ಜುಬ್ಲೆವ್ ವರ್ಸಾ ಭರ್ವಶ್ಯಾಚಿಂ ಯಾತ್ರಿಕಾ ಜಾವ್ನ್ ಸಾಂ ಲಾರೆನ್ಸ್ ವಾಡ್ಯಾಗಾರಾಂನಿ ವಾಡ್ಯಾಚೊ ಪಾತ್ರೊನ್ ಸಾಂ ಲೊರೆಸಾಕ್ ಮಾನ್ ಕರ್ನ್, ತಾಣೆ ಕೆಲ್ಲ್ಯಾ ಉಪ್ಕಾರಾಂಕ್ ಅರ್ಗಾಂ ಪಾಟೊವ್ನ್ ದಿನಾಂಕ್ 10-08-2025ವೆರ್ ಸಕಾಳಿಂ 7:00 ವರಾರ್ ಮಿಸಾಚೆಂ  ಬಲಿದಾನ್ ಭೆಟಯ್ಲೆಂ. ವಾಡ್ಯಾಗಾರಾಂನಿ ಮಿಸಾಚಿ ದೇವ್ ಸ್ತುತಿ ಚಲೊವ್ನ್ ವೆಲಿ ಆನಿ ಕಾಣಿಕೊ ಅರ್ಪುನ್ ಭಕ್ತಿಪಣಾನ್ ಮಿಸಾಚ್ಯಾ ಬಲಿದಾನಾಂತ್ ವಾಂಟೊ ಘೆತ್ಲೊ. 

   ಸಾಂಜೆರ್ 6:30 ವರಾರ್ ಮಾನೆಸ್ತ್ ಅಲೆಕ್ಸಾಂಡರ್ ಲಸ್ರಾದೊಚ್ಯಾ ಘರಾ ಸಂಭ್ರಮಾನ್ ವಾಡ್ಯಾ ಫೆಸ್ತ್ ಆಚರಣ್ ಕೆಲೆಂ.  

  ಸಂಭ್ರಮ್ ಕಾರ್ಯಾಚೊ ಅಧ್ಯಕ್ಷ್ ಭೊ|ಮಾ|ಬಾ| ಐವನ್ ಮೈಕಲ್ ರೊಡ್ರಿಗಸ್ ಉಲೊವ್ನ್ ವಾಡ್ಯಾಂತ್ ಎಕಾಮೆಕಾಚಾ ಗರ್ಜಾಂಕ್ ವಾಡ್ಯಾಗಾರಾಂನಿ ಪಾವಜೆ.  ಆಮ್ಚೆ ಕ್ರೀಸ್ತೀ ಜಿವಿತ್ ಮಾಗ್ಣ್ಯಾಚೆಂ, ಭಾವಾರ್ಥಾಚೆಂ ಜಾತಾಸ್ತಾನಾ ಎಕಾಮೆಕಾಚ್ಯಾ ಗರ್ಜಾಂಕ್ ಸಹಕಾರ್ ದಿಂವ್ಚ್ಯಾ ಮಾರಿಫತ್ ವಾಡ್ಯಾಂತ್ ಅಮಿ ಎವ್ಕರಿಸ್ತ್ ಜಿಯೆತಾಂವ್. ಮ್ಹಣ್ ಸಂದೇಶ್ ದಿಲೊ.

    ವೆದಿಚೆರ್  ಮುಖೆಲ್ ಸಯ್ರೆ ಜಾವ್ನ್‌ ಸಾಂ ರೀತಾ ಇಸ್ಕೊಲಾಚೆ ಪ್ರಾಂಶುಪಾಲ್ ಮಾ|ಬಾ| ಅಮಿತ್ ರೊಡ್ರಿಗಸ್, ಸಿಸ್ಟರ್ ಮರೀನಾ, ಗೊವ್ಳಿಕ್ ಪರಿಷದೆಚೊ ಉಪಾಧ್ಯಕ್ಷ್ ಮಾನೆಸ್ತ್ ವಿಜಯ್ ಪಾಯ್ಸ್, ಕಾರ್ಯದರ್ಶಿ ಮಾನೆಸ್ತಿಣ್ ಶ್ವೇತಾ ಪಾಯ್ಸ್ , ಆಯೋಗ್ ಸಂಯೋಜಕ್ ಮಾನೆಸ್ತ್ ರೋಬರ್ಟ್ ಮಸ್ಕರೇನಸ್, ಲ್ಹಾನ್ ಕ್ರಿಸ್ತಾಂವ್ ಸಮುದಾಯೆಚೊ ಸಂಯೋಜಕ್ ಮಾನೆಸ್ತ್ ಫ್ರಾನ್ಸಿಸ್ ಮಸ್ಕರೇನಸ್,  ಹಾಜರ್ ಆಸ್‌ಲ್ಲೆ. 

