‎ ಜೆಜುಚ್ಯಾ ಜಲ್ಮಾಚ್ಯಾ ಜುಬ್ಲೆವ್ ವರ್ಸಾ ಭರ್ವಶ್ಯಾಚಿಂ ಯಾತ್ರಿಕಾಂ, ಸಾಂತ್ ಅಂತೊನಿ ಮುಖಾಂತ್ರ್ ಜಾಲ್ಲ್ಯಾ ಸರ್ವ್ ಬರೆಪಣಾ ಖಾತಿರ್ ಸಾಂತ್ ಅಂತೊನಿಚ್ಯಾ ಇಮಾಜಿಕ್ ಫುಲಾಂ ಗಾಲ್ನ್  ಸಕಾಳಿಂ 7:00 ವರಾಂಚೆರ್ ಪವಿತ್ರ್ ಮಿಸಾಚೆಂ ಬಲಿದಾನ್ ಭೆಟಯ್ಲೆಂ. 

ಹ್ಯಾ ಮಿಸಾ ವೆಳಾರ್ ಸಾಂತ್ ಅಂತೊನ್  ವಾಡ್ಯಾಗಾರಾಂನಿ ದೇವ್ ಸ್ತುತಿ ಚಲವ್ನ್ ವೆಲಿ. ಆನಿ ಸರ್ವ್ ವಾಡ್ಯಾಗಾರಾಂನಿ ಕಾಣಿಕೊ ಭೆಟವ್ನ್ ಪವಿತ್ರ್ ಮಿಸಾಚ್ಯಾ ಬಲಿದಾನಾಂತ್ ಭಕ್ತಿನ್ ವಾಂಟೊ ಘೆತ್ಲೊ. 

    ಸಾಂಜೆರ್ 6:45 ವರಾರ್ ಮಾನೆಸ್ತ್ ಜೆರೊಮ್ ವೇಗಸಾಚಾ ಘರಾ ಸಂಭ್ರಮಾನ್ ಫೆಸ್ತ್ ಆಚರಣ್ ಕೆಲೆಂ. ಮಾಗ್ಣ್ಯಾ ದ್ವಾರಿ ವೆದಿ ಕಾರ್ಯೆಂ ಆರಂಭ್ ಕೆಲೆಂ ಸಾಂಗಾತಾಚ್ಚ್ ಪವಿತ್ರ್ ಪುಸ್ತಾಕಾಕ್ ಆನಿ ಸಾಂತ್ ಅಂತೊನಿಚ್ಯಾ ಇಮಾಜಿಕ್  ಫುಲಾಂ ಅರ್ಪುನ್  ಮಾನ್ ಕೆಲೊ.   

  ಸಂಭ್ರಮಾಚಾ ವೆದಿ ಕಾರ್ಯಾಚೊ ಅಧ್ಯಕ್ಷ್ ಜಾವ್ನ್ ಫಿರ್ಗಜಿಚೊ ವಿಗಾರ್ ಬೊ|ಮಾ|ಬಾ|ಐವನ್ ಮೈಕಲ್ ರೊಡ್ರಿಗಸ್ "ವಾಡ್ಯಾಂತ್ ಸಮುದಾಯ್ ಬಳ್ವಂತ್ ಆಸ್ಲ್ಯಾರ್ ಫಿರ್ಗಜ್ ಖಂಡಿತ್ ಜಾವ್ನ್ ಬಳ್ವಂತ್ ಜಾತಾ. ಸರ್ವ್ ವಾಡ್ಯಾಗಾರಾನಿಂ ವಾಡ್ಯಾ ಜಮಾತೆಂತ್ ಭಾಗ್ ಘೆಂವ್ಕ್" ಉಲೊ ದಿಲೊ

      ಮುಖೆಲ್ ಸಯ್ರೊ ಸಾಂ.ರೀತಾ ಆಂಗ್ಲ್ ಮಾಧ್ಯಮಾಚೊ ಮುಕೆಲ್ ಮೇಸ್ತ್ರಿ ಮಾ| ಬಾ| ಅಮಿತ್ ರೊಡ್ರಿಗಸ್ ಉಲೊವ್ನ್ "ಆಮಿ ಕಿತೆಂ ದೆವಾ ಥಾವ್ನ್ ಘೆತ್ಲಾಂ, ತೆಂ ಹೆರಾಂಕ್ ದೀಂವ್ಕ್ ಜಾಯ್" ಮ್ಹಣ್ ತಿಳ್ಸಿಲೆಂ.

