‎ ಜೆಜುಚ್ಯಾ ಜಲ್ಮಾಚ್ಯಾ ಜುಬ್ಲೆವ್ ವರ್ಸಾ ಭರ್ವಶ್ಯಾಚಿಂ ಯಾತ್ರಿಕಾಂ, ಜೆಜುಚ್ಯಾ ಪವಿತ್ರ್ ಕಾಳ್ಜಾ  ಮುಖಾಂತ್ರ್ ಜಾಲ್ಲ್ಯಾ ಸರ್ವ್ ಬರೆಪಣಾ ಖಾತಿರ್ ಜೆಜುಚ್ಯಾ ಪವಿತ್ರ್ ಕಾಳ್ಜಾಚ್ಯಾ  ಇಮಾಜಿಕ್ ಫುಲಾಂ ಗಾಲ್ನ್  ಸಕಾಳಿಂ 7:00 ವರಾಂಚೆರ್ ಪವಿತ್ರ್ ಮಿಸಾಚೆಂ ಬಲಿದಾನ್ ಭೆಟಯ್ಲೆಂ. ಹ್ಯಾ ಮಿಸಾ ವೆಳಾರ್ ಪವಿತ್ರ್ ಕಾಳ್ಜಾ  ವಾಡ್ಯಾಗಾರಾಂನಿ ದೇವ್ ಸ್ತುತಿ ಚಲವ್ನ್ ವೆಲಿ. ಆನಿ ಸರ್ವ್ ವಾಡ್ಯಾಗಾರಾಂನಿ ಕಾಣಿಕೊ ಭೆಟವ್ನ್ ಪವಿತ್ರ್ ಮಿಸಾಚ್ಯಾ ಬಲಿದಾನಾಂತ್ ಭಕ್ತಿನ್ ವಾಂಟೊ ಘೆತ್ಲೊ. 

    ದೊನ್ಪಾರಾಂ 12:00 ವರಾರ್ ಮಾನೆಸ್ತಿಣ್ ಜುಲಿಯಾನ ಲೋಬೊಚ್ಯಾ ಘರಾ ಸಂಭ್ರಮಾನ್ ಫೆಸ್ತ್ ಆಚರಣ್ ಕೆಲೆಂ. ಮಾಗ್ಣ್ಯಾ ದ್ವಾರಿ ವೆದಿ ಕಾರ್ಯೆಂ ಆರಂಭ್ ಕೆಲೆಂ ಸಾಂಗಾತಾಚ್ಚ್ ಪವಿತ್ರ್ ಪುಸ್ತಾಕಾಕ್ ಫುಲಾಂ ಅರ್ಪುನ್  ಮಾನ್ ಕೆಲೊ.   

     ಸಂಭ್ರಮಾಚಾ ವೆದಿ ಕಾರ್ಯಾಚೊ ಅಧ್ಯಕ್ಷ್ ಜಾವ್ನ್ ಫಿರ್ಗಜ್ ವಿಗಾರ್ ಬೊ|ಮಾ|ಬಾ|ಐವನ್ ಮೈಕಲ್ ರೊಡ್ರಿಗಸ್ ಹಾಣಿಂ "ಕುಟ್ಮಾಂತ್ ಮಾಲ್ಗಡ್ಯಾಂ ಥಂಯ್, ಆವಯ್ ಬಾಪಯ್ ಥಂಯ್ ಭುರ್ಗ್ಯಾಂನಿ ದಾಕೊಂವ್ಚೊ ಗೌರವ್ ಮಾನ್ ಪವಿತ್ರ್ ಕಾಳ್ಜಾಚೆ ಶೆಗುಣ್" ಮ್ಹಳ್ಳೊ ಸಂದೇಶ್ ದಿಲೊ.   

  ಮುಖೆಲ್ ಸಯ್ರೊ ಸಾಂ.ರೀತಾ ಆಂಗ್ಲ್ ಮಾಧ್ಯಮಾಚೊ ಮುಕೆಲ್ ಮೇಸ್ತ್ರಿ ಮಾ| ಬಾ| ಅಮಿತ್ ರೊಡ್ರಿಗಸ್ ಉಲೊವ್ನ್ "ಆಮಿ ವಾಡ್ಯಾಂತ್ ಜಿಯೆತಾಸ್ತಾನ ಮೋಗ್, ಬೊಗ್ಸಾಣೆಂ ಆಮ್ಚ್ಯಾ ಜಿವಿತಾಂತ್ ಅಸ್ಲ್ಯಾರ್ ವಾಡೊ ಏಕ್ ಬಲಿಷ್ಟ್ ಜಾಂವ್ಕ್ ಪಾವ್ತಾ" ಮ್ಹಣ್ ತಿಳ್ಸಿಲೆಂ.

 ಫಿರ್ಗಜ್ ಗೊವ್ಳಿಕ್ ಪರಿಷದ್ ಕಾರ್ಯದರ್ಶಿ ಶ್ವೇತಾ ಪಾಯ್ಸ್ ಹಾಣಿಂ ಜೆಜುಚೆಂ ಕಾಳಿಜ್ ದಯಾಳಾಯೆಚೆಂ ಆನಿ ಕಾಕುಳ್ತಿಚೆಂ ಮೊವಾಳಾಯೆನ್ ಭರ್ಲೆಲೆಂ, ತಸಲೆಂಚ್ ಕಾಳಿಜ್ ಆಮ್ಚೆಂ ಥಂಯ್ ರುಪಿತ್ ಜಾಂವ್ಕ್ ಜಾಯ್ ಮ್ಹಳ್ಳೊ ಸಂದೇಶ್ ದೀವ್ನ್ ಸರ್ವಾಂಕ್ ಫೆಸ್ತಾಚ್ಯೆ ಶುಭಾಶಯ್ ಪಾಠಯ್ಲೆಂ.

