ದೊನ್ಪಾರಾಂ 3:00 ವರಾರ್ ಶ್ರೀಮತಿ ಆಲಿಸ್ ವೇಗಸಾಚಾ ಘರಾ ಫೆಸ್ತಾಚೊ ಸಂಭ್ರಮ್ ಚಲವ್ನ್ ವೆಲೊ. ಮಾಗ್ಣ್ಯಾ ದ್ವಾರಿ ಕಾರ್ಯೆಂ ಆರಂಭ್ ಕೆಲೆಂ. ಸಾಂಗಾತಾಚ್ಚ್ ಪವಿತ್ರ್ ಪುಸ್ತಾಕಾಕ್ ಆನಿ ಸಾಂತ್ ಅಂತೊನಿಚ್ಯಾ ಇಮಾಜಿಕ್  ಫುಲಾಂ ಅರ್ಪುನ್  ಮಾನ್ ಕೆಲೊ.   

       ಸಂಭ್ರಮಾಚಾ ವೆದಿ ಕಾರ್ಯಾಚೊ ಅಧ್ಯಕ್ಷ್ ಜಾವ್ನ್ ಫಿರ್ಗಜಿಚೊ ವಿಗಾರ್ ಮಾ|ಬಾ|ಮೈಕಲ್ ಲೋಬೊ ಹಾಣಿಂ ಆಮ್ಚ್ಯಾ ಕುಟ್ಮಾನಿಂ ತಶೆಂ ವಾಡ್ಯಾಂತ್ ಭಾವಾಡ್ತ್, ಮಾಯಾಮೋಗ್ ಆನಿ ಎಕ್ವಟ್ ಭರ್ತಿ ಕರುಂಕ್ ಅಮಿಂ ಸದಾಂಚ್  ಅಜಾಪಾಂಚೊ ಸಾಂತ್ ಅಂತೋನಿ ಕಡೆ ವಿನಂತಿ ಕರುಂಕ್ ಜಾಯ್ ಮ್ಹಣ್ ಸಂದೇಶ್ ದಿಲೊ.

      ಸಾಂ.ರೀತಾ ಆಂಗ್ಲ್ ಮಾಧ್ಯಮಾಚೊ ಮುಕೆಲ್ ಮೇಸ್ತ್ರಿ ಮಾ| ಬಾ| ಅಮಿತ್ ರೊಡ್ರಿಗಸ್ ಉಲೊವ್ನ್ ವಾಡ್ಯಾಗಾರಾಂಚಾ ಎಕ್ವಟಾಕ್ ಆನಿ ಮುಕೆಲ್ಪಣಾಕ್ ಶಾಬಾಸ್ಕಿ ಪಾಠವ್ನ್ ಫೆಸ್ತಾಚೆ ಶುಭಾಶಯ್ ಪಾಠಯ್ಲೆಂ.

      ಫಿರ್ಗಜ್ ಗೊವ್ಳಿಕ್ ಪರಿಷದೆಚಿ ಕಾರ್ಯದರ್ಶಿ ಶಾಲೆಟ್ ಪಾಯ್ಸ್ ಹಾಣಿಂ ಫೆಸ್ತಾಚೆ ಶುಭಾಶಯ್ ಪಾಠಯ್ಲೆಂ.

     ಸಾಂ ರೀತಾ  ಇಸ್ಕೊಲಾಚಿ ಮುಕೆಲ್ ಮೆಸ್ತ್ರೀಣ್ ಸಿ| ಮರೀನಾ, ಗೊವ್ಳಿಕ್ ಪರಿಷದ್ ಉಪಾಧ್ಯಕ್ಷ್ ಮಾನೆಸ್ತ್ ವಲೇರಿಯನ್ ವೇಗಸ್, ಗುರ್ಕಾರ್ ಮಾನೆಸ್ತ್ ಚಾರ್ಲ್ಸ್ ಲೂವಿಸ್, ಪ್ರತಿನಿಧಿ ಮಾನೆಸ್ತಿಣ್ ಲೆನ್ನಿ ಪಿಂಟೊ ಆನಿ ಮಾನೆಸ್ತಿಣ್ ಡೈನಾ  ಡಾಯಸ್, ವಾಡ್ಯಾ ಕಾರ್ಯದರ್ಶಿ ಮಾನೆಸ್ತಿಣ್ ಹೆಲೆನ್ ಫುಡ್ತಾದೊ ವೆದಿಚೆರ್ ಹಾಜರ್ ಆಸ್‌ಲ್ಲೆ.

