ದಿನಾಂಕ್ 06-09-26 ವೆರ್ ಆಯ್ತಾರಾ ದೊನ್ಪಾರಾಂ 12:00 ವರಾರ್ ಶ್ರೀಮಾನ್ ಸಿಪ್ರಿಯನ್ ಡಿಸೋಜ ಹಾಂಚಾ ಘರಾ ಫೆಸ್ತಾಚೊ ಸಂಭ್ರಮ್ ಚಲವ್ನ್ ವೆಲೊ. ಮಾಗ್ಣ್ಯಾ ದ್ವಾರಿ ಕಾರ್ಯೆಂ ಆರಂಭ್ ಕೆಲೆಂ. ಸಾಂಗಾತಾಚ್ಚ್ ಪವಿತ್ರ್ ಪುಸ್ತಾಕಾಕ್ ಆನಿ ವೆಲಂಕಣಿ ಮಾಯೆಚ್ಯಾ ಇಮಾಜಿಕ್  ಫುಲಾಂ ಅರ್ಪುನ್  ಮಾನ್ ಕೆಲೊ.   

       ಸಂಭ್ರಮಾಚಾ ವೆದಿ ಕಾರ್ಯಾಚೊ ಅಧ್ಯಕ್ಷ್ ಜಾವ್ನ್ ಫಿರ್ಗಜಿಚೊ ವಿಗಾರ್ ಮಾ|ಬಾ|ಮೈಕಲ್ ಲೋಬೊ ಹಾಣಿಂ ಆಮ್ಚ್ಯಾ ಕುಟ್ಮಾನಿಂ ತಶೆಂ ವಾಡ್ಯಾಂತ್ ಭಾವಾಡ್ತ್, ಮಾಯಾಮೋಗ್ ಆನಿ ಎಕ್ವಟ್ ಜಿವಾಳ್ ಕರ್ನ್ ವಾಡೊ ಬಳ್ವಂತ್ ಕರುಂಕ್ ಜಾಯ್ ಮ್ಹಣ್ ಸಂದೇಶ್ ದಿಲೊ.

      ಸಾಂ.ರೀತಾ ಆಂಗ್ಲ್ ಮಾಧ್ಯಮಾಚೊ ಮುಕೆಲ್ ಮೇಸ್ತ್ರಿ ಮಾ| ಬಾ| ಅಮಿತ್ ರೊಡ್ರಿಗಸ್ ಉಲೊವ್ನ್ ವಾಡ್ಯಾಗಾರಾಂಚಾ ಎಕ್ವಟಾಕ್ ಆನಿ ಮುಕೆಲ್ಪಣಾಕ್ ಶಾಬಾಸ್ಕಿ ಪಾಠವ್ನ್ ಫೆಸ್ತಾಚೆ ಶುಭಾಶಯ್ ಪಾಠಯ್ಲೆಂ.

      ಫಿರ್ಗಜ್ ಗೊವ್ಳಿಕ್ ಪರಿಷದೆಚಿ ಕಾರ್ಯದರ್ಶಿ ಶಾಲೆಟ್ ಪಾಯ್ಸ್ ಹಾಣಿಂ ಫೆಸ್ತಾಚೆ ಶುಭಾಶಯ್ ಪಾಠಯ್ಲೆಂ.

     ಸಾಂ ರೀತಾ  ಇಸ್ಕೊಲಾಚಿ ಮುಕೆಲ್ ಮೆಸ್ತ್ರೀಣ್ ಸಿ| ಮರೀನಾ, ಗೊವ್ಳಿಕ್ ಪರಿಷದ್ ಉಪಾಧ್ಯಕ್ಷ್ ಮಾನೆಸ್ತ್ ವಲೇರಿಯನ್ ವೇಗಸ್, ಆಯೋಗ್ ಸಂಯೋಜಕಿ ಮಾನೆಸ್ತಿಣ್ ಜೆಸಿಂತಾ ಫೆರ್ನಾಂಡಿಸ್, ಗುರ್ಕಾರ್ ಮಾನೆಸ್ತ್ ಮರ್ವಿನ್ ವೇಗಸ್, ಪ್ರತಿನಿಧಿ ಮಾನೆಸ್ತಿಣ್ ಫೆಲ್ಸಿ ಡಿಸೋಜ ಆನಿ ಮಾನೆಸ್ತಿಣ್ ಶಾಲಿನಿ ಪ್ರಭಾ ಡಿಸೋಜ, ವಾಡ್ಯಾ ಕಾರ್ಯದರ್ಶಿ ಮಾನೆಸ್ತಿಣ್ ಜೆಸಿಂತಾ ಡಿಸೋಜ ವೆದಿಚೆರ್ ಹಾಜರ್ ಆಸ್‌ಲ್ಲೆ.

