ಸಕಾಳಿಂ 7: 00 ವರಾರ್  ಪವಿತ್ರ್ ಮಿಸಾಚಿ ದೇವ್‌ಸ್ತುತಿ ಸಾಂ. ವಿಶೆಂತ್ ಪಾವ್ಲ್ ಸಭಾ ಘಟಕಾಚ್ಯಾ ಸಾಂದ್ಯಾನಿಂ ಚಲೊವ್ನ್ ವೆಲಿ. ಸರ್ವ್ ಸಾಂದ್ಯಾನಿಂ ಕಾಣಿಕೊ ಅರ್ಪುನ್, ಭಕ್ತೀನ್ ಮೀಸಾಚ್ಯಾ ಬಲಿದಾನಾಂತ್ ವಾಂಟೊ ಘೆತ್ಲೊ. 

      ಮಿಸಾ ಉಪ್ರಾಂತ್ ಬಗ್ಲೆಚ್ಯಾ ಸಭಾಸಾಲಾಂತ್ ಸಾಂಗಾತಾ ಮೆಳೊನ್ ಫೆಸ್ತಾಚೊ ಸಂಭ್ರಮ್ ಆಚರಣ್ ಕೆಲೊ.

     ಹ್ಯಾ ಕಾರ್ಯಾಕ್ 13 ವಾಡ್ಯಾಂಚೆ ಗುರ್ಕಾರ್, ಸಂಘ್ ಸಂಸ್ಥ್ಯಾಚೆ ಹುದ್ದೆದಾರ್, ಸಾತ್ ಪೊಸ್ಕಿ ಕುಟ್ಮಾಂ ಆನಿ ದಾನಿ ಹಾಜರ್ ಆಸ್‌ಲ್ಲೆ. ಶ್ರೀಮತಿ ಶಾಂತಿ ಮಸ್ಕರೇನಸ್ ಹಾಣಿಂ ವಾರ್ಷಿಕ್ ವರ್ದಿ ಮಂಡನ್ ಕೆಲಿ.

     ಮುಕೆಲ್ ಸಯ್ರೊ ಮಾನೆಸ್ತ್ ಅಲ್ಪೋನ್ಸ್ ವೇಗಸ್, ಪ್ರಾಧ್ಯಾಪಕ್ ಸುಪ್ರಜಿತ್ ಐ.ಟಿ.ಐ. ವಿಟ್ಲ ಹಾಣಿಂ ವಿಶೆಂತ್ ಪಾವ್ಲ್ ಸಭಾ ಸ್ಥಾಪನ್ ಜಾಲ್ಲಿ ಚರಿತ್ರಾ ತಶೆಂಚ್ ಮೂಳ್ ಶೆವಟಾ ವಿಶಿಂ ಮಾಹೆತ್ ದಿಲಿ.

     ಸಾಂ. ರೀತಾ ಆಂಗ್ಲ ಮಾಧ್ಯಮಾಚೆ ಮುಕೆಲ್ ಮೆಸ್ತ್ರಿ ಮಾIಬಾI ಅಮಿತ್ ರೊಡ್ರಿಗಸ್ ಹಾಣಿಂ ವಿಶೆಂತ್ ಪಾವ್ಲ್ ಸಭೆ ಮುಕಾಂತ್ರ್ ಸಮಾಜೆಂತ್ಲ್ಯಾ ದುಬ್ಳ್ಯಾ ತಶೆಂಚ್ ಗರ್ಜೆವಂತಾಂಕ್ ಮೌನ್ ಪಣಿಂ ಮ್ಹಣ್ಜೆ ನಾಂವಾ ವಿಣೆಂ ಕರ್ಚಿ ಕುಮೊಕ್ ಹೊಗ್ಳಿಕೆಕ್ ಫಾವೊ ಜಾಲ್ಲಿ. ಆನಿಕೀ ಚಡಿತ್ ಉರ್ಬೆನ್ ಕಾಮ್ ಕರುಂಕ್ ಉಲೊ ದಿಲೊ.