    ವಾಡ್ಯಾಂತ್ಲ್ಯಾ 70 ವರ್ಸಾಂ ವಯ್ಲ್ಯಾಂಕ್ ಆನಿ ಪ್ರತಿಭಾನ್ವಿತ್ ಭುರ್ಗ್ಯಾಂಕ್ ಸನ್ಮಾನ್ ಕೆಲೊ. ತಶೆಂಚ್ ವಿಗಾರ್ ಭೊ|ಮಾ| ಐವನ್ ರೊಡ್ರಿಗಸ್ ಬಾಪಾಂಕ್, ಸಾಂ ರಿತಾ ಇಸ್ಕೊಲಾಚೆ ಪ್ರಾಂಶುಪಾಲ್ ಮಾನಾಧಿಕ್ ಅಮಿತ್ ರೊಡ್ರಿಗಸ್ ಬಾಪಾಂಕ್ ಆನಿ ಲ್ಹಾನ್ ಕ್ರೀಸ್ತಾಂವ್ ಸಮುದಾಯ್ ಸಂಚಾಲಕ್ ಮಾನೆಸ್ತ್ ಫ್ರಾನ್ಸಿಸ್ ಮಸ್ಕರೇನಸಾಕ್ ಸನ್ಮಾನ್ ಕೆಲೊ.   

     ಉಪ್ರಾಂತ್ ಭುರ್ಗ್ಯಾಂ ಥಾವ್ನ್ , ಸ್ತ್ರೀಯಾಂ ಥಾವ್ನ್ ತಶೆಂಚ್ ದಾದ್ಲ್ಯಾಂ ಥಾವ್ನ್ ನಾಚ್, ಪದಾಂ ನಾಟ್ಕುಳ್ಯಾನಿಂ ಹಾಜರ್ ಅಸ್‌ಲ್ಲ್ಯಾ ಸರ್ವಾಂಕ್ ಸಂತೊಸ್ ಭರಿತ್ ಕೆಲೆಂ.

    ಸಾಂ ಪಾವ್ಲ್ ಕೊವೆಂತಾಚಿ ಸಿಸ್ಟ್ರಾಂ, 12 ವಾಡ್ಯಾಚೆಂ ಗುರ್ಕಾರ್, ದೇವ್ ಸ್ತುತಿ ಆಯೋಗಾಚಿ ಸಂಚಾಲಕಿ ಮಾನೆಸ್ತಿಣ್ ಶಾಲೆಟ್ ಪಾಯ್ಸ್ ಹಾಜರ್ ಆಸ್‌ಲ್ಲಿ.

    ವಾಡ್ಯಾಚಿ ಕಾರ್ಯದರ್ಶಿ ಮಾನೆಸ್ತಿಣ್ ಸಿಂತಿಯಾ ಡಿಸೋಜನ್ ವಾಡ್ಯಾಚಿ ವಾರ್ಷಿಕ ವರ್ದಿ ಮಂಡನ್ ಕೆಲಿ. ಕುಮಾರಿ ನಿಶೆಲ್ ಮಾಡ್ತಾನ್ ಸಾಂಸ್ಕೃತಿಕ್ ಕಾರ್ಯೆಂ ಆನಿ ಖೆಳ್ ಚಲೊವ್ನ್ ವೆಲೆ. 

     ಗುರ್ಕಾರ್ನ್ ಮಾನೆಸ್ತಿಣ್ ಜೆಸಿಂತಾ ಫೆರ್ನಾಂಡಿಸಾನ್ ಸರ್ವಾಂಕ್ ಸ್ವಾಗತ್ ಕೆಲೊ. ಮಾನೆಸ್ತ್ ಎಡ್ವಿನ್ ರೊಡ್ರಿಗಸನ್ ವಂದನಾರ್ಪಣ್ ಕೆಲೆಂ. ಕುಮಾರಿ ವಿಯೋನಾ ವೇಗಸ್ ಆನಿ ಕುಮಾರಿ ಆ್ಯಶ್ಲಿನ್ ರೊಡ್ರಿಗಸಾನ್ ಕಾರ್ಯಕ್ರಮ್ ನಿರ್ವಹಣ್ ಕೆಲೆಂ.

  "ಹ್ಯಾ ಫೆಸ್ತಾಚಾ ಆಚರಣಾ ವರ್ವಿಂ ವಾಡ್ಯಾಗಾರಾಚೊ ಮೋಗ್ ಎಕ್ವಟ್ ಚಡೊಂಕ್ ಅಮ್ಕಾಂ ಏಕ್  ಅವ್ಕಸ್" ಹಿಂ ಜಾವ್ನಾಸಾತ್ ವಾಡ್ಯಾಗಾರಾಂಚಿ ಬೊಗ್ಣಾಂ.

        ಜೆವ್ಣಾ ಸವೆಂ ಕಾರ್ಯೆಂ ಸಂಪ್ಲೆಂ.