ಸಾಂಜೆರ್ 4: 00 ವರಾರ್ ವಾಡ್ಯಾಗಾರಾಂಕ್ ತೊಡೆ ಖೆಳ್ ಮಾಂಡುನ್ ಹಾಡ್ಲೆ  ಆನಿ 6:30 ವರಾರ್ ತೇರ್ಸ್ ಆನಿ ಮಾಗ್ಣೆಂ ಚಲೊವ್ನ್ ವೆಲೆಂ 7:00 ವರಾಂಕ್ ಶ್ರೀಮಾನ್ ಆಲ್ಬರ್ಟ್ ಲೂವಿಸಾಚಾ ಘರಾ ಫೆಸ್ತಾಚೊ ಸಂಭ್ರಮ್ ಆಸಾ ಕೆಲೊ. ಹ್ಯಾ ಸಂಭ್ರಮಾಂತ್ ವಾಡ್ಯಾಗಾರಾಂ ಸಾಂಗಾತಾ 8 ವಾಡ್ಯಾಚ್ಯಾ ಗುರ್ಕಾರಾನಿಂ ವಾಂಟೊ ಘೆತ್ಲೊ.

ಸುರ್ವೆರ್ ವಾಂಜೆಲಾಕ್ ಮಾನ್ ಕರ್ನ್, ಮಾಗ್ಣ್ಯಾ ವಿಧಿ  ಚಲವ್ನ್ ವ್ಹೆಲಿ. ಫೆಸ್ತ್ ಸಂಭ್ರಮ್ ಕಾರ್ಯಾಚ್ಯಾ ವೆದಿರ್ ಫಿರ್ಗಜ್ ವಿಗಾರ್ ಬೊ| ಮಾ| ಬಾ| ಐವನ್ ಮೈಕಲ್ ರೊಡ್ರೀಗಸ್, ಗೊವ್ಳಿಕ್ ಪರಿಷದೆಚೊ ಉಪಾಧ್ಯಕ್ಷ್ ವಿಜಯ್ ಪಾಯ್ಸ್, ಕಾರ್ಯದರ್ಶಿ ತೋಮಸ್ ಮಸ್ಕರೇನಸ್, ಲ್ಹಾನ್ ಕ್ರೀಸ್ತಾಂವ್ ಸಮುದಾಯ್ ಸಂಚಾಲಕ್ ಮಾನೆಸ್ತ್ ಪ್ರಾನ್ಸಿಸ್ ಮಸ್ಕರೇನಸ್, ಸಿ| ಜಾನೆಟ್, ಸಿ| ಮೌನಿಕಾ ಹಾಜರ್ ಆಸ್‌ಲ್ಲಿ. 

ವಾಡ್ಯಾಚಿ ಕಾರ್ಯದರ್ಶಿ ಡೀನಾ  ಡಿಸೋಜಾನ್ ಅದ್ಲ್ಯಾ ಫೆಸ್ತಾ ಉಪ್ರಾಂತ್ ಹ್ಯಾ ಫೆಸ್ತಾ ಮ್ಹಣಸರ್ ವಾಡ್ಯಾಚ್ಯಾ ಚಟುವಟಿಕೆಂಚಿ ವರ್ದಿ ಮಂಡನ್ ಕೆಲಿ. ತಶೆಂಚ್ ಕಾರ್ಯಾಚಾ ಮದೆಂ‌ ಹೌಸಿ ಆನಿ ಹೌಸಿ ಆನಿ ತೊಡೆ ಲಕ್ಕಿ ಗೇಮ್ ಅಸಾ ಕೆಲೆ. ಖೆಳಾಂತ್ ಆನಿ ಲಕ್ಕಿ ಗೇಮಾಂತ್ ವಿಜೇತಾಂಕ್ ವೇದಿರ್ ಅಸ್‌ಲ್ಲ್ಯಾ ಸಯ್ರ್ಯಾನಿಂ ಬಹುಮಾನ್ ವಿತರಣ್ ಕೆಲೆಂ.

