ಸಾಂಜೆರ್ 5:00 ವರಾರ್ ಇಗರ್ಜೆಚ್ಯಾ ಮಿನಿ ಸಭಾಸಲಾಂತ್ ಫೆಸ್ತಾಚೊ ಸಂಭ್ರಮ್ ತೇರ್ಸಾ ಮಾರಿಫಾತ್ ಸುರ್ವಾತ್ ಕೆಲೊ. ವಿಗಾರ್ ಬಾಪಾಂನಿ ಪವಿತ್ರ್ ಪುಸ್ತಕಾಕ್ ಮಾನ್ ಅರ್ಪುನ್, ಮಾಗ್ಣ್ಯಾ ದ್ವಾರಿಂ ಕಾರ್ಯಕ್ರಮ್ ಆರಂಭ್ ಕೆಲೆಂ.

ಉಪ್ರಾಂತ್ ವಾಡ್ಯಾ ಕಾರ್ಯದರ್ಶಿ ಶ್ರೀಮತಿ ಅನಿತಾ ವೇಗಸ್ ಹಾಣಿಂ ವಾರ್ಷಿಕ್ ವರ್ದಿ ಮಂಡನ್ ಕೆಲಿ. 

     ಕಾರ್ಯಕ್ರಮಾಚೆ  ಅಧ್ಯಕ್ಷ್ ಫಿರ್ಗಜ್ ವಿಗಾರ್, ಮಾ| ಬಾ| ಮೈಕಲ್ ಲೋಬೊ ಹಾಣಿಂ ವಾಡ್ಯಾಗಾರಾಂಕ್ ಉದ್ದೇಸುನ್ ತುಮ್ಚಾ ವಾಡ್ಯಾಂತ್ ಆಸ್ಚಿಂ  ತಾಲೆಂತಾ, ಆತ್ಮೀಕ್ ಸಂಗ್ತಿಂನಿ ತುಮಿಂ ದಿಂವ್ಚಿ ಸೆವಾ ಆಮಿಂ ಮಾನುನ್ ಘೆತ್ಲ್ಯಾ. ತುಮ್ಚೆಂ ಹಾತ್ ಪ್ರಾಯ್ವಂತಾಕ್, ಪಿಡೆಸ್ತಾಂಕ್, ತರ್ನಾಟ್ಯಾಂಕ್, ಭುರ್ಗ್ಯಾಂಕ್ ಪ್ರೋತ್ಸಾ ಹ್ ದೀಂವ್ಕ್ ಉಬಾರ್ಲ್ಯಾರ್ ವಾಡ್ಯಾಂತ್ ಕ್ರಿಯಾಳ್  ಜಾತಾಂವ್ ಮ್ಹಣೊನ್  ಸಂದೇಶ್ ದಿಲೊ. 

    ಸಾಂ ರೀತಾ ಇಸ್ಕೊಲಾಚೆ ಮುಖೇಲ್ ಮೆಸ್ತ್ರಿ ಬಾಪ್ ಅಮಿತ್ ರೊಡ್ರಿಗಸ್ ಉಲೊವ್ನ್  ಗರ್ಜೆವಂತಾಕ್, ಪಿಡೆಸ್ತಾಂಕ್ ಅಮ್ಚೊ ವೇಳ್, ಸಾಂಗಾತ್ ದಿಲ್ಲ್ಯಾ ವೆಳಿಂ, ಆಮ್ಚೊ ಭಾವ್ ಬಾಂಧವ್ಪಣ್ ಘಟ್ ಜಾತಾ ಮ್ಹಣೊನ್ ಸಂದೇಶ್ ದಿಲೊ.

