ವಿಗಾರ್ ಬೊ| ಮಾ| ಐವನ್ ಮೈಕಲ್ ರೊಡ್ರಿಗಸ್ ಬಾಪಾನಿಂ ಉದ್ಘಾಟನ್ ಕರ್ನ್ ವ್ಹಡಾ ಸಂಖ್ಯಾನ್ ಭುರ್ಗ್ಯಾನಿಂ ಭಾಷಣ್ ಸ್ಪರ್ಧ್ಯಾಕ್ ಭಾಗ್ ಘೆತ್‌ಲ್ಲ್ಯಾಕ್ ಶಾಭಾಸ್ಕಿ ಪಾಟಯ್ಲಿ, ಆನಿ ಹಾಕಾ ಕಾರಣ್‌ಕರ್ತ್ ಜಾಲ್ಲ್ಯಾ ವ್ಹಡಿಲಾಂಕ್ ಆನಿ ಕ್ರೀಸ್ತೀ ಶಿಕ್ಷಣ್ ಶಿಕಂವ್ಚ್ಯಾ ಶಿಕ್ಷಾಕಾಂಚ್ಯಾ ಸೆವೆಕ್ ಹೊಗ್ಳಿಕ್ ಉಚಾರ್ಲಿ.      

     ವಾರಾಡೊ ಭಾಷಣ್ ಸ್ಪರ್ಧ್ಯಾಚೊ ಸಂಚಾಲಕ್ ಮಾನೆಸ್ತ್ ಸಿರಿಲ್ ಪೆರಾವೊನ್ ಬಾಷಣ್ ಸ್ಪರ್ಧ್ಯಾಚಿಂ ನಿಯಮಾಂ ಭುರ್ಗ್ಯಾಂಕ್ ತಿಳ್ಸಿಲಿಂ.

     ವೆದಿರ್ ಫಿರ್ಗಜ್ ಗೊವ್ಳಿಕ್ ಪರಿಷದೆಚೊ ಉಪಾಧ್ಯಕ್ಷ್ ಮಾನೆಸ್ತ್ ವಿಜಯ್ ಪಾಯ್ಸ್, ಕಾರ್ಯದರ್ಶಿ ಶ್ವೇತಾ ಪಾಯ್ಸ್, ಆಯೋಗ್ ಸಂಯೋಜಕ್ ಮಾನೆಸ್ತ್ ರೋಬರ್ಟ್ ಮಸ್ಕರೇನಸ್ ಹಾಜರ್ ಆಸ್‌ಲ್ಲೆ.

     ಸ್ಪರ್ಧ್ಯಾಚೆ ವರಯ್ಣಾರ್ ಜಾವ್ನ್ ಮನೆಲಾ ಫಿರ್ಗಜೆಚಿ ಶಿಕ್ಷಕಿ ಶೈಲಾ ಡಿಸೋಜ, ಸಿ| ಸುಶ್ಮಿತಾ ತಶೆಂಚ್ ಮೊಗಾರ್ನಾಡ್ ಫಿರ್ಗಜೆಚಿ ಶಿಕ್ಷಕಿ ಪ್ರಮೀಳಾ ಕ್ರಾಸ್ತ ಆನಿ ಜೆಸಿಂತಾ ಡಿಕುನ್ನಾ ಹಾಣಿಂ ಸಹಕಾರ್ ದಿಲೊ. ಮಾನೆಸ್ತಿಣ್ ಅನಿತಾ ರೊಡ್ರಿಗಸ್, ಪ್ಲವಿಟಾ ಫೆರ್ನಾಂಡಿಸ್, ಮೆಲಿಶಾ ಸಿಕ್ವೇರಾ ಆನಿ‌ ಶರ್ವಿನ್ ಡಿಸೋಜಾನ್ ಸಾಂಗಾತ್ ದಿಲೊ.

     ಮಾಗ್ಣ್ಯಾ ದ್ವಾರಿಂ ಕಾರ್ಯೆಂ ಆರಂಭ್ ಕರ್ನ್ ದಿವೊ ಪೆಟವ್ನ್ ಕಾರ್ಯೆಂ ಉದ್ಘಾಟನ್ ಕೆಲೆಂ. ಹ್ಯಾ ಸ್ಪರ್ಧ್ಯಾಂತ್ 52 ಜಣಾಂ ಭುರ್ಗ್ಯಾನಿಂ ವಾಂಟೊ ಘೆತ್ಲೊ.  ಸ್ಪರ್ಧ್ಯಾಂತ್ ವಿಜೇತ್ ಜಾಲ್ಲ್ಯಾಂಕ್ ಬಹುಮಾನ್ ದೀವ್ನ್ ಉಲ್ಲಾಸ್ ಪಾಟಯ್ಲೆ, ತಶೆಂಚ್ ಭಾಗ್ ಘೆತ್‌ಲ್ಲ್ಯಾ ಸರ್ವ್ ಭುರ್ಗ್ಯಾಂಕ್ ಭುಜಾವಣೆಚಿಂ ಇನಾಮಾಂ ದಿಲಿಂ

     ಅಧ್ಯಕ್ಷ್ ಲೂವಿಸ್ ಮಸ್ಕರೇನಸಾನ್ ಸರ್ವಾಂಕ್ ಸ್ವಾಗತ್ ಕೆಲೊ. ಕಾರ್ಯದರ್ಶಿ ತೋಮಸ್ ಮಸ್ಕರೇನಸಾನ್ ಧನ್ಯವಾದ್ ಪಾಟಯ್ಲೆ. ಶ್ರೀಮತಿ ಸೆಲೆಸ್ತಿನ್ ಪಿಂಟೊನ್ ಕಾರ್ಯೆಂ ನಿರ್ವಹಣ್ ಕೆಲೆಂ.

 Photo Gallery's:  👉🏻 https://photos.app.goo.gl/UdfjjNs9LJumPLNw5