ವಿಗಾರ್ ಬಾಪಾನಿ  ಅಪ್ಲ್ಯಾ ಸಂದೇಶಾಂತ್ ವಾಡ್ಯಾಗಾರಾಂಚ್ಯಾ ವಾವ್ರಾಕ್ ಶಾಬಾಸ್ಕಿ ಪಾಟಯ್ಲಿ ಆನಿ ವಾಡೊ ಕಸೊ ಬಾಂದುಂನ್ ಹಾಡ್ಚೊ ಆನಿ ಸೆಜಾರಾ ಸಾಂಗಾತಾ ಸಂಬಂಧ್ ಕಸೊ ದವ್ರುಂಕ್ ಜಾಯ್ ಮ್ಹಣ್ ತಿಳ್ಸಿಲೆಂ. ಮಾನೆಸ್ತ್ ಪ್ರಾನ್ಸಿಸ್ ಮಸ್ಕರೇನಸಾನ್ ಮರಿಯೆಚಾ ಜಿಣ್ಯೆ ವಿಶ್ಯಾಂತ್ ವಿಸ್ತಾರೊನ್ ಸಾಂಗ್ಲೆಂ, ಉಪಾಧ್ಯಕ್ಷ್ ವಿಜಯ್ ಪಾಯ್ಸಾನ್ ವಾಡ್ಯಾಗಾರಾಂಕ್ ಫೆಸ್ತಾಚೆ ಶುಭಾಶಯ್ ಪಾಟಾಯ್ಲೆಂ. ತಶೆಂಚ್ ಫಿರ್ಗಜೆಚಾ ಸರ್ವ್ ಗುರ್ಕಾರಾಂ ತರ್ಫೆನ್ ಶ್ರೀ ಮನೋಹರ್ ಲ್ಯಾನ್ಸಿ ಡಿಸೋಜಾನ್ ವಾಡ್ಯಾಗಾರಾಂ ಸಾಂಗಾತಾ ಮೆಳೊನ್ ಎಕ್ವಟಿತ್ ವಾಡೊ ಕಸೊ ಬಾಂದುಂಕ್ ಜಾಯ್ ಮ್ಹಣ್ ಅಪ್ಲಿ ಬೊಗ್ಣಾಂ ಉಚಾರ್ಲಿಂ 

ಉಪ್ರಾಂತ್ ಪಾಟ್ಲ್ಯಾ ಅವ್ದೆಂತ್ ಗುರ್ಕಾರ್ನ್ ಜಾವ್ನ್ ಸೆವಾ ದಿಲ್ಲ್ಯಾ ಶ್ರೀಮತಿ ಆಲಿಸ್ ಡಿಸೋಜಕ್ ಸನ್ಮಾನ್ ಕೆಲೊ. ತಶೆಂಚ್ ವಾಡ್ಯಾಂತ್ ಪ್ರತಿಭಾನ್ವಿತ್ ಭುರ್ಗ್ಯಾಂಕ್ ಅನಿ ಪ್ರಾಯ್ವಂತಾಕ್ ಮಾನ್ ಕೆಲೊ. 

ವಾಡ್ಯಾಚೊ ಗುರ್ಕಾರ್  ಶ್ರೀ ರಿಚ್ಚರ್ಡ್ ಡಿಸೋಜನ್ ಸ್ವಾಗತ್ ಕೆಲೆಂ, ವಾಡ್ಯಾಚಿ ಪ್ರತಿನಿಧಿ ಶ್ರೀಮತಿ ಮೋಲಿ ಡಿಸೋಜನ್ ದನ್ಯವಾದ್ ಪಾಟಯ್ಲೆಂ. ಕುಮಾರಿ ವಿಯೋಲಾ ಮೆಲಿಶಾ ಡಿಸೋಜನ್ ಕಾರ್ಯೆಂ ಚಲವ್ನ್ ವೆಲೆಂ. ವಾಡ್ಯಾಗಾರಾಂನಿ ಗೀತಾಂ, ನಾಚ್ ಅನಿಂ ಸಂಭ್ರಮಾಚ್ಯಾ ಜೆವ್ಣಾನ್ ಫೆಸ್ತಾಚೊ ಸಂಭ್ರಮ್ ದೊಡ್ತೊ ಕೆಲೊ.