‎      ಸಕಾಳಿಂ 10:00 ವರಾರ್ ಸಂಭ್ರಮಿಕ್ ಅರ್ಗಾಂ ಮಿಸಾಚೆಂ ಬಲಿದಾನ್ ಭೆಟಯ್ಲೆಂ. ಹ್ಯಾ ಮಿಸಾಚೆರ್ ಪ್ರಧಾನ್ ಯಾಜಕ್ ಜಾವ್ನ್ ಮಂಗ್ಳುರ್ ದಿಯೆಸಿಜಿಚೆ ನಿವ್ರತ್ತ್ ಗೊವ್ಳಿಬಾಪ್ ಅ|ಮಾ|ದೊ| ಲೂವಿಸ್ ಪಾವ್ಲ್ ಸೋಜ್, ಬೊ|ಮಾ|ಬಾ| ಐವನ್ ಮೈಕಲ್ ರೊಡ್ರಿಗಸ್, ಮಂಗ್ಳುರ್ ದಿಯೆಸಿಜಿಚೆ ವಿಗಾರ್ ಜೆರಾಲ್ ಮೋ| ಮ್ಯಾಕ್ಸಿಮ್ ನೊರೊನ್ನಾ, ವಾರಾಡ್ಯಾಚೆ ಸರ್ವ್ ಯಾಜಕ್ ಆನಿ ಇತರ್ ಸಯ್ರೆ ಯಾಜಕ್ ಬಾಪ್ ಸಹಾ ಭೆಟವ್ಣೆಂತ್ ವಾಂಟೆಲಿ ಜಾಲೆ.

     ಮೊ| ಮ್ಯಾಕ್ಸಿಮ್ ನೊರೊನ್ನಾ ಬಾಪಾನಿಂ ಎಕಾ ಯಾಜಕಾಕ್ ಆಪ್ಲ್ಯಾ ದಿನಚರೆಂತ್ ಜಾಯ್ತೆಂ ಆಯ್ಕೊಂಕ್ ವಾ ಬೊಗುಂಕ್ ಮೆಳ್ತಾ. ಹ್ಯಾ ಸರ್ವಾಚೆರ್ ಬಾವಾಡ್ತಾನ್ ದೆವಾಚೆರ್, ಆಪ್ಣಾಕ್ ಆಪವ್ಣೆಂ ದಿಲ್ಲ್ಯಾ ಕ್ರೀಸ್ತಾಚೆರ್ ಪಾತ್ಯೆಣಿ ದವರುನ್ ಮುಂದರುಂಕ್ ಆಸಾ ಮ್ಹಳ್ಳೊ ಸಂದೇಶ್ ದಿಲೊ.  

      ಉಪ್ರಾಂತ್ ಶತಮಾನೋತ್ಸವ್ ಸ್ಮಾರಕ್ ಸಮುದಾಯ್ ಭವನಾಂತ್ ಚಲ್‌ಲ್ಲ್ಯಾ ಉಲ್ಲಾಸುಂಚಾ ಕಾರ್ಯಾಂತ್ ವೈ.ಸಿ.ಎಸ್ ಭುರ್ಗ್ಯಾಂನಿ ಜಮ್ಲೆಲ್ಯಾ ಸರ್ವಾಂಕ್ ಸ್ವಾಗತ್ ನೃತ್ಯಾ ಮುಕಾಂತ್ರ್ ಸ್ವಾಗತ್ ಕೆಲೊ. ವೆದಿ ಕಾರ್ಯಾಕ್ ಅಧ್ಯಕ್ಷ್ ಜಾವ್ನ್ ಮೊ| ಮ್ಯಾಕ್ಸಿಮ್ ನೊರೊನ್ನಾ, ಮುಕೆಲ್ ಸಯ್ರೆ ಜಾವ್ನ್ ಹೈ ಕೋರ್ಟಾಚೆ ನಿವೃತ್ತ್ ಜಡ್ಜ್ ಮಾನೆಸ್ತ್ ಜೋನ್ ಮೈಕಲ್ ಡಿಕುನ್ನಾ, ಬಾ| ಸುನಿಲ್ ಪ್ರವೀಣ್ ಪಿಂಟೊ, ವಿಗಾರಾಚೆ ಭಾವ್ ಮಾನೆಸ್ತ್ ವಿನ್ಸೆಂಟ್ ರೊಡ್ರಿಗಸ್ ಹಾಜರ್ ಆಸ್‌ಲ್ಲೆ. 

