ಸಾಂಜೆರ್ 6:30 ವರಾರ್ ತೇರ್ಸ್ ಆನಿ ಮಾಗ್ಣೆಂ ಚಲೊವ್ನ್ ವೆಲೆಂ 7:00 ವರಾಂಕ್ ಫಿಲೊಮೆನಾ ವೇಗಸಾಚ್ಯಾ ಘರಾ ಫೆಸ್ತಾಚೊ ಸಂಭ್ರಮ್ ಆಸಾ ಕೆಲೊ. ಹ್ಯಾ ಸಂಭ್ರಮಾಂತ್ ವಾಡ್ಯಾಗಾರಾಂ ಸಾಂಗಾತಾ 7 ವಾಡ್ಯಾಚ್ಯಾ ಗುರ್ಕಾರಾನಿಂ ವಾಂಟೊ ಘೆತ್ಲೊ.

     ಸುರ್ವೆರ್ ವಾಂಜೆಲಾಕ್ ಮಾನ್ ಕೆಲೆಂ. ಫೆಸ್ತ್ ಸಂಭ್ರಮ್ ಕಾರ್ಯಾಚ್ಯಾ ವೆದಿರ್ ಫಿರ್ಗಜ್ ವಿಗಾರ್ ಬೊ|ಮಾ|ಬಾ| ಐವನ್ ಮೈಕಲ್ ರೊಡ್ರೀಗಸ್, ಗೊವ್ಳಿಕ್ ಪರಿಷದೆಚೊ ಉಪಾಧ್ಯಕ್ಷ್ ತಶೆಂಚ್ ವಾಡ್ಯಾಚೊ ಗುರ್ಕಾರ್ ವಿಜಯ್ ಪಾಯ್ಸ್, ಕಾರ್ಯದರ್ಶಿ ತೋಮಸ್ ಮಸ್ಕರೇನಸ್, ಲ್ಹಾನ್ ಕ್ರೀಸ್ತಾಂವ್ ಸಮುದಾಯ್ ಸಂಚಾಲಕ್ ಮಾನೆಸ್ತ್ ಪ್ರಾನ್ಸಿಸ್ ಮಸ್ಕರೇನಸ್, ಸಿ| ಜಾನೆಟ್,ಸಿ| ರೆಮಿಡಿಯಾ ಗೋಮ್ಸ್ ಹಾಜರ್ ಆಸ್‌ಲ್ಲಿ. 

ವಾಡ್ಯಾಚಿ ಕಾರ್ಯದರ್ಶಿ ಜುಲಿಯಾನ ಮೇರಿ ಲೋಬೊನ್ ವಾಡ್ಯಾಚ್ಯಾ ಚಟುವಟಿಕೆಂಚಿ ವರ್ದಿ ಮಂಡನ್ ಕೆಲಿ.

 ವಿಗಾರ್ ಬಾಪಾನಿಂ ವಾಡ್ಯಾಗಾರಾಂಕ್ ಫೆಸ್ತಾಚೆ ಶುಭಾಶಯ್ ಪಾಟಯ್ಲೆ.

ಮಾನೆಸ್ತ್ ಪ್ರಾನ್ಸಿಸ್ ಮಸ್ಕರೇನಸಾನ್ ಜೆಜುಚೆಂ  ಲ್ಹಾನ್ ಫುಲ್ ತೆರೆಜಾಚ್ಯಾ ಜಿಣ್ಯೆ ವಿಶ್ಯಾಂತ್ ವಿವರಣ್ ದಿಲೆಂ. ಕಾರ್ಯದರ್ಶಿ ತೋಮಸ್ ಮಸ್ಕರೇನಸಾನ್ ವಾಡ್ಯಾಗಾರಾಂಕ್ ಫೆಸ್ತಾಚೆ ಶುಭಾಶಯ್ ಪಾಟಾಯ್ಲೆಂ, ತಶೆಂಚ್ ವಾಡ್ಯಜಮಾತೆ ವಿಶ್ಯಾಂತ್ ಬೊಗ್ಣಾಂ ಉಚಾರ್ಲಿಂ.

 ತಶೆಂಚ್ ವಾಡ್ಯಾಂತ್ ಪ್ರತಿಭಾನ್ವಿತ್ ಭುರ್ಗ್ಯಾಂಕ್ ಅನಿ ಅಂತರಾಷ್ಟ್ರೀಯ್ ಬಾಡಿ ಬಿಲ್ಡಿಂಗಾಂತ್ ದೋನ್ ಬಾಂಗ್ರಾಳೆಂ ಪದಕ್ ಆನಿ ಏಕ್ ರುಪ್ಯಾಳೆಂ ಪದಕ್ ಅಪ್ಣಾಯಿಲ್ಲ್ಯಾ ಮಾನೆಸ್ತ್ ಸುನಿಲ್ ಪಾಯ್ಸಾಕ್ ಶಾಲ್ ಗಾಲ್ನ್ ಮಾನ್ ಕೆಲೊ. 

    ವಾಡ್ಯಾಚೊ ಗುರ್ಕಾರ್  ಶ್ರೀ ವಿಜಯ್ ಪಾಯ್ಸಾನ್ ಸ್ವಾಗತ್ ಕೆಲೆಂ, ವಾಡ್ಯಾ ಪ್ರತಿನಿಧಿ ವಾಲ್ಸನ್ ಸಂತೋಷ್ ಪೈಸಾನ್ ದನ್ಯವಾದ್ ಪಾಟಯ್ಲೆಂ. ಶರಲ್ ಉದಯ್ ಪಾಯ್ಸಾನ್ ಕಾರ್ಯೆಂ ಚಲವ್ನ್ ವೆಲೆಂ.

    ವಾಡ್ಯಾಗಾರಾಂನಿ  ನಾಚ್ ಆನಿ ಸಂಭ್ರಮಾಚ್ಯಾ ಜೆವ್ಣಾನ್ ಫೆಸ್ತಾಚೊ ಸಂಭ್ರಮ್ ದೊಡ್ತೊ ಕೆಲೊ.