     ಮಾನೆಸ್ತ್ ಫ್ರಾನ್ಸಿಸ್ ಮಸ್ಕರೇನಸಾನ್  " ದೀಸ್ ವೆತಾ ವೆತಾ ಜೆಜುಚೆಂ ವ್ಯಕ್ತಿತ್ವ್ ಆಮ್ಚೆಂ ಥಂಯ್ ಭರುನ್ ಯೇಂವ್ಕ್ ಜಾಯ್. ಆಮಿ ವಾಡ್ಯಾಂತ್ ಜಮಾತೆಕ್ ಸಾಂಗಾತಾ ಯೇವ್ನ್ ಭಾಗಿದಾರ್ ಜಾಂವ್ಕ್ ಜಾಯ್ ತವಳ್ ತಿ ಜಮಾತ್ ಸುಫಳ್ ಜಾತಾ" ಮ್ಹಳ್ಳೊ ಸಂದೇಶ್ ದಿಲೊ.

 ಫಿರ್ಗಜ್ ಉಪಾಧ್ಯಕ್ಷ್ ಮಾನೆಸ್ತ್ ವಿಜಯ್ ಪಾಯ್ಸ್ ಹಾಣಿಂ ವಾಡ್ಯಾಗಾರಾಂನಿ ಫಿರ್ಗಜೆಕ್ ದಿಂವ್ಚ್ಯಾ ಸಹಕಾರಾಕ್ ಶಬಾಸ್ಕಿ ಪಾಠವ್ನ್ ಸರ್ವಾಂಕ್ ಫೆಸ್ತಾಚ್ಯೆ ಶುಭಾಶಯ್ ಪಾಠಯ್ಲೆಂ.

   ಸಾಂ ರೀತಾ ಕನ್ನಡ್ ಮಾಧ್ಯಮ್ ಇಸ್ಕೊಲಾಚಿ ಮುಕೆಲ್ ಮೆಸ್ತ್ರೀಣ್ ಸಿ| ಜಾನೆಟ್, ಕಾರ್ಯದರ್ಶಿ ಶ್ರೀಮತಿ ಶ್ವೇತಾ ಪಾಯ್ಸ್, ವಾಡ್ಯಾ ಪ್ರತಿನಿಧಿ ಮಾನೆಸ್ತ್ ಜೋನ್ ಲೂವಿಸ್ ಆನಿ ಮಾನೆಸ್ತಿಣ್  ವೈಲೆಟ್ ಸಾಂತ್ಮಾಯೆರ್,   ವಾಡ್ಯಾ ಕಾರ್ಯದರ್ಶಿ ಮಾನೆಸ್ತಿಣ್ ಹೆಲೆನ್ ಫುಡ್ತಾದೊ, ವೆದಿಚೆರ್ ಹಾಜರ್ ಆಸ್‌ಲ್ಲೆ.

      ಕಥೊಲಿಕ್ ಸಭೆಚೊ ಅಧ್ಯಕ್ಷ್ ಮಾನೆಸ್ತ್ ಲೂವಿಸ್ ಮಸ್ಕರೇನಸ್ , ಕಾರ್ಯದರ್ಶಿ ಮಾನೆಸ್ತ್ ತೋಮಸ್ ಮಸ್ಕರೇನಸ್, ಗೊವ್ಳಿಕ್ ಪರಿಷದೆಚೊ ಆದ್ಲೊ ಉಪಾಧ್ಯಕ್ಷ್ ಮಾನೆಸ್ತ್ ಮನೋಹರ್ ಲ್ಯಾನ್ಸಿ ಡಿಸೋಜ, ಸಾಂ ಪಾವ್ಲ್ ಕೊವೆಂತಾಚಿ ಧರ್ಮ್ ಭಯ್ಣಿಂ, ಸ್ತ್ರೀ ಸಂಘಟನ್ ಅಧ್ಯಕ್ಷಿಣ್ ಮಾನೆಸ್ತಿಣ್ ಮೀರಾ  ಗೊನ್ಸಾಲ್ವಿಸ್, ದೇವ್ ಸ್ತುತಿ ಆಯೋಗ್ ಸಂಚಾಲಕಿ ಶಾಲೆಟ್ ಪಾಯ್ಸ್, 10 ವಾಡ್ಯಾಚೆ ಗುರ್ಕಾರ್ ಆನಿ ಸಾಂತ್ ಅಂತೋನ್ ವಾಡ್ಯಾಗಾರಾಂ ಪೆಸ್ತಾಚಾ ಸಂಭ್ರಮಾಂತ್ ಹಾಜರ್ ಆಸ್‌ಲ್ಲಿಂ.

