ಪವಿತ್ರ್ ಮಿಸಾಚೆ ಪ್ರದಾನ್ ಯಾಜಕ್ ಜಾವ್ನ್ ಮಂಗ್ಳುರ್ ದಿಯೆಸಿಜಿಚೆಂ ನಿವೃತ್ತ್ ಗೊವ್ಳಿ ಬಾಪ್ ಅ|ಮಾ|ದೊ| ಲೂವಿಸ್ ಪಾವ್ಲ್ ಸೋಜ್ ಹಾಣಿಂ ಮಿಸಾಚೆ ಬಲಿದಾನ್ ಭೆಟಯ್ಲೆಂ. ಆನಿ " ಥಿರಾವ್ಣೆಚ್ಯಾ ಸಂಸ್ಕಾರಾ ಮಾರಿಫಾತ್ ಭಾವಾರ್ಥ್ ಘಟ್ ಜಾತಾ. ಆನಿ ಆಮ್ಚೆಂ ಪರ್ಗಟ್ ಜಿಣಿಯೆ ಮುಕಾಂತ್ರ್ ಭಾವಾರ್ಥಾಕ್ ಸಾಕ್ಸ್ ದೀವ್ನ್ ಭಾವಾರ್ಥ್ ಥಿರ್ ಸಾಂಬಾಳುಂಕ್ ಜಾಯ್ " ಮ್ಹಳ್ಳೊ ಸಂದೇಶ್ ದಿಲೊ. ವಿಗಾರ್ ಬಾಪ್ ಬೊ|ಮಾ|ಬಾ| ಐವನ್ ಮೈಕಲ್ ರೊಡ್ರಿಗಸ್ ಆನಿ ಬಾಪ್ ಅಮಿತ್ ರೊಡ್ರಿಗಸ್ , ಹಾಣಿಂ ಸಹ ಭೆಟವ್ಣಿ ಕೆಲಿ. ಉಪ್ರಾಂತ್ ಸರ್ವ್ ಯಾಜಕಾನಿ ಆಪ್ಲೆಂ ಹಾತ್ ಉಚವ್ನ್ ದರ್ನ್, ಪವಿತ್ರ್ ಆತ್ಮ್ಯಾಚಿ ಸಸಾಯ್ ಪಾವೊ ಜಾಂವ್ಚಾಕ್, ಥಿರಾವ್ಣೆಚೊ ಸಾಕ್ರಾಮೆಂತ್ ಜೊಡುಂಕ್ ಆಸ್ಚ್ಯಾ ಭುರ್ಗ್ಯಾಂ ಪಾಸಾತ್, ವಿಶೇಷ್ ಮಾಗ್ಣೆಂ ಕೆಲೆಂ.

     ಉಪ್ರಾಂತ್ ಥಿರಾವ್ಣೆಚಾ ಸಾಕ್ರಾಮೆಂತಾಚಿ ರೀತ್ ಚಲವ್ನ್ ವೆಲಿ, ಹ್ಯಾ ವೆಳಾರ್ ಭುರ್ಗ್ಯಾಂಕ್ ಪೊದೊರ್ನ್ ಜಾವ್ನ್ ಮಾನೆಸ್ತ್ ರೋಬರ್ಟ್ ಮಸ್ಕರೇನಸ್, ಆನಿ ಮೊದೊರ್ನ್ ಜಾವ್ನ್ ಮಾನೆಸ್ತಿಣ್ ಶ್ವೇತಾ ಪಾಯ್ಸ್, ಹಾಂಣಿ ಭುರ್ಗ್ಯಾಂಚಾ ಭುಜಾ ವಯ್ರ್ ಹಾತ್ ದವರ್ನ್ ತಾಂಕಾ ಬರೆಂ ಮಾಗ್ಲೆಂ.

     ಹ್ಯಾ ಮಿಸಾಚೆರ್ ಥಿರಾವ್ಣೆಚೊ ಸಂಸ್ಕಾರ್ ಜೊಡ್ಚ್ಯಾ ಭುರ್ಗ್ಯಾಂನಿ ತಶೆಂಚ್ ತಾಂಚಾ ವಡಿಲಾನಿಂ ದೇವ್ ಸ್ತುತಿ ಚಲವ್ನ್, ಕಾಣಿಕೊ ಅರ್ಪುನ್ ಭಕ್ತೀನ್ ಪವಿತ್ರ್ ಮಿಸಾಚ್ಯಾ ಬಲಿದಾನಾಂತ್  ವಾಂಟೊ ಘೆತ್ಲೊ.

     ಉಪ್ರಾಂತ್ ವಿಗಾರ್ ಬಾಪಾನಿಂ ಥಿರಾವ್ಣೆಚೊ ಸಾಕ್ರಾಮೆಂತ್ ಜೊಡ್ಚ್ಯಾ ಸರ್ವ್ ಭುರ್ಗ್ಯಾಂಕ್ ದೊತೊರ್ನ್ ಶಿಕೊವ್ನ್ ತಯಾರ್ ಕೆಲ್ಲ್ಯಾ ಶ್ರೀಮತಿ ಹೆಲೆನ್ ಟಿಚೆರಿಚೊ ತಶೆಂಚ್ ಸಹಕಾರ್ ದಿಲ್ಲ್ಯಾ ಸರ್ವಾಂಚೊ ಉಪ್ಕಾರ್  ಬಾವುಡ್ಲೊ.

 Photo Gallery's:  👉🏻 https://photos.app.goo.gl/8qU2svcTR299UhJy6

                                          👉🏻 https://photos.app.goo.gl/6Rm9fcWZZ5398KpVA