    ಸಾಂ ರೀತಾ ಕನ್ನಡ್ ಮಾಧ್ಯಮ್ ಇಸ್ಕೊಲಾಚಿ ಮುಕೆಲ್ ಮೆಸ್ತ್ರೀಣ್ ಸಿ| ಜಾನೆಟ್, ವಾಡ್ಯಾ ಗುರ್ಕಾರ್ ಮಾನೆಸ್ತ್ ಡೇನಿಸ್ ಲೋಬೊ   ಪ್ರತಿನಿಧಿ ಮಾನೆಸ್ತಿಣ್ ಬೆನೆಡಿಕ್ಟಾ ಡಾಯಸ್ ಆನಿ ಮಾನೆಸ್ತಿಣ್  ಆಲಿಸ್ ಲೋಬೊ ವೆದಿಚೆರ್ ಹಾಜರ್ ಆಸ್‌ಲ್ಲಿಂ. 

      ಕಥೊಲಿಕ್ ಸಭೆಚೊ ಅಧ್ಯಕ್ಷ್ ಮಾನೆಸ್ತ್ ಲೂವಿಸ್ ಮಸ್ಕರೇನಸ್,ಗೊವ್ಳಿಕ್ ಪರಿಷದೆಚೊ ಅದ್ಲೊ ಉಪಾಧ್ಯಕ್ಷ್ ಮಾನೆಸ್ತ್ ಮನೋಹರ್ ಲ್ಯಾನ್ಸಿ ಡಿಸೋಜ, ಸಾಂ ಪಾವ್ಲ್ ಕೊವೆಂತಾಚಿ ಧರ್ಮ್ ಭಯ್ಣಿಂ, ದೇವ್ ಸ್ತುತಿ ಆಯೋಗ್ ಸಂಚಾಲಕಿ ಶಾಲೆಟ್ ಪಾಯ್ಸ್, 11 ವಾಡ್ಯಾಚೆ ಗುರ್ಕಾರ್ ಆನಿ ಜೆಜುಚ್ಯಾ ಪವಿತ್ರ್ ಕಾಳ್ಜಾ ವಾಡ್ಯಾಗಾರಾಂ ಪೆಸ್ತಾಚಾ ಸಂಭ್ರಮಾಂತ್ ಹಾಜರ್ ಆಸ್‌ಲ್ಲಿಂ.

ಮಾನೆಸ್ತ್ ಕ್ಲೋಡಿ ಲೋಬೊನ್ ವಾರ್ಷಿಕ್ ವರ್ದಿ ಮಂಡನ್ ಕೆಲಿ.  ಉಪ್ರಾಂತ್  ಜಮ್ಲೆಲ್ಯಾ ಸರ್ವಾಂಕ್  ಮನೋರಂಜನ್ ಖೆಳ್ ಚಲವ್ನ್, ಜಿಕ್ಲೆಲ್ಯಾಂಕ್ ಇನಾಮಾ ವಾಂಟ್ಲಿ. 

    ವಾಡ್ಯಾಚೊ ಗುರ್ಕಾರ್ ಮಾನೆಸ್ತ್ ಡೇನಿಸ್ ಲೋಬೊನ್ ಸರ್ವ್ ಸಯ್ರ್ಯಾಂಕ್ ಸ್ವಾಗತ್ ಕೆಲೊ, ಮಾನೆಸ್ತಿಣ್ ಸೋನಿಯಾ ಲೋಬೊ  ಹಾಣಿಂ ಫೆಸ್ತಾಕ್ ಸಹಾಕಾರ್ ದಿಲ್ಲ್ಯಾ ಸರ್ವಾಂಚೊ ಮನಪೂರ್ವಕಿ ಉಪ್ಕಾರ್ ಬಾವುಡ್ಲೊ. ಜೋಸ್ಟನ್ ಲೋಬೊನ್ ಕಾರ್ಯೆಂ ಚಲವ್ನ್ ವೆಲೆಂ.

     ಫೆಸ್ತಾಚೊ ಸಂಭ್ರಮ್ ದೊಡ್ತೊ ಕರ್ಚ್ಯಾಕ್ ಸರ್ವ್ ವಾಡ್ಯಾ ಗಾರಾಂನಿ ಸಾಂಗಾತಾ ಮೆಳೊನ್  ಜೆವ್ಣಾಚಿ ಮಾಂಡಾವಳ್ ಕೆಲ್ಲಿ.

 ಅಶೆಂ ಸರ್ವಾಂಚ್ಯಾ ಸಹಕಾರಾನ್ ವಾಡ್ಯಾ ಫೆಸ್ತ್ ಭೋವ್ ಅರ್ಥಾಭರಿತ್ ರೀತಿನ್ ಆಚರಣ್ ಕೆಲೆಂ

Photo Gallery's:  👉🏻 https://drive.google.com/drive/folders/1-a530_1UOd_h34R5XitgjQrrI3DYezDP?usp=sharing