      ವಾಡ್ಯಾ ಕಾರ್ಯದರ್ಶಿ ಮಾನೆಸ್ತಿಣ್ ಹೆಲೆನ್ ಫುಡ್ತಾದೊ ಹಾಣಿಂ ವಾರ್ಷಿಕ್ ವರ್ದಿ ಮಂಡನ್ ಕೆಲಿ.

ಉಪ್ರಾಂತ್ ವಾಡ್ಯಾಂತ್ಲ್ಯಾ ಭುರ್ಗ್ಯಾಂನಿ ನಾಚ್ಪಾ ಆನಿ ಗೀತಾ ಮುಕಾಂತ್ರ್ ಸರ್ವಾಂಚಿ ಮ್ಹನಾಂ ಖುಶಾಲ್ ಕೆಲಿಂ. 

  ಉಪ್ರಾಂತ್ ಲಾನಾಂಕ್, ವ್ಹಡಾಂಕ್ ಮನೋರಂಜನ್ ಖೆಳ್ ಚಲವ್ನ್, ಜಿಕ್ಲೆಲ್ಯಾಂಕ್ ಇನಾಮಾ ವಾಂಟ್ಲಿ.  ವಾಡ್ಯಾಂತ್ಲ್ಯಾ ಧಾವಿ ಪಿಯುಸಿ, ಆನಿ ಡಿಗ್ರಿ ಅಂತಿಮ್ ಪರೀಕ್ಷೆಂತ್ ಬರೆ  ಅಂಕ್ ಆಪ್ಣಾಯಿಲ್ಲ್ಯಾ ಭುರ್ಗ್ಯಾಂಕ್ ವಿಗಾರ್ ಬಾಪಾನಿಂ ಸನ್ಮಾನ್ ಕೆಲೊ. 

 ತಶೆಂಸ್ I.C.Y.M 2025 -26 ವ್ಯಾ ವರ್ಸಾಕ್ ಅಧ್ಯಕ್ಷ್ ಜಾವ್ನ್ ವಿಂಚುನ್ ಆಯಿಲ್ಲ್ಯಾ ವಿನಯ್ ಡಿಸೋಜಾಕ್ 

ವಿಗಾರ್ ಬಾಪಾನಿಂ ಸನ್ಮಾನ್ ಕೆಲೊ.

     ವಾಡ್ಯಾಚೊ ಗುರ್ಕಾರ್ ಮಾನೆಸ್ತ್ ಚಾರ್ಲ್ಸ್ ಲೂವಿಸಾನ್ ಸರ್ವ್ ಸಯ್ರ್ಯಾಂಕ್ ಸ್ವಾಗತ್ ಕೆಲೊ, ಮಾನೆಸ್ತ್ ಕ್ಲಿಫರ್ಡ್ ವೇಗಸ್ ಹಾಣಿಂ ಫೆಸ್ತಾಕ್ ಸಹಾಕಾರ್ ದಿಲ್ಲ್ಯಾ ಸರ್ವಾಂಚೊ ಮನಪೂರ್ವಕಿ ಉಪ್ಕಾರ್ ಬಾವುಡ್ಲೊ.    ಶೈನಿ ವೇಗಸಾನ್ ಕಾರ್ಯೆಂ ಚಲವ್ನ್ ವೆಲೆಂ

    ಫೆಸ್ತಾಚೊ ಸಂಭ್ರಮ್ ದೊಡ್ತೊ ಕರ್ಚ್ಯಾಕ್ ಮಾನೆಸ್ತ್ ಜೆರೊಮ್ ವೇಗಸ್ ಆನಿ ಕುಟಾಮ್ ಹಾಣಿಂ ಜೆವ್ಣಾಚಿ ಮಾಂಡಾವಳ್ ಕೆಲ್ಲಿ. 

     ಅಶೆಂ ಸರ್ವಾಂಚ್ಯಾ ಸಹಕಾರಾನ್ ವಾಡ್ಯಾ ಫೆಸ್ತ್ ಭೋವ್ ಅರ್ಥಾಭರಿತ್ ರೀತಿನ್ ಆಚರಣ್ ಕೆಲೆಂ.

Photo Gallery's:  👉🏻 https://drive.google.com/drive/folders/14dFWs78ePQomDM-89x6Fm5mA6SSk5u_w?usp=sharing