      ವಾಡ್ಯಾ ಕಾರ್ಯದರ್ಶಿ ಮಾನೆಸ್ತಿಣ್ ಜೆಸಿಂತಾ ಡಿಸೋಜ ಹಾಣಿಂ ವಾರ್ಷಿಕ್ ವರ್ದಿ ಮಂಡನ್ ಕೆಲಿ.ಫೆಸ್ತಾಚಾ ಸಂಭ್ರಮಾಚೊ ವಾಂಟೊ ಜಾವ್ನ್ ವಾಡ್ಯಾಗಾರಾನಿಂ ಮನೋರಂಜನ್ ಖೆಳ್ ಚಲವ್ನ್ ವರ್ನ್ ಜಿಕ್ಲೆಲ್ಯಾಂಕ್ ಇನಾಮಾ ವಾಂಟ್ಲಿ. ವಾಡ್ಯಾಂತ್ಲ್ಯಾ ಧಾವ್ಯಾ ವರ್ಗಚಾ ಅಂತಿಮ್ ಪರೀಕ್ಷೆಂತ್ ಬರೆ ಅಂಕ್ ಆಪ್ಣಾಯಿಲ್ಲ್ಯಾ ಭುರ್ಗ್ಯಾಂಕ್, ವಾಡ್ಯಾಂತ್ಲ್ಯಾ ಪ್ರಾಯ್ವಾಂತಾoಕ್ ತಶೆಂಚ್ ಪಾಟ್ಲ್ಯಾ ಅವ್ದೆನಿಂ ವಾಡ್ಯಾ ಗುರ್ಕಾರ್, ಕಾರ್ಯದರ್ಶಿ ಜಾವ್ನ್ ಸೆವಾ ದಿಲ್ಲ್ಯಾಂಕ್  ವಿಗಾರ್ ಬಾಪಾನಿಂ ಸನ್ಮಾನ್ ಕೆಲೊ.

       ವಾಡ್ಯಾಗಾರಾಂ ಸಾಂಗಾತಾ ಸಾಂ ಪಾವ್ಲ್ ಕೊವೆಂತಾಚಿ ಧರ್ಮ್ ಭಯ್ಣಿಂನಿ ತಶೆಂಚ್ 12 ವಾಡ್ಯಾಚಾ ಗುರ್ಕಾರಾನಿಂ  ಫೆಸ್ತಾಚ್ಯಾ ಸಂಭ್ರಮಾಂತ್ ವಾಂಟೊ ಘೆತ್ಲೊ. ವಾಡ್ಯಾಗಾರಾನಿಂ ನಾಚ್‌ ಆನಿಂ  ಉಲ್ಲಾಸಾಚೆಂ ಗೀತ್ ಗಾವ್ನ್ ಸರ್ವಾಂಚಿ ಮ್ಹನಾಂ ಖುಶಾಲ್ ಕೆಲಿಂ.

        ವಾಡ್ಯಾಚೊ ಗುರ್ಕಾರ್ ಮಾನೆಸ್ತ್ ಮರ್ವಿನ್ ವೇಗಸಾನ್  ಸರ್ವ್ ಸಯ್ರ್ಯಾಂಕ್ ಸ್ವಾಗತ್ ಕೆಲೊ, ಶ್ರೀಮತಿ ಶಾಲಿನಿ ಪ್ರಭಾ ಹಾಣಿಂ ಫೆಸ್ತಾಕ್ ಸಹಾಕಾರ್ ದಿಲ್ಲ್ಯಾ ಸರ್ವಾಂಚೊ ಮನಪೂರ್ವಕಿ ಉಪ್ಕಾರ್ ಬಾವುಡ್ಲೊ. ಮಾನೆಸ್ತಿಣ್ ರೆನಿಟಾ ವೇಗಸ್ ಅನಿಂ ಜೊಸ್ಟಲ್ ಮಸ್ಕರೇನಸ್ ಹಾಣಿಂ ಕಾರ್ಯೆಂ ಚಲವ್ನ್ ವೆಲೆಂ.

     ಫೆಸ್ತಾಚೊ ಸಂಭ್ರಮ್ ದೊಡ್ತೊ ಕರ್ಚ್ಯಾಕ್ ವಾಡ್ಯಾಗಾರಾನಿಂ ಸಾಂಗಾತಾ ಮೆಳೊನ್ ಜೆವ್ಣಾಚಿ ಮಾಂಡವಳ್ ಅಸಾ ಕೆಲ್ಲಿ. ಅಶೆಂ ಸರ್ವಾಂಚಾ ಸಹಕಾರಾನ್ ವಾಡ್ಯಾ ಫೆಸ್ತ್ ಅರ್ಥಾಭರಿತ್ ರೀತಿನ್ ಆಚರಣ್ ಕೆಲೆಂ.

Photo Gallery :  👉🏻 https://photos.app.goo.gl/9ags6e3XSWQhd9Ch7