    ಮ್ಹುಳಾವೊ ಕ್ರಿಸ್ತಾಂವ್  ಸಮುದಾಯಚೊ ಸಂಚಾಲಕ್ ಶ್ರೀಮಾನ್ ವಲೆಂಟೈನ್ ಪಿಂಟೊ ಆನಿ ಫಿರ್ಗಜ್ ಗೊವ್ಳಿಕ್ ಪರಿಷದೆಚಿ ಕಾರ್ಯದರ್ಶಿ ಶ್ರೀಮತಿ ಶಾಲೆಟ್ ಪಾಯ್ಸ್ ಹಾಣಿಂ ಫೆಸ್ತಾಚೆ ಶುಭಾಶಯ್ ಪಾಟಯ್ಲೆ.

      ವೆದಿಚೆರ್ ಗೊವ್ಳಿಕ್  ಪರಿಷದ್ ಉಪಾಧ್ಯಕ್ಷ್  ಶ್ರೀಮಾನ್ ವಲೇರಿಯನ್ ವೇಗಸ್, ಕೊವೆಂತಾಚಿ  ಸುಪೀರಿಯರ್ ಸಿಸ್ಟರ್ ಜೊನೆಟ್, ವಾಡ್ಯಾಚಿ ಗುರ್ಕಾರ್ನ್ ಶ್ರೀಮತಿ ಜೆಸಿಂತಾ ಫೆರ್ನಾಂಡಿಸ್, ವಾಡ್ಯಾ ಕಾರ್ಯದರ್ಶಿ ಶ್ರೀಮತಿ ಅನಿತಾ ವೇಗಸ್, ಪ್ರತಿನಿಧಿ ಶ್ರೀಮತಿ ಅನಿತಾ ರೊಡ್ರಿಗಸ್ ಹಾಜರ್ ಆಸ್‌ಲ್ಲಿ . 

     ವಾಡ್ಯಾಂತ್ಲ್ಯಾ ತಾಲೆಂತ್‌ವಂತ್ ಭುರ್ಗ್ಯಾಂಕ್ ಸನ್ಮಾನ್ ಕೆಲೊ. ತಶೆಂಚ್ ಫಿರ್ಗಜೆಕ್ ನವೊ ವಿಗಾರ್ ಜಾವ್ನ್ ಆಯಿಲ್ಲ್ಯಾ ಬಾಪ್ ಮೈಕಲ್ ಲೋಬೊ ಹಾಂಕಾ  ವಾಡ್ಯಾಗಾರಾ ತರ್ಫೆನ್   ಸನ್ಮಾನ್ ಕರ್ನ್ ತಾಂಚ್ಯಾ ಮಿಸಾಂವಾಕ್ ಬರೆಂ ಮಾಗ್ಲೆಂ. 

ವಾಡ್ಯಾಗಾರಾನಿ ನಾಚ್, ಪದಾಂ  ನಾಟ್ಕುಳೊ ಪ್ರದರ್ಶಿತ್ ಕರ್ನ್, ವಿವಿಧ್ ಖೆಳಾ ಸ್ಪರ್ಧ್ಯಾಂನಿ ಭಾಗ್ ಘೆವ್ನ್ ಫೆಸ್ತಾಚೊ ಸಂಭ್ರಮ್ ದೊಡ್ತೊ ಕೆಲೊ.

   ಗುರ್ಕಾರ್ನ್ ಶ್ರೀಮತಿ ಜೆಸಿಂತಾ  ಫೆರ್ನಾಂಡಿಸಾನ್ ಸ್ವಾಗತ್ ಕರ್ನ್ ಶ್ರೀಮತಿ ಶಾಂತಿ ರೊಡ್ರಿಗಸಾನ್ ಧನ್ಯವಾದ್ ಪಾಠಯ್ಲೆಂ. ಆನಿ ಕುಮಾರಿ ನಿಶಲ್ ಮಾಡ್ತಾನ್ ಕಾರ್ಯೆಂ ನಿರ್ವಹಣ್ ಕೆಲೆಂ. ಜೆವ್ಣಾಂ ಸಂಗಿಂ ಕಾರ್ಯಕ್ರಮ್ ಸಂಪ್ಲೆಂ.