      ಫಿರ್ಗಜ್ ವಿಗಾರ್ ಬೊ|ಮಾ|ಬಾ| ಐವನ್ ಮೈಕಲ್ ರೊಡ್ರಿಗಸ್ ಹಾಣಿಂ ವಿಶೆಂತ್ ಪಾವ್ಲ್ ಸಭೆಕ್ ಚಡ್ ಉರ್ಭೆವಂತ್ ಭಾವ್- ಭಯ್ಣಿಂಚಿ ಗರ್ಜ್ ಆಸಾ. ಚಡಿತ್ ಸಾಂದೆ ಭರ್ತಿ ಜಾಂವ್ಕ್ ಯೋಜನ್ ಗಾಲ್ನ್ ಆತಾಂಚಾ ಪರಿಸ್ಥಿತೆಂತ್ ದುಬ್ಳಿ ಕಾಯೆನ್ ಕಷ್ಟೊಂಚಾ ಗರ್ಜೆವಂತಾಕ್ ಆಧಾರ್ ಜಾಂವ್ಕ್ ಉಲೊ ದಿಲೊ. 

    ಹ್ಯಾ ಸಂದರ್ಭಾರ್ 7 ಪೊಸ್ಕ್ಯಾ ಕುಟ್ಟಾಕ್ ಖಾಣಾಂ- ವೊರ್ವಿ ದೀವ್ನ್ ಬರೆಂ ಮಾಗ್ಲೆಂ. ಉಪ್ರಾಂತ್ ಸಿಂಗಾಪುರಾಂತ್ ವೈಟ್ ಲಿಫ್ಟಿಂಗ್ ಸ್ಫರ್ಧ್ಯಾಂತ್ 4 ಬಾಂಗಾರಾ ಪದಕಾಂ ಅಪ್ಣಾಯ್ಲ್ಯಾ ಮಾನೆಸ್ತ್ ಸುನಿಲ್ ಪಾಯ್ಸ್ ಹಾಂಕಾ ಸನ್ಮಾನ್ ಕೆಲೊ.

    ವೆದಿಚೆರ್ ಮುಕೆಲ್ ಸಯ್ರೊ ಮಾನೆಸ್ತ್ ಅಲ್ಪೊನ್ಸ್ ವೇಗಸ್, ಬಾ|ಐವನ್, ಬಾ| ಅಮಿತ್, ಗೊವ್ಳಿಕ್ ಪರಿಷದ್ ಉಪಾಧ್ಯಕ್ಷ್ ವಿಜಯ್ ಪಾಯ್ಸ್ ,ಕಾರ್ಯದರ್ಶಿ ಶ್ವೇತಾ ಪಾಯ್ಸ್, ಆಯೋಗ್ ಸಂಚಾಲಕ್ ರೋಬರ್ಟ್ ಮಸ್ಕರೇನಸ್, ಸಾಂ ವಿಶೆಂತ್ ಪಾವ್ಲ್ ಸಭಾ ವಿಟ್ಲ ಘಟಕಾಚಿ ಅಧ್ಯಕ್ಷಿಣ್ ಲೀಡಿಯಾ ಸಿಕ್ವೇರಾ, ಕಾರ್ಯದರ್ಶಿ ಶಾಂತಿ ಮಸ್ಕರೇನಸ್ ಹಾಜರ್ ಆಸ್‌ಲ್ಲಿಂ

      ಶ್ರೀಮತಿ ಲೀಡಿಯಾ ಸಿಕ್ವೇರಾ ಹಾಣಿಂ ಸ್ವಾಗತ್ ಕೆಲೆಂ. ಶ್ರೀಮತಿ ಸೀಮಾ ಮಸ್ಕರೇನಸ್ ಹಾಣಿಂ ಧನ್ಯವಾದ್ ಪಾಠಯ್ಲೆಂ. ಶ್ರೀಮತಿ ಜೆಸಿಂತಾ ಫೆರ್ನಾಂಡಿಸ್ ಹಾಣಿಂ ಕಾರ್ಯೆಂ ಚಲವ್ನ್ ವೆಲೆಂ.

     ಕಾಫಿ- ಫಳ್ಹಾರಾ ಸವೆಂ ಕಾರ್ಯೆಂ ಸಂಪಯ್ಲೆಂ.

       Photo Gallery's:  👉🏻 https://photos.app.goo.gl/HAMtC3wNxJ398snC6