ಫಿರ್ಗಜ್ ಗೊವ್ಳಿಕ್ ಪರಿಷದ್, ಕಥೊಲಿಕ್ ಸಭಾ ವಿಟ್ಲ ಘಟಕ್, ನೀತ್ ಅನಿ ಶಾಂತಿ ಆಯೋಗ್ ಸಾಂಗಾತಾ ಮೆಳೊನ್ ಮಾಹೆತ್ ಕಾರ್ಯೆಂ ಮಾಂಡುನ್ ಹಾಡ್ಲೆಂ.

​ಹ್ಯಾ ಮಾಹೆತ್ ಕಾರ್ಯಾಚ್ಯಾ ವೆದಿಚೆರ್ ಅಧ್ಯಕ್ಷ್ ಫಿರ್ಗಜ್ ವಿಗಾರ್ ಮಾ|ಬಾ| ಮೈಕಲ್ ಲೋಬೊ, ಸಾಂ ರೀತಾ ಆಂಗ್ಲ ಮಾಧ್ಯಮಾಚೆ ಮುಖೇಲ್ ಮೇಸ್ತ್ರಿ ಮಾ|ಬಾ| ಅಮಿತ್ ರೊಡ್ರಿಗಸ್ ಸಂಪನ್ಮೂಲ್ ವ್ಯಕ್ತಿ ಜಿಲ್ಲಾ SIR  ತರ್ಭೆತ್‌ ದಾರ್ ಅನಿ  ಉಳ್ಳಾಲ ಮಹಿಳಾ ಕಾಂಗ್ರೆಸ್ ಅಧ್ಯಕ್ಷಿಣ್ ಶ್ರೀಮತಿ ಅಮಿತಾ ಅಶ್ವಿನ್, ಫಿರ್ಗಜ್ ಗೊವ್ಳಿಕ್ ಪರಿಷದೆಚೊ ಉಪಾಧ್ಯಕ್ಷ್ ಶ್ರೀ ವಲೇರಿಯನ್ ವೇಗಸ್, ಆಯೋಗಾಂಚಿ ಸಂಯೋಜಕಿ ಶ್ರೀಮತಿ ಜೆಸಿಂತಾ ಫೆರ್ನಾಂಡಿಸ್, ಕಥೊಲಿಕ್ ಸಭೆಚೊ ಅಧ್ಯಕ್ಷ್ ಶ್ರೀ ಲೂವಿಸ್ ಮಸ್ಕರೇನಸ್, ಕಾರ್ಯದರ್ಶಿ ಶ್ರೀ ವಿಜಯ್ ಪಾಯ್ಸ್, ನೀತ್ ಅನಿ ಶಾಂತಿ ಆಯೋಗಾಚೊ ಸಂಚಾಲಕ್ ಶ್ರೀ ಜೆರೋಮ್ ಕುಟಿನ್ನಾ  ವೆದಿಚೆರ್ ಹಾಜರ್ ಆಸುನ್ ಹ್ಯಾ ಸರ್ವ್ ಮಾನಾಚ್ಯಾ ಸಯ್ರ್ಯಾಂಕ್ ಶ್ರೀ ಲೂವಿಸ್ ಮಸ್ಕರೇನಸ್ ಹಾಣಿಂ ಸ್ವಾಗತ್ ಕೆಲೆಂ.

     ಉಪ್ರಾಂತ್ ಸಂಪನ್ಮೂಲ್ ವ್ಯಕ್ತಿ ಶ್ರೀಮತಿ ಅಮಿತಾ ಅಶ್ವಿನ್ ಹಾಣಿಂ ಸರ್ವ್ ಫಿರ್ಗಜ್ಗಾರಾಂಕ್ SIR ಮ್ಹಳ್ಳಾರ್ ಕಿತೆಂ, SIR ಕಿತ್ಯಾಕ್ ಗರ್ಜೆಚೆಂ, ಎನ್ಯುಮರೇಷನ್ ಫಾರ್ಮ್ ಕಶೆಂ ಭರ್ಚೆಂ   ಎನ್ಯುಮರೇಷನ್ ಫಾರ್ಮ್ ಪಾವಿತ್ ಕರಿನಾ ಜಾಲ್ಯಾರ್ ಕಿತೆಂ ನಷ್ಟ್ ಜಾತಾ ಹ್ಯಾ ವಿಶಯಾಚೆರ್ ಸವಿಸ್ತಾರ್ ರೀತಿನ್ ಲೋಕಾಕ್ ಮಾಹೆತ್ ದಿಲಿ.

     ಉಪ್ರಾಂತ್ ವಿಗಾರ್ ಬಾಪಾಂನಿ SIR ವಿಶ್ಯಾಂತ್ ಜೊಕ್ತಿ ಮಾಹೆತ್ ಆಮ್ಕಾಂ ಲಾಬ್ಲಿ. ಆಮಿಂ ಜಾಗೃತ್ ಜಾವ್ನ್ ಆಮ್ಚೆಂ ಅಸ್ತಿತ್ವ್ ಉರೊವ್ಯಾಂ ಮ್ಹಣ್ ಸಂದೇಶ್ ದೀವ್ನ್  ಹ್ಯಾ ಶಿಬಿರಾಂ ತರ್ಫೆನ್ ವಾವುರ್ಲೆಲ್ಯಾ ಸರ್ವಾಂಚೊ ಆಬಾರ್ ಮಾಂದ್ಲೊ.

     ಉಪಾಧ್ಯಕ್ಷ್ ಶ್ರೀ ವಲೇರಿಯನ್ ವೇಗಸ್ ಹಾಣಿಂ ಹ್ಯಾ ಶಿಬಿರಾಕ್ ಸಹಕಾರ್ ದಿಲ್ಲಾ ಸರ್ವಾಂಚೊ ಉಪ್ಕಾರ್ ಬಾವುಡ್ಲೊ. ಕಾರ್ಯದರ್ಶಿ ಶಾಲೆಟ್ ಪಾಯ್ಸ್ ಹಾಣಿಂ ಕಾರ್ಯೆಂ ಚಲವ್ನ್ ವೆಲೆಂ.

     ಸರ್ವ್ ಫಿರ್ಗಜ್ಗಾರಾನಿಂ SIR ವಿಶ್ಯಾಂತ್ ಮಾಹೆತ್ ಜೋಡ್ನ್ ಕಾರ್ಯೆಂ ಯಶಸ್ವಿ ಕೆಲೆಂ

Photo Gallery's:  👉🏻 https://photos.app.goo.gl/Ddd677xgGetERAEs8