      ವಾಡ್ಯಾ ಕಾರ್ಯದರ್ಶಿ ಮಾನೆಸ್ತಿಣ್ ಹೆಲೆನ್ ಫುಡ್ತಾದೊ ಹಾಣಿಂ ವಾರ್ಷಿಕ್ ವರ್ದಿ ಮಂಡನ್ ಕೆಲಿ.ಫೆಸ್ತಾಚಾ ಸಂಭ್ರಮಾಚೊ ವಾಂಟೊ ಜಾವ್ನ್ ವಾಡ್ಯಾಗಾರಾನಿಂ ಹೌಜಿ -ಹೌಜಿ ಖೆಳ್ ಚಲವ್ನ್, ಜಿಕ್ಲೆಲ್ಯಾಂಕ್ ಇನಾಮಾ ವಾಂಟ್ಲಿ. ವಾಡ್ಯಾಂತ್ಲ್ಯಾ ಧಾವಿ ಪಿಯುಸಿ ಆನಿ ಡಿಗ್ರಿ ಅಂತಿಮ್ ಪರೀಕ್ಷೆಂತ್ ಬರೆ ಅಂಕ್ ಆಪ್ಣಾಯಿಲ್ಲ್ಯಾ ಭುರ್ಗ್ಯಾಂಕ್ ತಶೆಂಚ್ ಪಾಟ್ಲ್ಯಾ ಅವ್ದೆನಿಂ ವಾಡ್ಯಾ ಗುರ್ಕಾರ್, ಪ್ರತಿನಿಧಿ ಜಾವ್ನ್ ಸೆವಾ ದಿಲ್ಲ್ಯಾಂಕ್ ಆನಿ ವಿಶೇಷ್ ಸಾಧನ್ ಕೆಲ್ಲ್ಯಾಂಕ್ ವಿಗಾರ್ ಬಾಪಾನಿಂ ಸನ್ಮಾನ್ ಕೆಲೊ.

       ವಾಡ್ಯಾಗಾರಾಂ ಸಾಂಗಾತಾ ಸಾಂ ಪಾವ್ಲ್ ಕೊವೆಂತಾಚಿ ಧರ್ಮ್ ಭಯ್ಣಿಂನಿ ಫೆಸ್ತಾಚ್ಯಾ ಸಂಭ್ರಮಾಂತ್ ವಾಂಟೊ ಘೆತ್ಲೊ. ವಾಡ್ಯಾಗಾರಾನಿಂ ಸಾಂಗಾತಾ ಮೆಳೊನ್ ಸಾಂತ್ ಅಂತೊನಿಚಾ ಮಾನಾಕ್  ಗೀತ್ ಗಾಯ್ಲೆಂ.

        ವಾಡ್ಯಾಚೊ ಗುರ್ಕಾರ್ ಮಾನೆಸ್ತ್ ಚಾರ್ಲ್ಸ್ ಲೂವಿಸಾನ್ ಸರ್ವ್ ಸಯ್ರ್ಯಾಂಕ್ ಸ್ವಾಗತ್ ಕೆಲೊ, ಅಭಿಷೇಕ್ ವೇಗಸಾನ್ ಫೆಸ್ತಾಕ್ ಸಹಾಕಾರ್ ದಿಲ್ಲ್ಯಾ ಸರ್ವಾಂಚೊ ಮನಪೂರ್ವಕಿ ಉಪ್ಕಾರ್ ಬಾವುಡ್ಲೊ. ಮಾನೆಸ್ತಿಣ್ ಲೆನ್ನಿ ಪಿಂಟೊನ್ ಕಾರ್ಯೆಂ ಚಲವ್ನ್ ವೆಲೆಂ.

     ಫೆಸ್ತಾಚೊ ಸಂಭ್ರಮ್ ದೊಡ್ತೊ ಕರ್ಚ್ಯಾಕ್ ವಾಡ್ಯಾಗಾರಾನಿಂ ಸಾಂಗಾತಾ ಮೆಳೊನ್ ಫಳ್ಹಾರಾಚಿ  ಮಾಂಡವಳ್ ಅಸಾ ಕೆಲ್ಲಿ. ಅಶೆಂ ಸರ್ವಾಂಚಾ ಸಹಕಾರಾನ್ ವಾಡ್ಯಾ ಫೆಸ್ತ್ ಅರ್ಥಾಭರಿತ್ ರೀತಿನ್ ಆಚರಣ್ ಕೆಲೆಂ.

Photo Gallery :  👉🏻 https://photos.app.goo.gl/XqLatHgPdRgsLYaq7