ಸಕಾಳಿಂ  7:00 ವರಾರ್  ಪವಿತ್ರ್ ಮಿಸಾಚೆಂ ಬಲಿದಾನಾಂತ್  ಕಾಣಿಕೊ ಭೆಟವ್ನ್ ಭಕ್ತಿನ್ ವಾಂಟೊ ಘೆತ್ಲೊ. ಮಿಸಾಚಾ ಅಕೇರಿಕ್ ಮಾನೆಸ್ತ್ ಪ್ರಾನ್ಸಿಸ್ ಮಸ್ಕರೇನಸ್ ಹಾಣಿಂ ಘಟಕಾಚಿ ವಾರ್ಷಿಕ್ ವರ್ದಿ ಫಿರ್ಗಜ್‌ಗಾರಾಂ ಹುಜಿರ್ ಮಂಡನ್ ಕೆಲಿ. 

      ಮಿಸಾ ಉಪ್ರಾಂತ್ ಬಗ್ಲೆಚ್ಯಾ ಸಭಾಸಾಲಾಂತ್ ಸಾಂಗಾತಾ ಮೆಳೊನ್ ಫೆಸ್ತಾಚೊ ಸಂಭ್ರಮ್ ಆಚರಣ್ ಕೆಲೊ.

     ಹ್ಯಾ ಕಾರ್ಯಾಕ್  ಪೊಸ್ಕಿ ಕುಟ್ಮಾಂ ಆನಿ ದಾನಿ ಹಾಜರ್ ಆಸ್‌ಲ್ಲೆ. ಶ್ರೀಮತಿ ಶಾಂತಿ ಮಸ್ಕರೇನಸ್ ಹಾಣಿಂ ವಾರ್ಷಿಕ್ ವರ್ದಿ ಸಭೆರ್ ಮಂಡನ್ ಕೆಲಿ.

     ಮುಖೆಲ್ ಸಯ್ರೊ ಮಾನೆಸ್ತ್ ವಲೆಂಟೈನ್ ವಿಲ್ಫ್ರೆಡ್ ಪಿಂಟೊ ಮಳಾವೊ ಕ್ರೀಸ್ತಾಂವ್ ಸಮುದಾಯ್ ಸಂಚಾಲಕ್  ಹಾಣಿಂ ವಿಶೆಂತ್ ಪಾವ್ಲ್ ಸಭಾ ಸ್ಥಾಪನ್ ಜಾಲ್ಲಿ ಚರಿತ್ರಾ ತಶೆಂಚ್ ಮೂಳ್ ಶೆವಟಾ ವಿಶಿಂ ಮಾಹೆತ್ ದಿಲಿ.

     ಸಾಂ. ರೀತಾ ಆಂಗ್ಲ ಮಾಧ್ಯಮಾಚೆ ಮುಖೆಲ್ ಮೆಸ್ತ್ರಿ ಮಾIಬಾI ಅಮಿತ್ ರೊಡ್ರಿಗಸ್ ಹಾಣಿಂ ವಿಶೆಂತ್ ಪಾವ್ಲ್ ಸಭೆ ಮುಖಾಂತ್ರ್ ಸಮಾಜೆಂತ್ಲ್ಯಾ ದುಬ್ಳ್ಯಾ ತಶೆಂಚ್ ಗರ್ಜೆವಂತಾಂಕ್ ಗುಪ್ತಿಂ ಮೌನ್‌ಪಣಿಂ ಮ್ಹಣ್ಜೆ ನಾಂವಾ ವಿಣೆಂ ಕರ್ಚಿ ಕುಮೊಕ್ ಹೊಗ್ಳಿಕೆಕ್ ಫಾವೊ ಜಾಲ್ಲಿ. ಸಾಂ. ವಿಶೆಂತ್ ಪಾವ್ಲ್ ಸಭೆ  ಮುಖಾಂತ್ರ್ ಕುಮೊಕ್ ಆಪ್ಣಾಯಿಲ್ಲ್ಯಾನಿಂ ಮುಖ್ಲ್ಯಾ ದಿಸಾಂನಿ ಹ್ಯಾ ಘಟಕಾಕ್ ಉಪ್ಕಾರಿ ಮ್ಹನಾಚಿಂ ಜಾವ್ನ್ ಆಧಾರ್ ದೀಂವ್ಕ್ ಉಲೊ ದಿಲೊ. 

     ವೆದಿಚೆರ್ ಫಿರ್ಗಜೆಚೆ ಸಯ್ರೆ ಯಾಜಕ್ ಮಾ| ಬಾ| ಬೊನಾ ಮಾರ್ಸೆಲ್ ರೊಡ್ರಿಗಸ್, ಗೊವ್ಳಿಕ್ ಪರಿಷದ್ ಉಪಾಧ್ಯಕ್ಷ್ ವಲೇರಿಯನ್ ವೇಗಸ್, ಕಾರ್ಯದರ್ಶಿ ಶಾಲೆಟ್ ಪಾಯ್ಸ್, ಆಯೋಗ್ ಸಂಯೋಜಕಿ ಜೆಸಿಂತಾ ಫೆರ್ನಾಂಡಿಸ್, ಸಾಂ ವಿಶೆಂತ್ ಪಾವ್ಲ್ ಸಭಾ ವಿಟ್ಲ ಘಟಕಾಚಿ ಅಧ್ಯಕ್ಷಿಣ್ ಲೀಡಿಯಾ ಸಿಕ್ವೇರಾ, ಕಾರ್ಯದರ್ಶಿ ಶಾಂತಿ ಮಸ್ಕರೇನಸ್ ಹಾಜರ್ ಆಸ್‌ಲ್ಲಿಂ.

     ಶ್ರೀಮತಿ ಲೀಡಿಯಾ ಸಿಕ್ವೇರಾ ಹಾಣಿಂ ಜಮ್ಲೆಲ್ಯಾ ಸರ್ವಾಂಕ್ ಸ್ವಾಗತ್ ಕೆಲೆಂ. ಶ್ರೀಮತಿ ಜೆಸಿಂತಾ ಫೆರ್ನಾಂಡಿಸ್ ಹಾಣಿಂ ಸಹಾಕಾರ್ ದಿಲ್ಲ್ಯಾ ಸರ್ವಾಂಕ್ ಧನ್ಯವಾದ್ ಪಾಠಯ್ಲೆಂ. ಶ್ರೀಮತಿ ಸೀಮಾ ಮಸ್ಕರೇನಸ್ ಹಾಣಿಂ ಕಾರ್ಯೆಂ ಚಲವ್ನ್ ವೆಲೆಂ.

     ಕಾಫಿ- ಫಳ್ಹಾರಾ ಸವೆಂ ಕಾರ್ಯೆಂ ಸಂಪಯ್ಲೆಂ.

       Photo Gallery:  👉🏻 https://photos.app.goo.gl/WK4AA3FBA7FmfxbM6