ದಿನಾಕ್ 21-09-2025 ವೆರ್ ಅಯ್ತಾರಾ ಸಕಾಳಿಂ 8:00 ವರಾರ್ ಸಂಭ್ರಮಿಕ್ ಪವಿತ್ರ್ ಮಿಸಾಚೆಂ ಬಲಿದಾನ್ ಭೆಟಯ್ಲೆಂ.

     ಮಿಸಾಚೆ ಪ್ರಧಾನ್ ಯಾಜಕ್ ಜಾವ್ನ್ ಸಾಂ. ಜುಜೆ ಸೆಮಿನರಿಚೆ ರೆಕ್ಟರ್ ಮಾ|ಬಾ|ದೊ| ರಾಜೇಶ್ ಮೆಲ್ವಿನ್ ರೊಜಾರಿಯೊ ಹಾಣಿಂ "ಆಮ್ಚ್ಯಾ ಜಿಣಿಯೆಂತ್ ಕಷ್ಟ್ ಸಂಕಷ್ಟ್ ಯೆತಾಸ್ತನಾ ಆಮಿ ಮರಿಯೆ ಮಾಯೆಚಿ ದೇಖ್ ಘೆವ್ನ್ ಸೊಸ್ಣಿಕಾಯೆನ್ ಮಾತ್ರ್ ನ್ಹಂಯ್ ಉರ್ಬೆನ್ ಆನಿ ಸೊಂತೊಸಾನ್ ಬೊಗುಂಕ್ ಜಾಯ್" ಮ್ಹಳ್ಳೊ ಸಂದೇಶ್ ದಿಲೊ. 

     ಫಿರ್ಗಜ್ ವಿಗಾರ್ ಬೊ|ಮಾ|ಬಾ| ಐವನ್ ಮೈಕಲ್ ರೊಡ್ರಿಗಸ್, ಸಾಂ.ರೀತಾ ಆಂಗ್ಲ ಮಾಧ್ಯಮಾಚೆ ಮುಕೆಲ್ ಮೆಸ್ತ್ರಿ ಬಾ| ಅಮಿತ್ ರೊಡ್ರಿಗಸ್‌, ಬಾ| ಜೋನ್ ಪಾಯ್ಸ್ ಹಾಣಿಂ ಸಹಭೆಟವ್ಣಿ ಕೆಲಿ. ಗಾಯಾನ್ ಮಂಡಳಿಚ್ಯಾ ಸಾಂದ್ಯಾನಿ ಮಿಸಾಚಿ ದೇವ್ ಸ್ತುತಿ ಚಲೊವ್ನ್ ಕಾಣಿಕೊ ಭೆಟವ್ನ್  ಭೋವ್ ಭಕ್ತಿನ್ ಮಿಸಾಚಾ ಬಲಿದಾನಾಂತ್ ವಾಂಟೊ ಘೆತ್ಲೊ. 

    ಮಿಸಾಚ್ಯಾ ಅಕ್ರೇಕ್ ವಿಗಾರ್ ಬಾಪಾನಿಂ, ಹರ್ಯೆಕಾ ದಿಸಾ ಸಾಲ್ವೆಕ್ ಯೇವ್ನ್  ಮಿಸಾಂತ್ ವಾಂಟೆಲಿ ಜಾವ್ನ್ ಭಾಗ್ ಫೆತಲ್ಲ್ಯಾ ಸರ್ವ್ ಮರಿಯೆಚ್ಯಾ ಭಕ್ತಿಕಾಂಕ್, ಹ್ಯಾ ದಿಸಾನಿಂ ದಾನ್ ದೀವ್ನ್ ಫೆಸ್ತ್ ಭೋವ್ ಅರ್ಥಾಭರಿತ್ ರಿತಿನ್ ಆಚರಣ್ ಕರುಂಕ್ ಸಹಕಾರ್ ದಿಲ್ಲ್ಯಾ ಸರ್ವ್ ಫಿರ್ಗಜ್‌ಗಾರಾಂಚೊ ಉಪ್ಕಾರ್ ಬಾವುಡ್ಲೊ. ಮುಡ್ದೊಮ್ ದೀವ್ನ್ ಸಹಾಕಾರ್ ದಿಲ್ಲ್ಯಾ ಸರ್ವಾಂಕ್ ಮಾನಾಚೊ ವಾತಿ ದೀವ್ನ್ ಮಾನ್ ಕೆಲೊ.

       ಉಪ್ರಾಂತ್ ಕಥೊಲಿಕ್ ಸಭೆಚ್ಯಾ ಮಖೆಲ್ಪಣಾರ್ ಧಾವಿ ಆನಿ ಪಿ.ಯು. ಸಿ. ವಿಭಾಗಾಂತ್ ಡಿಸ್ಟಿಂಕ್ಶನ್ ಆಪ್ಣಾಯಿಲ್ಲ್ಯಾ ಪ್ರತಿಭಾನ್ವಿತ್ ಭುರ್ಗ್ಯಾಂಕ್ ಪ್ರತಿಭಾ ಪುರಸ್ಕಾರ್ ಕಾರ್ಯೆಂ, ತಶೆಂಚ್ ಪಾಟ್ಲ್ಯಾ ಎಕಾ ವರ್ಸಾ ಥಾವ್ನ್ ಫಿರ್ಗಜೆಚ್ಯಾ ವೆಬ್‌ಸೈಟಿಚೊ ವಾವ್ರ್ ಕರ್ಚ್ಯಾ ವಿನಯ್ ಡಿಸೋಜ, ಪ್ರಿತೇಶ್ ಲೋಬೊ, ಪ್ರೀತಿ ಪಿಂಟೊ, ಆನಿ ಶಾಲೆಟ್ ಪಾಯ್ಸ್ ಹಾಂಕಾ ಉಗ್ಡಾಸಾಚಿ ಕಾಣಿಕ್ ದೀವ್ನ್ ಮಾನ್ ಕೆಲೊ. ಪ್ರತಿಭಾ ಪುರಸ್ಕಾರ್ ಕಾರ್ಯಾಚೆ ಪ್ರಾಯೋಜಕ್ ಜಾವ್ನಾಸ್‌ಲ್ಲ್ಯಾ ಮಾನೆಸ್ತ್ ನಿಕಿತ್ ಮಸ್ಕರೇನಸಾಕ್ ವಿಗಾರ್ ಬಾಪಾನಿಂ ಉಪ್ಕಾರ್ ಬಾವುಡ್ನ್ ಮಾನ್ ಕೆಲೊ. 

          ಉಪ್ರಾಂತ್ ಸರ್ವ್ ಫಿರ್ಗಜ್‌ಗಾರಾಂನಿ ಫಳ್ಹಾರ್ ಸ್ವೀಕಾರ್ ಕರ್ನ್ ಎಕಾಮೆಕಾ ಫೆಸ್ತಾಚೆ ಶುಭಾಶಯ್ ಪಾಟವ್ನ್ ಫೆಸ್ತಾಚೊ ಸೊಂತೊಸ್ ದೊಡ್ತೊ ಕೆಲೊ.

       Photo Gallery's:  👉🏻 https://photos.app.goo.gl/Pjv6pcn8gs634N4i6

                                                     https://photos.app.goo.gl/NCzgKz2NfFbX4iHt9