣಾರ್ ಚಲವ್ನ್ ವೆಲ್ಲ್ಯಾ ಸ್ಪರ್ಧ್ಯಾಂಚಿ ಬಹುಮಾನಾಂ ವಿತರಣ್ ಕೆಲಿಂ. ಸರ್ವ್ ಫಿರ್ಗಜ್ಗಾರಾಂನಿ ಎಕಾಮೆಕಾ ನವ್ಯಾ ವರ್ಸಾಚೆ ಶುಭಾಶಯ್ ಪಾಠವ್ನ್ ಫಳ್ಹಾರ್ ಸೇವ್ನ್  ನವ್ಯಾ ವರ್ಸಾಚೊ ಸಂತೊಸ್ ದೊಡ್ತೊ ಕೆಲೊ.

 Photo Gallery's:  👉🏻 https://photos.app.goo.gl/aztiKGcqzEiQoc6D8 ‌

                                                  https://photos.app.goo.gl/zdvd31PWqzZ6opN1A