     ಮಾ| ಸುನಿಲ್ ಪ್ರವೀಣ್ ಪಿಂಟೊ ಬಾಪಾನಿಂ ಪ್ರಾಸ್ತಾವಿಕ್ ಉತ್ರಾಂ ಉಲೊವ್ನ್  ಬಾ| ಐವನಾಕ್ ಬರೆಂ ಮಾಗ್ಲೆಂ. ಫಿರ್ಗಜೆಚೊ ಉಪಾಧ್ಯಕ್ಷ್ ಮಾನೆಸ್ತ್ ವಿಜಯ್ ಪಾಯ್ಸಾನ್ ಮಾನ್ ಪತ್ರ್ ವಾಚ್ಲೆಂ. 

ವಿಗಾರ್ ಜೆರಾಲ್ ಮೊ| ಮ್ಯಾಕ್ಸಿಂ ನೊರೊನ್ಹ ಆನಿ ವೆದಿರ್ ಆಸ್‌ಲ್ಲ್ಯಾ ಸರ್ವ್ ಸಯ್ರ್ಯಾನಿಂ ಸಾಂಗಾತಾ ಮೆಳೊನ್ ಬಾ| ಐವನಾಕ್ ಸನ್ಮಾನ್ ಕೆಲೊ

.ಉಪ್ರಾಂತ್, ಪಾಟ್ಲ್ಯಾ ಸ ವರ್ಸಾಂ ಥಾವ್ನ್ ಸಾಂ ರೀತಾ ಇಸ್ಕೊಲಾಚೆ ಮುಕೆಲ್ ಮೇಸ್ತ್ರಿ ಜಾವ್ನ್ ಸೆವಾ ದಿಲ್ಲೆ ಮಾ| ಬಾ| ಸುನಿಲ್ ಪ್ರವೀಣ್ ಪಿಂಟೊ, ಕಡಬ st. Anns ಇಸ್ಕೊಲಾಕ್ ವರ್ಗ್ ಜಾವ್ನ್ ವೆಚಾ ಸಂದರ್ಭಾರ್ ತಾಂಚಿ ಸೆವಾ ಮಾನುನ್ ಘೆವ್ನ್ ತಾಂಕಾ ಸನ್ಮಾನ್ ಕೆಲೊ.

 ತಶೆಂಚ್ ಸಾಂ ಪಾವ್ಲ್ ಕೊವೆಂತಾಚಿ ಧರ್ಮ್ ಭಯ್ಣಿಂ ಸಿ| ರೆಮೆಡಿಯಾ ಗೊಮ್ಸ್ ಆನಿ ಸಿ| ಕ್ರಿಸ್ಟೀ ವರ್ಗ್ ಜಾವ್ನ್ ವೆಚಾ ಸಂದರ್ಭಾರ್ ತಾಂಚಿ ಸೆವಾ ಮಾನುನ್ ಘೆವ್ನ್ ತಾಂಕಾಯೀ ಸನ್ಮಾನ್ ಕೆಲೊ.  

ಮೊ|ಮ್ಯಾಕ್ಸಿಮ್  ನೊರೊನ್ನಾ ಆನಿ ಮಾನೆಸ್ತ್ ಜೋನ್ ಮೈಕಲ್ ಡಿಕುನ್ನಾ ಹಾಣಿಂ ಬಾ|ಐವನಾಕ್ ಶುಭಾಶಯ್ ಪಾಠಯ್ಲೆ. 

    ಉಪ್ರಾಂತ್ ಬಾ| ಐವನ್ ಹಾಣಿಂ ತಾಂಚಾ ದೇವ್ ಆಪೊವ್ಣ್ಯಾ ಪಾಸೊತ್ ದೆವಾಕ್  ಅರ್ಗಾಂ ದೀವ್ನ್ ಪಾಟ್ಲ್ಯಾ ಪಂಚ್ವಿಸ್ ವರ್ಸಾಂಚಾ ಯಾಜಕೀ ಜಿವಿತಾಂತ್ ಕುಮೊಕ್ ಕೆಲ್ಲ್ಯಾ ಸರ್ವಾಂಚೊ ಉಪ್ಕಾರ್ ಬಾವುಡ್ಲೊ ತಶೆಂಸ್  ರುಪ್ಯೊತ್ಸವಾಕ್ ಸಹಕಾರ್ ದಿಲ್ಲ್ಯಾ ಸರ್ವಾಂಚೊ ಮನಪೂರ್ವಕಿ ಉಪ್ಕಾರ್ ಬಾವುಡ್ಲೊ ಆನಿ ಜುಬ್ಲೆವಾಚಾ ಉಗ್ಡಾಸಾಕ್ ಫಿರ್ಗಜೆಚಿ ಟೆಲೆಪೋನ್ ಡೈರೆಕ್ಟರಿ ಉಗ್ತಾವಣ್ ಕೆಲಿ.

      ವೆದಿಚೆರ್ ಕೊವೆಂತಾಚಿ ವಡಿಲ್ನ್ ಸಿ| ರೆಮಿಡಿಯಾ ಗೋಮ್ಸ್, ಫಿರ್ಗಜ್ ಗೊವ್ಳಿಕ್ ಪರಿಷದೆಚೊ ಉಪಾಧ್ಯಕ್ಷ್ ಮಾನೆಸ್ತ್ ವಿಜಯ್ ಪಾಯ್ಸ್, ಕಾರ್ಯದರ್ಶಿ ಶ್ವೆತಾ ಪಾಯ್ಸ್, ಆಯೋಗ್ ಸಂಯೋಜಕ್ ರೊಬರ್ಟ್ ಮಸ್ಕರೇನಸ್ ತಶೆಂಚ್ ರುಪ್ಯೋತ್ಸವ್ ಸಮಿತಿ ಸಂಚಾಲಕ್ ಮಾನೆಸ್ತ್ ಲೂವಿಸ್ ಮಸ್ಕರೇನಸ್, ಕಾರ್ಯದರ್ಶಿ ತೋಮಸ್ ಮಸ್ಕರೇನಸ್ ಹಾಜರ್ ಅಸ್‌ಲ್ಲೆ. ಫಿರ್ಗಜ್ ಗೊವ್ಳಿಕ್ ಪರಿಷದೆಚಿ ಕಾರ್ಯದರ್ಶಿ  ಮಾನೆಸ್ತಿಣ್ ಶ್ವೇತಾ ಪಾಯ್ಸಾನ್ ಕಾರ್ಯಾಕ್ ಹಾಜರ್ ಜಾವ್ನ್ ಕಾರ್ಯಾಕ್ ಸೊಬಾಯ್ ಹಾಡ್‌ಲ್ಲ್ಯಾ ಸರ್ವ್ ಯಾಜಕಾಂಚೊ ಧಾರ್ಮಿಕ್ ಭಯ್ಣ್ಯಾಂಚೊ ವಿಗಾರ್‌ ಬಾಪಾಂಚಾ ಕುಟ್ಮಾದಾರಾಂಚೊ ಆನಿ ಸಯ್ರ್ಯಾಂಚೊ ಕಾರ್ಯಾಕ್ ಆಧಾರ್ ದಿಲ್ಲ್ಯಾ ಫಿರ್ಗಜ್‌ಗಾರಾಂಚೊ ಆನಿ ಸರ್ವಾಂಚೊ ಉಪ್ಕಾರ್ ಬಾವುಡ್ಲೊ ಆನಿ ಧನ್ಯವಾದ್ ಪಾಠಯ್ಲೆಂ.

     ಮಾನೆಸ್ತ್ ಮನೋಹರ್ ಲ್ಯಾನ್ಸಿ ಡಿಸೋಜ ಆನಿ ಮಾನೆಸ್ತಿಣ್ ಫ್ಲವಿಟಾ ವೇಗಸ್ ಹಾಣಿಂ ಕಾರ್ಯೆಂ ಚಲವ್ನ್ ವೆಲೆಂ ಆನಿ ಫಿರ್ಗಜ್ ಗೊವ್ಳಿಕ್ ಪರಿಷದೆಚ್ಯಾ ಜುಬ್ಲೆವ್ ಸಮಿತಿಚ್ಯಾ ಮುಖೆಲ್ಪಣಾರ್ ಜೆವ್ಣಾಚಿ ಮಾಂಡವಳ್ ಆಸಾ ಕೆಲ್ಲಿ.  ಸರ್ವಾಂನಿ ವಿಗಾರ್ ಬಾಪಾಂಕ್ ಉಲ್ಲಾಸ್ ಪಾಠವ್ನ್ ಜೆವಾಣ್ ಸ್ವೀಕಾರ್ ಕರ್ನ್ ರುಪ್ಯೊತ್ಸವಾಚೊ ಸಂಭ್ರಮ್ ದೊಡ್ತೊ ಕೆಲೊ.

Photo Gallery's:  👉🏻 https://photos.app.goo.gl/VkR2Ungm8ZxMtzMx5

👉🏻 https://drive.google.com/drive/folders/1DhIG1MXmZKa3obzMhnsNHF9cO1kek-Fe?usp=sharing